对于80/90后嚟讲，阿妈打是情，骂是爱，爱得越深打得越痛，爱得越深用嘅武器亦都越高级……你阿妈，今日打咗未？

打仔十大兵器，阿妈再爱我一次！

 

鸡毛扫
关键词：实用！
此兵器柔中带刚，狠劲异常，
手握处又有天然鸡毛制作嘅防滑系统，
既能吸收打仔过于激烈而渗透出来嘅手汗，
又能作为很好嘅手部保护作用，
防止手磨出泡或者过滑。
而且价格实惠，便于收藏，
实在是居家旅行，打仔出气必备武器。
鸡毛扫实可称为打仔兵器之首！

打仔十大兵器，阿妈再爱我一次！

拖鞋
关键词：可连发！
此兵器攻击范围窄，威力大，
反应速度快，声音效果好，
喺追唔上嘅情况下仲可以做暗器，
打击于无形。
当你high紧嗰时，就暗中濑嘢啦，
话口未完又中招！

打仔十大兵器，阿妈再爱我一次！

皮带
关键词：便携！
此兵器随身携带，一抽即有，
基本上系老窦专属。
抽打时会随机伴有各种大叫，
增添打仔乐趣。

打仔十大兵器，阿妈再爱我一次！

衫架
关键词：居家必有！
此兵器重3两、长40公分，
虽然轻但打得系最痛而且速度快，
非专业被虐待人士实在难以躲避，
系师奶打仔必备架撑！
各大商行均有销售。

打仔十大兵器，阿妈再爱我一次！

飞遥控
关键词：可选择多，有附带伤害！
此兵器随处可有
（电视遥控，空调遥控，DVD遥控，
电视盒遥控）
而且飞嗰阵，电池会跟住飞出！
命中率高，杀伤力高！！

打仔十大兵器，阿妈再爱我一次！

电器
关键词：特殊技能加成！
此类兵器有特殊加成，
比漏电电器击中仲有闪电净化效果，
可以减慢个衰仔嘅逃跑，格挡，
同埋还击速度。
其中，常用嘅系电蚊拍。

打仔十大兵器，阿妈再爱我一次！

木、铁戒尺
关键词：音效显著！
相传，
此兵器由一种叫班主任嘅生物传b父母，
痛感明显且能留低战斗痕迹。

打仔十大兵器，阿妈再爱我一次！

电光毒龙钻
关键词：多效果！
此兵器出自于一部老少咸宜嘅动画片，
播出后风靡教育界，各家长纷纷模仿。
特点系方便有效，
只需握紧拳头喺太阳穴位，
做到钻探嘅步骤即可，
打仔之余又附带眼保健操功能。

打仔十大兵器，阿妈再爱我一次！

痴心情长搣
关键词：高效！
攻击范围细，威力大，
效果好，分贝小（无声），
一搣一转好方便，
最啱呢个高效率嘅时代。
单手又得，双手仲得，得咗！

打仔十大兵器，阿妈再爱我一次！

兜巴升
关键词：苦练！
如果实属情急之时，
又冇武器在手，
“兜巴星”确实系居家旅行必备工具。
此武器阴险，出招快且狠，
通常会以配合口中七十二式闹仔法，
增加气势和威力。
喺衰仔准备博嘴嘅时候，
以出奇不易嘅角度，气运单田，
从与衰仔块面夹角45度左右出招掌掴其面部
（夹角为180度时，此招 PROWER MIX）
同时使出左右互搏，增加HITS，
并且口中大叫：
“搏嘴啊嗱，搏嘴啊嗱！”
增加此招的气势及华丽程度！

 

来源：花城网（ID：gz_huacheng）