最近，广州天气又进入“地狱模式”，分分钟攞人命！
一时话双台风登陆，但大家都知，广州系一个台风都无法征服嘅城市，所以双台风打咗个白鸽转，落咗场雨就无声无息咁走咗！
一时又毫无征兆落倾盆大雨，我遮都未嚟得切开，就停雨，然后继续开始40度高温炙烤广东人！
在此，我想送一首歌畀各位身处广州嘅自己友！
《明年今日》- 陈奕迅
就呢两日刮台风、落暴雨，从建六组织嘅朋友圈，我睇得出广州各区人民如何勇敢面对天灾（同返工）！
番禺区捕风汉子阿爆
明明系同一片天空，
但系嚿云就系点都唔飘去越秀区！
但番禺区同市中心嘅天气
永远唔系同一个频道！
身为增城地主嘅阿咩
每次睇天气预报，
我都仿佛觉得增城唔属于广州，
唔系点解广州全部区落大雨，
增城永远都阳光普照！
荔湾区少女的祈祷鱼乐
每到翻风落雨，
荔湾区就变成荔湾水城！
大人免费入内，
1米2以下儿童请自备水泡！
越秀区烈女阿水
我听过天河区水浸、
荔湾区海啸、
海珠区世界末日，
但越秀区就系从来未出过事！
市中心就系气场大！
萝岗区暴风女神阿Q
萝岗区山多树多，
每逢翻风落雨就各种陷阱！
所以阿Q每次出门
都等于一次极限跑酷！
天河区没有眼泪嘅小沅子
喺BRT同三号线面前，
台风简直系小儿科！
高峰时期搭过BRT同三号线，
先足以谈人生！
我哋每日都喺困难模式做人！
默默喺南沙区微笑嘅毛毛
位于广州最南面嘅南沙区，
通常都系台风第一受灾区！
所以大家都系好好珍惜同关心
住喺南沙区嘅朋友！
最后，仲有一条冇人性嘅朋友圈！
震惊！双台风当前，
无良老世抛弃员工独自去浸温泉，
仲要发朋友圈庆祝！
各位自己友，
你屋企又系边个区？
你系用咩模式度过台风？
传说，
广州建设六有个神秘组织，
日日豉油捞饭，西北风做餸，
↓扫一扫↓你嚟解救我
本文看点由羊城网原创
特此声明
喜欢
(0)
最新评论