搜集资料嘅时候,发现一个颇有趣嘅问题:

 

广东人系咪冇乜时间观念?
广东人系咪冇乜时间观念?

 

作为一个广东人,我要澄清下。冇错,我哋广东人系冇乜时间观念。

喺广东,如果你约咗朋友3点,然而佢迟到,你问佢到咗未?你可能得到如下答案:

 

 

“差唔多喇,一阵间就到!”

广东人系咪冇乜时间观念?

冇错,【一阵间】呢个咁虚嘅时间词,就系广东特色,阵间究竟系几时?系一条哲学题。

除此之外,仲有以下时间词,都可以体验出广东人嘅时间观念。

 

“我已经分分钟帮你留意住嘅喇!”

广东人系咪冇乜时间观念?

分分钟,你永远唔知分分钟系指边一分钟,呢一分钟究竟有冇意义?同样,都系一条哲学题。

 

 

“我不时会提前15分钟到公司。”

广东人系咪冇乜时间观念?

不时,亦都表示“时常”、“随时”,亦可以表示有时会,有时唔会。每一次都好似【薛定谔的猫】一样,唔到最后一刻都唔知今次系准时定迟到

 

 

“沓正9点半到公司,唔迟唔早啱啱好!”

广东人系咪冇乜时间观念?

沓正=啱啱好,呢种啱啱好嘅感觉,广东人最钟意喺上班时间,以及够钟落班嗰一刻去体会。沓正9点到公司&沓正6点就收工,系广东人嘅日常愿望。(当然,我哋更多系迟到兼加班。)

 

 

“我一时三刻去边度死出份方案畀你啊?”

广东人系咪冇乜时间观念?

一时三刻通常应用嘅情景都系畀人催攞嘢,例如:

①朋友追你还钱,你可以话“大嗱嗱几十蚊,我一时三刻边有咁多钱还畀你啊?

②老世问你今晚出唔出到方案,你一定系话:“一时三刻冇(去)(边)(度)(死)出份方案畀你喔!

③今晚阿妈叫你带女朋友过嚟屋企食饭,你就话“过嚟食饭?我咁多女,你一时三刻边度准备到几围枱饭餸吖?

冇错,一时三刻就系广东人用嚟讲“呢件事我做唔到”嘅借口

 

“冇见一轮(一牌/一排)肥做又瘦咗喔!”

广东人系咪冇乜时间观念?
广东人系咪冇乜时间观念?

阿咩有个疑问,一轮&一牌(排)究竟边个时间长啲?(PS:有答案嘅朋友可以留言讲下)

 

 

如果一个广东朋友要消失,佢可以消失几耐?

 

 

可能系▽

广东人系咪冇乜时间观念?

 

又可能系▽

广东人系咪冇乜时间观念?

 

亦都可能系▽

广东人系咪冇乜时间观念?

 

或者系▽

广东人系咪冇乜时间观念?

 

极端啲可能系▽

广东人系咪冇乜时间观念?

 

更加过分嘅系“斩下眼”就唔见咗▽

广东人系咪冇乜时间观念?

 

斩下眼又到文章嘅尾声,

广东人究竟有冇时间观念?

你嘅答案系乜?

留言同大家分享下!

 

你可能想睇:

少女的鲜花,阿妈的汤渣

如何用一个粤语字形容回南天嘅底裤

40分钟嘅青春,换一餐黯然销魂嘅煲仔饭

 

 

广东人系咪冇乜时间观念?