摘要:讲唔出边度好,但就系替代唔到。
毕业嘅时候,有人问过我一个问题,咁后生,点解唔出去闯下,就选择留喺广州?
近几年,我哋成日会听到,“深圳超越广州,全国排名前三”,“广州或将被踢出一线城市”,但事实上依然有好多本地人、外地人留恋呢个城市。
今日,我哋羊城网都做咗一个小小嘅调查——
广州有咩好?
你点解选择留喺广州?
我哋统计咗下各位自己友嘅回答,筛选咗部分答案,唔知下边又有冇你嘅答案?
(注:篇幅限制,部分评论有所删减)
1
每次我想走,都系美食挽留我。
深夜两点饿醒,仲可以落街食宵夜,周街宵夜档就系方便。(无穷君)
糯米鸡、叉烧包、凤爪、排骨、虾饺、肠粉、流沙包、烧卖、排骨、马蹄糕、萝卜糕、金钱肚、蛋挞、双皮奶、菠菜饺、榴莲酥、炸春卷、炸云吞、红豆沙、鲮鱼球……够未!(天清)
广州除了点心,外省人还讲烧鹅好食。上年有朋友来,品尝烧鹅后还念念不忘。我有远亲在天津,有亲戚返天津,临上飞机都打包两只烧鹅去。坐飞机的烧鹅,新鲜事吧。(雅厶)
肯定是美食,我记得当年有位名叫刘昂星的四川少年,自己母亲是四川省国营餐馆菊下楼的主厨,但他还只身一人来到广州阳泉酒家学厨艺……(郁少)
2
一线城市最亲民
物价不高不低。(袁志欣)
喺一线城市之中,广州系物价最低,喺广州我可以养活自己。(爆爆)
交通便利,也实惠,除咗房价太高其它好多嘢都比乡下便宜。(季)
3
老广够务实,够包容
既可真土壕也可平民中享受土壕。够现代,冇甘多攀比八啩。其二,兼容并蓄,冇甘多强制性政治观念的强行一致。最衰,过于包容,搞到自己要适应野蛮和落后。(金秋)
市井气息浓厚,就算唔化妆,着住拖鞋睡衣出街,都冇人话你。(CarlYeng)
广州除了食,还有广州人随和,邻里间远亲不如近邻,相互帮助,小时住老城区感触好深,而家同外省的人住一起,各顾各的,极少串门,时常听到他们吵闹,还报警。(雅厶)
广州人很实际,做生意也很老实,1就是1,0就是0!(Soi)
用男人比喻,上海北京是霸气强势、轰轰烈烈,而广州永远是低调务实,用生活细节打动你。(Nicky)
4
粤语魅力势不可挡
可以听得明其他人讲咩。(絲歌匹蒽斯)
第一次听粤语觉得好难懂,后来听着听着就可以日常交流,粤语真的很好听!(阿四匹林)
大家都讲广东话,同声同气,点都好啲嘅。(阿水)
自从知道“有卵用”同“冇卵用”其实系同一个意思,我就感受到粤语嘅魅力!(羌先生)
其它
一本正经鸠UP系列
蟑螂特别大,打起来特别过瘾。(马睿)
一出街,就听到人哋叫我靓仔!咁诚实嘅城市,去边度搵!(慕容求药)
一年只有一个月系冬天……仲要系经历七八次入冬失败……(丁一)
两日之内体验一次春夏秋冬,咁仲唔够好!(Q小姐)
有时候,
我哋讲唔出广州边度好,
但我哋就系想一直留喺呢个城市。
各位自己友,
你哋又因为咩而留喺广州?
感谢各路自己友提供素材~
羊城网负责整理编辑
最新评论