以前读大学嘅时候，我嘅外省舍友有一次问咗我一个问题——

“为什么你们广东人这么喜欢喝糖水？糖加水有什么好喝的？”

当时嘅我呆咗几秒……

然后开始语重心长咁同佢解释，此“糖水”非彼“糖水”。之后，我带佢食咗一次正宗广式糖水，然后佢就立刻臣服于广东美食嘅魅力。

每次出夜街，最后唔食返个糖水，总会觉得人生唔完整。同朋友倾住计食糖水，烦恼同疲倦都会随住甜味而消散。

但喺呢个追求经济效益嘅年代，街上糖水铺基本上主推新派糖水，就算系卖传统糖水，多数都系以粉浆冲制，慢工出细活嘅糖水铺越嚟越少。

讲到广式糖水，好多人脱口而出都系杨枝甘露。

不可否认，以杨枝甘露为代表嘅新派糖水系非常伟大嘅创新。

新派糖水甜度比传统糖水低，味道更清新，花样又极其多，比如加入鲜果嘅各款西米露，混合日式元素嘅黑糖炖燕窝。

但当一条街都系卖新派糖水，心入边就不自觉怀念起慢火精致嘅传统糖水，而牺牲精神、时间制作糖水嘅铺头，更加系非常难得。

传统糖水肯定唔似新式咁五花八门，眼花缭乱，原料来来去去都系五谷、豆类、药材、牛奶，偶尔加入生果、坚果、汤丸等，通过文火慢调而成。

最后，一勺勺糖水被送入口中，嗰份温暖嘅甜蜜一直绵延流淌到心底。

传统糖水唔单止系餐后甜品，仲系滋润养生嘅平民补品。

不同时节对应各式应节糖水，夏天食清热降火嘅清补凉、马蹄爽，秋天有止咳祛痰嘅冰糖炖雪梨，而冬天就系红绿豆沙、芝麻糊嘅天下。

难怪有人话，广式糖水其实就系广式汤水嘅另一种形态。

咁你又知道几多种传统糖水？

红豆沙、绿豆沙、芝麻糊、双皮奶你肯定非常熟悉，但下边呢啲传统糖水你又食过未？

腐竹、白果、薏米、茨实共煮嘅糖水，简约而不简单，煮得好都唔容易，甜而不腻，伴有腐竹清香为上品。

清润有益嘅高营养糖水，清心安神、清胃化痰、美白滋润。可将鸡蛋打散或整只加入煮，口感同味道会有所唔同。

冬天必备暖身养生糖水，汤清薯韧、姜味浓郁为上，可祛风暖胃、润肠通便。

椰糖系马来西亚传统糖类，经常用于制作甜品。椰糖、银耳、黄片糖合煮成糖水，可滋补养颜、美白祛斑。

清补凉除咗可以煲汤，都可以用嚟煲糖水，补而不燥，具有清热润肺、健脾祛湿嘅功效。

公认嘅孕妇恩物，可祛湿、降血压、宁神安眠、调理月经等。不过我通常都系偷人哋只蛋嘅人……

清甜可口，细个嘅时候最中意慢慢督烂个雪梨食。有化痰止咳、清热生津、润肺平喘之效。

就算系广州人，都唔一定知道云吞皮可以用嚟煮糖水。

澄澈透亮，香甜清新，源于云吞面出现嘅时期。材料简单、价格平、烹煮方便，一度成为大众糖水。但后来社会发展，云吞皮糖水被认为难登大雅之堂，久而久之销声匿迹于街头。

各位自己友，

你最钟意嘅糖水系咩？

有咩推荐嘅糖水铺？

素材出自维基百科等

羊城网负责整理编辑