最近有三个字母令人闻风丧胆，
日日洗版刷屏上热搜，
一啲啲渗透荼毒我嘅社交圈，
唔系KPI，唔系UFO，而系
Skr！
Skr！
Skr！
微信群倾偈，
经常一堆人喺度讲！
搞到我以为微信出bug乱码！
我：
刷个微博朋友圈，
每两条微博就有一条讲紧skr！
我：
仲要畀一大堆skr表情包
攻陷我啲微博朋友圈！
当然，讲到表情包，
“为所欲为”同“真香”都未能幸免，
一样中晒skr嘅毒！
我：
skr一词之所以爆红，都系多得
我国当红（流量）炸子鸡吴亦凡老师
嘅无私奉献同辛勤劳动！
旧年，吴老师参加《中国有嘻哈》
第一期就带红咗个“freestyle”，
今年节目第二季开播，
吴老师再接再厉，砥砺前行，
点评选手rap嘅时候不断重复“skr”，
成功将其推到网络第一热词嘅宝座！
睇视频即可重温吴老师嘅精辟点评：
吴老师喺节目中点评选手表现，
一再用skr、skr嚟表示赞许同认同。
真系极其洗脑，亦因此引来争议。
因为有人出嚟科普，
「Skr Skr」并非攞嚟表示赞同，
佢有三种用法：
1.早期用来当作Rap的韵脚和语尾助词，并没有真正的含义；
2.代表轮胎和地面摩擦发出的声音，因为跑车是Rapper常用的元素；
3.表示不满、不屑、不认同，相当于平时所说的“切”。
但我深信Skr并非系吴老师一时口误，
而系一种敢为人先嘅大胆跨界创新，
毕竟吴老师出生于广州，
佢所讲嘅Skr有可能来源于粤语中嘅“是嘅”！
喺开创Rap界文学语法嘅同时，
传扬粤语文化，
足见吴老师嘅良苦用心！
（以上纯属鸠嗡）
并且唔够一个星期，
连X度百科都因为收录咗佢嘅用法！
▲第二个也是吴亦凡在现象级网综《中国新说唱》中的引申用法，是当你对某些事情特别认可时，就用一个skr，感觉就像是中文里的“赞”。将原本的拟声词本意赋予了形容词的含义。
“将拟声词赋予形容词的含义”……
我哋吴老师真系犀利过《中华字典》，
权威过《大英词典》！
但其实，关我撚事咩！
重点系
你哋唔好再成日讲skr，skr啦！
真系唔觉得有几好笑咯！
▼
▼
▼
▼
而且依家粤语啲形容词唔够多咩！
粤语粗口唔好用咩！
我哋广东人要赞人，大撚把词啦！
粤语文化博大精深，
请各位熟读并背诵上述表情包！
各位自己友，
你觉得边句粤语赞人最抵死又搞笑？
你身边又有冇人成日skr、skr？
记得转呢篇文章教下佢！
最新评论