过年之前,阿咩就介绍咗79年同89年嘅羊城贺岁万家欢系几咁辉煌,点击回顾→当年羊城呢台春晚,秒杀依家任何一档春晚

最好睇嘅广东综艺节目,喺你出世之前就已经上演……-羊城网——懂互联网,更懂广州!

而今日要介绍一档广东嘅综艺节目,都系同前者有关嘅。

佢曾经有好辉煌嘅成绩——

美国“92金狮”综艺节目二等奖

中国电视星光奖一等奖

中南六省区金帆奖

主持人谭国治、钟新宁因此节目分别获得“全国广播电视主持人开拓奖”金奖与银奖。

呢档节目就系《万紫千红》

最好睇嘅广东综艺节目,喺你出世之前就已经上演……-羊城网——懂互联网,更懂广州!

在座嘅90后,00后可能都会对呢个名好陌生,其实《万紫千红》系八十年代原汁原味嘅广东制造节目,更加系中国电视娱乐节目嘅鼻祖。

《万紫千红》从1981年起播放,一直到1995年停播,一共播咗15年,曾经系中国最长寿嘅综艺节目。

最好睇嘅广东综艺节目,喺你出世之前就已经上演……-羊城网——懂互联网,更懂广州!

1

《万紫千红》嘅诞生同成功,离唔开当时嘅时代背景。

改革开放之初,广州嘅电视资源非常匮乏,可以收睇嘅频道只有两个,一个系广东电视台、另一个系央视,多为播放新闻或教育类节目。

最好睇嘅广东综艺节目,喺你出世之前就已经上演……-羊城网——懂互联网,更懂广州!

▲《百花园》、《艺术长廊》系当时稍微轻松啲嘅文艺节目

与之相对,香港嘅电视节目就做到有声有色,特别系以《欢乐今宵》为首嘅综艺类节目,齐集时下热点、劲歌热舞、诙谐短剧等,为广东观众带嚟极大嘅视觉冲击。

最好睇嘅广东综艺节目,喺你出世之前就已经上演……-羊城网——懂互联网,更懂广州!

到咗79年春节,第一届羊城贺岁万家欢(以下简称“79羊城贺岁”)举办。

虽然节目名义上系广东台同TVB合作,实际上,大至电视车,细至一个插头,所有机器、设备、演员都系从香港运过嚟。

最好睇嘅广东综艺节目,喺你出世之前就已经上演……-羊城网——懂互联网,更懂广州!

而“79羊城贺岁”更加充满住香港特色:

报幕员(主持人)唔使立正,唔使读稿,倾计咁介绍节目,主持人可以随便爆烂gag,演员坐喺观众中间,随时会被请上台讲嘢表演……

“79羊城贺岁”获得前所未有嘅成功,令到好多广州电视人都冇谂过,原来电视节目可以咁做!原来观众极其受落呢一套!

为咗同香港节目抗衡,1979年,省广播局同省台嘅一班工作人员,住喺东莞一间招待所,每日反复睇《欢乐今宵》,不停研究揣摩节目形式同风格。

最好睇嘅广东综艺节目,喺你出世之前就已经上演……-羊城网——懂互联网,更懂广州!

舍弃内地电视节目惯有嘅严肃端正,借鉴《欢乐今宵》,广东第一档本土综艺节目嘅雏形就喺一间招待所诞生,并被命名为《万紫千红》

嗰阵,冇人预计到《万紫千红》后来会成为一档家传户晓、雄霸收视嘅综艺节目。

2

1981年1月1日,《万紫千红》正式开播,随即一炮而红。

最好睇嘅广东综艺节目,喺你出世之前就已经上演……-羊城网——懂互联网,更懂广州!

一开始嘅《万紫千红》,依然属于杂志式栏目,采用录播嘅方式。但《万紫千红》领先于内地其他节目,将报幕员变为主持人。

主持人同报幕员最大唔同系,主持人必须要识得临场发挥、掌控全场,唔可以照稿读。

当时广州缺少呢方面人才,最后栏目组就搵到电台播音员谭国治,同埋啱毕业嘅樊玉婵同黄婉玲。

最好睇嘅广东综艺节目,喺你出世之前就已经上演……-羊城网——懂互联网,更懂广州!

▲主持人钟新宁、樊玉婵、谭国治(从左到右)

《万紫千红》后来仲开创咗好多先河,比如:第一个喺加入小品同流行音乐元素,国内首次采用电视特技、外景拍摄、现场直播制作节目。

最好睇嘅广东综艺节目,喺你出世之前就已经上演……-羊城网——懂互联网,更懂广州!

▲王乃斌,《万紫千红》现场直播概念提出者,我国内地最早期嘅电视综艺节目、MTV和现场直播编导之一。

栏目组学习香港同时,要兼顾内地嘅尺度限制,比如主持嘉宾嘅衣着有所限制、只可以选择积极健康流行曲播放、直播时经常面对各种出错等。

由于节目内容同形式都不断丰富,主持风格亲切,《万紫千红》收视节节攀升,其中《朝见口晚见面》《乐叔与虾仔》,就系最受欢迎嘅两档栏目。

最好睇嘅广东综艺节目,喺你出世之前就已经上演……-羊城网——懂互联网,更懂广州!

▲《乐叔和虾仔》系上世纪华南地区影响最大嘅漫画,描绘改革开放之后广州社会、经济、市民生活嘅巨大变化,《万紫千红》将其改为漫画小品。

3

《万紫千红》嘅风头一时无两,根据当时抽样调查,97%嘅广州观众将《万紫千红》选为最喜爱电视节目,而《万紫千红》喺广西、海南等地都有粉丝。

最好睇嘅广东综艺节目,喺你出世之前就已经上演……-羊城网——懂互联网,更懂广州!

▲《万紫千红》摄制组曾经去过桂林、日本福冈等地进行外景拍摄

1986年《万紫千红》举办首届“家庭音乐大赛”,将整个节目推向高潮。

大赛决赛当晚,啱好央视热播电视剧《阿信》播大结局,但《万紫千红》收视率依然高达95%

最好睇嘅广东综艺节目,喺你出世之前就已经上演……-羊城网——懂互联网,更懂广州!

▲第一届《家庭音乐大赛》获得冠军的家庭。

《万紫千红》被誉为“广东嘅造星摇篮”,喺节目中亮相嘅主持人、歌手、笑星,第二天即刻就成为热议话题,如唐彪、廖百威、黄俊英、卢海潮、杨达、何宝文、李丹红、任永全等。

最好睇嘅广东综艺节目,喺你出世之前就已经上演……-羊城网——懂互联网,更懂广州!

《万紫千红》系当时国内最成功嘅综艺节目,令到广东电视台喺业内享有“中央二台”嘅美誉,并开创咗中国电视节目嘅新时代,令到其他省市电视台开始效仿,推出类似节目。

自此,电视综艺节目慢慢喺全国电视台遍地开花。

4

虽然曾经风光无限,但进入90年代后,《万紫千红》因缺乏创意而收视下滑,后来更被指出唔符合时代嘅发展,观众逐渐流失。

1995年,陪伴广东人15个春秋、播放超过一千期嘅《万紫千红》最终惜别电视荧屏。

最好睇嘅广东综艺节目,喺你出世之前就已经上演……-羊城网——懂互联网,更懂广州!

▲《万紫千红》第一代主持人谭国治于去年逝世,终年73岁。

《万紫千红》,正如佢个名一样,曾经有过姹紫嫣红嘅岁月,最终都免不了经历黯然凋零。

但《万紫千红》15年嘅陪伴,同埋带畀观众嘅欢乐,永远存在喺每个老广嘅心中。

 

最好睇嘅广东综艺节目,喺你出世之前就已经上演……-羊城网——懂互联网,更懂广州!

希望通过此文可以令更多后生仔女知道,广东曾经有档一度击败央视嘅综艺节目,叫《万紫千红》。

阿咩冇喺网上搵到相关视频资源,有资源嘅自己友唔介意就分享下!

素材出自南方都市报、大洋网等

羊城网负责整理编辑