搜集资料嘅时候，发现一个颇有趣嘅问题：
作为一个广东人，我要澄清下。冇错，我哋广东人系冇乜时间观念。
喺广东，如果你约咗朋友3点，然而佢迟到，你问佢到咗未？你可能得到如下答案：
“差唔多喇，一阵间就到！”
冇错，【一阵间】呢个咁虚嘅时间词，就系广东特色，一阵间究竟系几时？系一条哲学题。
除此之外，仲有以下时间词，都可以体验出广东人嘅时间观念。
“我已经分分钟帮你留意住嘅喇！”
分分钟，你永远唔知分分钟系指边一分钟，呢一分钟究竟有冇意义？同样，都系一条哲学题。
“我不时会提前15分钟到公司。”
不时，亦都表示“时常”、“随时”，亦可以表示有时会，有时唔会。每一次都好似【薛定谔的猫】一样，唔到最后一刻都唔知今次系准时定迟到。
“沓正9点半到公司，唔迟唔早啱啱好！”
沓正=啱啱好，呢种啱啱好嘅感觉，广东人最钟意喺上班时间，以及够钟落班嗰一刻去体会。沓正9点到公司&沓正6点就收工，系广东人嘅日常愿望。（当然，我哋更多系迟到兼加班。）
“我一时三刻去边度死出份方案畀你啊？”
一时三刻通常应用嘅情景都系畀人催攞嘢，例如：
①朋友追你还钱，你可以话“大嗱嗱几十蚊，我一时三刻边有咁多钱还畀你啊？”
②老世问你今晚出唔出到方案，你一定系话：“一时三刻冇(去)办(边)法(度)做(死)出份方案畀你喔！”
③今晚阿妈叫你带女朋友过嚟屋企食饭，你就话“过嚟食饭？我咁多女，你一时三刻边度准备到几围枱饭餸吖？”
冇错，一时三刻就系广东人用嚟讲“呢件事我做唔到”嘅借口。
“冇见一轮（一牌/一排）肥做又瘦咗喔！”
阿咩有个疑问，一轮&一牌（排）究竟边个时间长啲？（PS：有答案嘅朋友可以留言讲下）
如果一个广东朋友要消失，佢可以消失几耐？
可能系▽
又可能系▽
亦都可能系▽
或者系▽
极端啲可能系▽
更加过分嘅系“斩下眼”就唔见咗▽
斩下眼又到文章嘅尾声，
广东人究竟有冇时间观念？
你嘅答案系乜？
留言同大家分享下！
你可能想睇：
最新评论