我系屋企嘅独仔,喺一个典型嘅广州人家长大。

 

开放二胎政策一出,如果我阿爸阿妈想帮我生个细佬/细妹,我完全可以想象,呢个细佬/细妹将会经历嘅成长过程……

 

如果阿爸阿妈生咗第二个……

当细佬/细妹做错嘢被打到喊:


如果阿爸阿妈生咗第二个……

 

我老母:我数三声,你同我收声!

如果阿爸阿妈生咗第二个……


细佬/细妹问我阿妈佢喺从边度嚟嘅:


如果阿爸阿妈生咗第二个……

 

我老母:喺垃圾堆入边拣返嚟嘅!

如果阿爸阿妈生咗第二个……


过年当细佬/细妹收完利是:


如果阿爸阿妈生咗第二个……

 

我老母:乖仔/女,阿妈先帮你收埋,以后买衫交学费!

如果阿爸阿妈生咗第二个……


细佬/细妹令到我阿妈唔开心时:


如果阿爸阿妈生咗第二个……

 

我阿妈:死仔/女,生旧叉烧都好过生你啦!

如果阿爸阿妈生咗第二个……


细佬/细妹考试成绩唔好:


如果阿爸阿妈生咗第二个……

 

我阿妈:隔离陈师奶个仔读书都唔知几叻!

如果阿爸阿妈生咗第二个……


细佬/细妹数学点教都唔识:


如果阿爸阿妈生咗第二个……

 

我妈话:你系咪猪脑嚟噶?!咁样都唔识,死蠢!

如果阿爸阿妈生咗第二个……


细佬/细妹一次又一次犯错时:


如果阿爸阿妈生咗第二个……

 

我阿妈:你个扑街仔,次次都系咁,小心我打鸠你!

如果阿爸阿妈生咗第二个……


当细佬/细妹嘈住阿妈想买×××:


如果阿爸阿妈生咗第二个……

 

我老母:下次帮你买啦,乖……

如果阿爸阿妈生咗第二个……


细佬/细妹去学校快迟到时:


如果阿爸阿妈生咗第二个……

 

我阿妈:吊颈都要唞吓气,急乜嘢啧!

如果阿爸阿妈生咗第二个……


细佬/细妹驳嘴时:


如果阿爸阿妈生咗第二个……

 

我阿妈:第二样嘢冇见你咁叻,驳嘴你就最叻!

以上情况,如果我在场,我老母一定会:“笑笑笑,净系识笑!你咁大人都唔识睇住细佬/妹?!我真系生咗一堆化骨龙!

如果阿爸阿妈生咗第二个……除咗以上情况,仲有↓↓↓

早啲训啦, 晚晚都咁夜训, 听朝返工/返学唔够精神吖!

——不如你早啲训听朝淮时叫醒我啦……
睇电视唔好坐咁埋呀, 睇坏对眼呀!

——阿妈, 太迟啦,就系对眼坏咗先要坐咁埋睇……
叫咗你唔好夜晚洗头, 第二日老咗你就知!

——第二日咁快就老?
得闲带个女仔返嚟食饭啦!

——带男仔得唔得?
我:“今晚又我洗碗啊?”

妈:“你个衰仔咁都好意思讲出嚟?我辛辛苦苦煮餐饭畀你哋食,食完仲想唔做嘢!我煮嗰阵又唔见你出嚟帮下手,一日净系识得对住部电脑。冇益噶!鬼咁多辐射,夜晚又夜训,挨埋啲夜你估好得戚咩!仲有呀……(以下省略1000字)”
妈:“去咗边度啊?”

我:“出街咯。”

妈:“边度街啊?”

我:“同朋友去饮野。”

妈:“边个朋友啊?”

我:“讲你都唔知。”

妈:“你成日唔讲,梗系唔知啦!”

我:“xxx。”

妈:“边个嚟架,边度识噶?”…..

——永远都系无限延长……所以……我应该一开始就唔答佢!!!
“早啲返啊,依家社会复杂,今日报纸先讲有个后生仔畀人捅死咗。”
“有人跌咗落河,千祈五好跳落去救人啊,一阵你都瓜埋啊!”
冇男朋友或者女朋友嗰阵:“求其搵住个先啦,唔好嫌三嫌四啦!”;
有男朋友或者女朋友嗰阵:“睇多几个先啦,使唔使咁急啊?”

——咁你究竟想我点啫?
吃饭嗰阵:
妈:“今日隔离阿陈师奶…… 对面阿李师奶……楼上阿张师奶……楼下阿刘师奶…..”

——阿妈,我饱啦+_+

如果阿爸阿妈生咗第二个……

部分资料来源网络