摘要:如何实现一晚五次,TVB做到咗啦!

前两日,阿爆控诉过TVB剧集有几无厘头,今日到我为大家带来下半场,TVB除咗系无厘头始祖,仲系连环“车祸”现场

讲嘅咪就系从演员、角色、情节都可以通通“撞车”!听唔明唔紧要,睇落去你就明!

撞人撞期撞剧情,TVB先系史诗级“连环车祸”现场

一个男人的死诗

同一演员同一剧情同一日连环撞车

追TVB嘅人都知道呢个经典案例,就系演员罗乐林「一日之内死五次」,好经典到连外国媒体都报道咗呢件事!

撞人撞期撞剧情,TVB先系史诗级“连环车祸”现场

2011年4月6日起,罗乐林饰演嘅角色就接连喺多部电视剧中“卖咸鸭蛋”!

从4月6号晚20:30嘅《洪武三十二》,同晚播出嘅《女拳》同《七号差馆》,到7号重播嘅《布衣神相》、《皆大欢喜》,罗乐林分别死咗五次,仲要五种死法唔重复!

撞人撞期撞剧情,TVB先系史诗级“连环车祸”现场
撞人撞期撞剧情,TVB先系史诗级“连环车祸”现场
撞人撞期撞剧情,TVB先系史诗级“连环车祸”现场
撞人撞期撞剧情,TVB先系史诗级“连环车祸”现场
撞人撞期撞剧情,TVB先系史诗级“连环车祸”现场

「一日之内死五次」,呢啲咁不可思议嘅事,真系只此一家,别无分号。据说当年新闻好多人关注,令到TVB高层考虑过将此次事件申请入健力士世界纪录大全。

穿越时空之奸神

同一演员同一剧情同一晚撞车

比罗乐林「一日之内死五次」更惨嘅,系一晚之内连续强女干两个女性!

TVB有个演员叫黄炜溏,睇相你肯定知道系边个。

撞人撞期撞剧情,TVB先系史诗级“连环车祸”现场

由于相貌比较凶神恶煞,所以佢经常饰演奸角、罪犯、黑社会等反面角色,佢都经常要出演污辱女性嘅戏份。

就喺2014年10月,TVB播紧《大药坊》《再战明天》,两部戏同一晚竟然都有强暴戏份,而强暴角色都系黄炜溏!

8点半《大药坊》,高海宁饰演嘅酒馆老板娘,惨遭黄炜溏强暴,然后9点半嘅《再战明天》,石天欣喺戏中被饰演继父嘅黄炜溏强暴。

撞人撞期撞剧情,TVB先系史诗级“连环车祸”现场

▲其实黄炜溏之前喺《巨轮》都强暴过石天欣,今铺真系原班人马激情出演!

同一晚连续两出戏有强暴情节已经够离奇,估唔到“强暴犯”仲要系同一个人,搞到黄炜溏得到「万年强奸犯」嘅称号。

 

撞人撞期撞剧情,TVB先系史诗级“连环车祸”现场

咁啱得咁桥,轮流畀人标

同一套戏一晚三场绑架

唔知大家仲记唔记得前两年嘅一部“神剧”——《神鎗狙击》,内容浮夸,剧情众多BUG,演员尴尬,特效又极其水。

撞人撞期撞剧情,TVB先系史诗级“连环车祸”现场

▲当年徐子珊呢幕爆炸飞身图,畀人P咗好多个版本

咁都唔系最经典,9月23号播出嘅时候,《神鎗狙击》竟然一个钟头内有三场绑架戏!

撞人撞期撞剧情,TVB先系史诗级“连环车祸”现场

周海媚同杨爱瑾两姐妹,轮流被人标参,搞到我都想叫啲绑匪直接撕票啦,咪鬼浪费我时间!

撞人撞期撞剧情,TVB先系史诗级“连环车祸”现场

仲有一件事,当晚播出嘅《巨轮》,同样有绑架戏,绑架对象系钟嘉欣同萧正楠。

撞人撞期撞剧情,TVB先系史诗级“连环车祸”现场

最桥嘅系,两套戏嘅绑匪一样都系四个人,绑架赎款都系五千万(不过一个系美金一个系港币),令人怀疑两出戏系咪同一个时空,同一班绑匪客串!

讲完情节撞车,就要讲下角色撞车,TVB嘅经典情侣档都系撞车重灾区,我以前盘点过。

其实近几年嚟,TVB配角撞车非常常见,同一晚播出嘅两套剧集,配角来来去去都系嗰啲人,越睇越连戏!

《回到三国》之《护花危情》

唔同剧集,演员重复率极其高

撞人撞期撞剧情,TVB先系史诗级“连环车祸”现场

《回到三国》同《护花危情》嘅演员堪称连环撞车现场,好似一班三国人投胎到现代咁,当时追剧追到我蒙查查!

《回到三国》嘅刘关张三兄弟,去到《叛逃》竟然都系饰演组织成员,一齐杀死罗乐林(《三国》中饰演曹操),被戏称为「刘关张转世杀曹操」

撞人撞期撞剧情,TVB先系史诗级“连环车祸”现场

爱你变成杀死你

同一演员唔同命运

情侣档唔可怕,最可怕嘅系唔同剧集就反目嘅情侣档!

马国明同陈法拉,喺唐朝嘅《公主嫁到》中饰演夫妻,但到咗民初嘅《女拳》,陈法拉拒绝马国明嘅追求,最后两人反目。

撞人撞期撞剧情,TVB先系史诗级“连环车祸”现场
撞人撞期撞剧情,TVB先系史诗级“连环车祸”现场

又比如,《女拳》中黄宗泽同陈法拉系夫妻,但到咗《潜行狙击》,跛co害死咗Madam Jo!!!

撞人撞期撞剧情,TVB先系史诗级“连环车祸”现场

▲观众:你做咩怼你老婆啊!

祝天下情人终成母子

同一演员唔同关系身份

马国明同杨怡嘅身份都好扑朔迷离,《回到三国》同《On Call 36小时》中,佢哋系情侣。

撞人撞期撞剧情,TVB先系史诗级“连环车祸”现场

但到咗《铁马寻桥》同《名媛望族》中,佢哋就变成“母子”关系。

撞人撞期撞剧情,TVB先系史诗级“连环车祸”现场

一件头叫鱼仔做阿妈,我点睇都觉得怪咯!

撞人撞期撞剧情,TVB先系史诗级“连环车祸”现场

时间关系,仲有好多TVB撞车事故冇办法讲到,比如一年中三次风嘅潘志文,演完清朝顺治帝再演道光帝、自己演自己后代嘅陈锦鸿等。

撞人撞期撞剧情,TVB先系史诗级“连环车祸”现场
撞人撞期撞剧情,TVB先系史诗级“连环车祸”现场

由于演员不足,编剧能力低,TVB嘅“撞车”越嚟越频繁,令观众感觉到疲倦!

 

作为TVB嘅忠实fans,我都系希望TVB以后“争气啲”,认真制作剧集,内部唔好成日挂住斗生斗死!

各位自己友,

你哋最深印象嘅“车祸”又系咩?

你睇边部剧试过连戏好严重?

撞人撞期撞剧情,TVB先系史诗级“连环车祸”现场

港剧发烧友

即刻↓扫一扫↓

撞人撞期撞剧情,TVB先系史诗级“连环车祸”现场

素材出自香港网路大典等

羊城网负责整理编辑

撞人撞期撞剧情,TVB先系史诗级“连环车祸”现场