相信大部分人未去过香港之前,对香港嘅印象同认识都源于TVB嘅电视剧,天真咁以为香港嘅生活就好似TVB剧里面演嘅咁样。但系直到真系去到香港生活过一排先知,原来我哋畀TVB呃咗咁多年!

原来TVB一直水紧我哋……

1
千尺豪宅?你以为好大啊?

经常喺TVB剧集里面见到,就算系普通家庭都住个装修唔错嘅三室两厅,客厅开扬光猛。但系你要知道,香港边得嚟咁多咁大嘅屋啊!《忠奸人》里面高哲行为咗千尺豪宅不惜出卖朋友、出卖恋人嘅时候,你系唔系以为佢嘅奖励会系咁样嘅一间屋?

原来TVB一直水紧我哋……

错!喺香港所谓嘅千尺豪宅只不过系间90平米嘅中小户型,2016年香港平均楼价折合人民币325485元/平方米,而年人均工资都未到30万,条数你自己识计啦,唔饮唔食差唔多100年应该买的起嘅,唔包装修家俬电器……

2
TVB剧里面冇穷人

TVB剧集里面嘅主角唔系医生就系律师,最衰嘅都有个警察做下,冇呢种工资高地位高嘅职业?唔怕,主角都可以系茶餐厅老板。连香港观众都笑“TVB入面冇穷人。”因为里面嘅穷人,穷极都有限啦!

原来TVB一直水紧我哋……

但现实系,香港嘅穷人比电视里多得多,都惨得多。冇亲眼见过真系想象唔到佢哋嘅生活环境。棺材屋烂床位?天堂啦!再穷啲瞓天桥底?而且可以瞓喺天桥底嘅都系打得抽得嘎!

3
香港成日都有枪战?

睇多咗TVB嘅枪战,有人就会幻想,香港街头系唔系经常发生枪击案啊?系唔系去个银行攞钱都会撞到劫匪啊?行行下街会唔会无端端就畀人爆头啊?

原来TVB一直水紧我哋……

其实香港嘅犯罪率,喺全球都系数一数二咁低。不过周围都有阿sir行bit就系真嘅,如果唔系边得嚟咁低犯罪率啊?不过啲阿sir对啲老百姓最多只系会查下身份证,问下问题咁姐,而且态度都好好。

4
返工唔使做嘢

TVB里面嘅打工仔返工,从来都未见过佢哋做嘢嘅喔。警察,沟女、倾计。律师,沟女、倾计。医生,沟女、倾计。黄子华都话了,《男亲女爱》里面做60几集律师,但系一分钟律师嘅嘢都冇做过,净系同DODO拍拖。

原来TVB一直水紧我哋……

真正嘅香港打工仔,你试下开工时间吹水啊,个豉椒炒鱿你想中午食又得,即刻食都得!就算老板唔喺公司你都唔会同人吹水,因为啲嘢根本就做唔晒!所以先话香港人压力大啊!

5
High tea 同 Happy hour

TVB剧里面最经典嘅,一到下昼就整个下午茶,跟住再继续做嘢。放工之后就成班人去Happy hour,真系爽咯!

原来TVB一直水紧我哋……

下午茶,有嘅,不过边有时间出街食啊?叫外卖啦,而且仲系自己埋单啊!放工下班之后去Happy hour,呢个就睇人啦,身体好嘅浦到半夜,第二日9点准时上班。身体唔好嘅,放工食个叉鸡饭翻屋企啦!

6
界刂 女好容易?

TVB剧啲男主角,成日都揸部敞篷车出去就有女自己埋嚟,落吧连支酒都未上就有女过嚟畀Number,现实边有咁正啊。

原来TVB一直水紧我哋……

睇样,OK?

7
恋爱圣地?

TVB里面拍拖嘅情侣成日都去都爹利街。

原来TVB一直水紧我哋……

其实都爹利街就系得条烂鬼楼梯,book间酒店好过啦!

8
分手圣地?

逢亲分手就去中环9号码头,TVB定律。

原来TVB一直水紧我哋……

分手都要择地方啊?

9
浪漫雪糕车?

TVB将雪糕车呢行整红咗,剧中男女行行下街通常都会见到一部雪糕车,跟住男人去买,而且唔食排队,好顺利就买到!

原来TVB一直水紧我哋……

清醒啲啦,你撞见一部雪糕车都求神拜佛了,就算畀你撞见,部雪糕车都一定排晒长龙,你排队嘅时间,话唔定你可以揾到间7-11,买个雪糕,饮杯嘢,book完酒店,买埋dumdum跟住截埋的士去酒店啊!

自己友Tee「为食人生」系列

预售期间每件99元

原来TVB一直水紧我哋……