摘要：今期，我哋为你揭秘广东阿妈嘅八大未解之谜……
《广东阿妈系列专题报告》
我哋采访咗100个广东仔女，
佢哋最想问阿妈呢啲问题。
点解唔肯放过木棉花
图片源于广州日报
见到咁靓嘅景，
想必大家都会停低影返两张靓相。
正当我沉浸于此情此景嘅时候，
将啲靓相发去屋企个群度
但系喺我阿妈眼中，
佢已经行完佢嘅一生。
我代表木棉花委员会强烈谴责
我阿妈呢个咁残忍嘅行为！
即刻将佢哋食晒落肚。
点解薯仔发芽仲唔掟
除咗妙手摧花，
我阿妈连蔬菜都唔放过！
逢亲有发芽嘅薯仔，
我都准备擗，
但我阿妈坚持要种！
阿妈，咪玩啦。等得佢嚟我都发咗达啦！
个花盆又细，仲要种成五个月！
点解饭盒要用咁多次
我阿妈热衷于一次性饭盒嘅重复利用。
冇错，就系嗰啲系酒楼打包带走嘅透明饭盒。
晶莹剔透嘅外表
成功吸引咗我阿妈嘅注意。
每当我食完想掟咗佢，
阿妈都会系干净继续用！
好的阿妈，你想点就点。
点解啲衫唔想捐
我伟大嘅老母亲，连旧衫都要搞一餐，
除咗拖把，仲有抹地布啦，
手提袋，宠物啲衫。
亲测，实用率<50%，
因为绑唔实所以啲布条成日走出嚟！
点解收埋咁多胶袋
逢亲同阿妈行商场都好鬼无语，
因为佢会疯狂攞商场啲塑料袋！
咁都算啦，毕竟系屋企要用嘅嘢。
但系！
每个阿妈
都自带一个堆满塑料袋嘅柜筒
斋攞返屋企唔用噶！
阿妈，你储埋咁多做乜啊？
想整个降落伞？
点解蛋糕要加热
系阿妈眼中，
所有嘅嘢都可以加热。
包括奶油蛋糕等多样西饼。
妈，你可唔可以放过我啊？
点解水果要炒热佢
除咗可加热嘅西饼，
喺阿妈眼中 生果都系寒凉 ，
但只要炒炒佢，就可以瞬间驱寒。
阿妈，其实你有冇谂过啲水果嘅感受啊？
点解有新嘢都唔用
但无论点，
都比唔过新鲜事物出现喺屋企。
新手机新电器，我觉得要即刻攞嚟用，
而我阿妈，就系攞嚟摆
铺晒尘都唔肯用。
今晚返到去，
又有木棉花汤饮啦！
我已经饮咗一个星期。
各位自己友仲有冇乜阿妈路数话我哋知？
记得留言话畀我哋知！
我觉得阿妈嘅黑历史真系无穷无尽！
听朝起床可能又见新玩法。
最新评论