一年一度，全球最大线下肾脏交易中心，唔系，苹果秋季发布会又开张啦！

仲记得，上一年iPhone X嘅刘海屏被人闹到仆街，一年之后，苹果再接再厉，继续秉承住换汤唔换药嘅理念，推出三款“全新”手机，简单嚟讲就系——

iPhone XS = 升级版iPhone X

iPhone XS Max = 放大版iPhone X

iPhone XR = 简配版iPhone X

与iPhone X相比，三款新手机CPU、电池、屏幕等有“全新”升级，而最大嘅惊喜系佢哋嘅价钱，成功震撼到今朝食早餐嘅我！

突然发现，手机又回到万元时代！

为此，我哋采访咗部分自己友，总结咗十个广州人冇必要买iPhone XS嘅理由。

（又名《如何优雅又婉转掩饰自己买唔起iPhone XS》）

我深信我部iPhone5s换嚿电池，仲可以撑多两年！

因为iPhone XS 嘅双卡双待刺痛咗我……

苹果虽好，但肾唔够数！

沉迷赌博，最多等于掉钱落海，而沉迷苹果，仲要全家割肾！

“一个没有独立耳机孔的手机是没有灵魂的！”所以我唔需要iPhone6s以后嘅苹果！

买咩iPhone XS，梗系囤积iPhone X啦！

iPhone X一下架，就成为限量款古董，五十年后肯定比学区房更加有升值潜力！ 以后唔炒金，就炒iPhone X！

（最新消息是：苹果回应下架iPhoneX，称只是给运营商、渠道商去卖，并未停产，亲生仔被人流放成散养仔！）

多一个卡槽就贵三千，个卡槽镶金咩！

反正都系双卡双待，拼夕夕700蚊iPhone就可以满足你，仲可以ios、安卓系统转换！

一日唔改刘海屏，终身不做苹果粉！

因为我前几日买咗苹果嘅股票，谂住开发布会，股价升梗啦，然后……哎呀，天台啲风有啲喧嚣！

 我唔会买iPhone XS，因为我要等iPhone 9（鸠）上市！

其实我都谂住买，但系一去到支付页面，系统出bug，成日显示“余额不足”，投诉又冇人回应，我又有咩办法！

价钱再贵，都系手机一部，

抵唔抵买大家见仁见智啦。

各位自己友，

你准唔准备买苹果新品？

见到个价钱，你觉得

你部旧手机可以坚持几耐唔换？

最后，等我话你知，

一部iPhone XS嘅价钱

喺羊记杂货铺可以买到咩？