情侣睇戏系一件好平常嘅事，
但同时亦都系好容易导致分手嘅一件事。
究竟系睇佢想睇嘅？定睇我想睇嘅？
呢个系个哲学问题！
作为男人（弱势嗰方），
通常都迁就（打唔赢）女友嘅意见，
睇佢想睇嘅电影（郭X明、吴X凡之类）！
以下系全民公认嘅
【唔睇就分手系列电影】
（每一部电影，都有一个悲伤的故事）
TOP 5
《有一个地方只有我们知道》
OK，咪去咯。
成出戏睇晒，每一句台词我都听得明，但就系唔知呢出戏想表达乜鬼意思…
里面有一幕，吴亦凡拉大提琴，女友（仲有其他影厅里面嘅女仔）不断尖叫！
我终于忍唔住了：“吴亦凡生得靓仔，你先觉得佢拉大提琴型啫…如果换转八两金，你仲尖唔尖叫啊？”
点知女友一句反杀：“系啊，就好似你咁，生到八两金咁，又唔识拉大提琴，我都唔知同你一齐为乜！”
TOP 4
《我的早更女友》
（女朋友命令，唔通唔睇咩…）
呢出电影钟汉良系扮演一个渣男学长，伤害咗周迅。就喺钟汉良拒绝周迅求婚嗰瞬间，我无意中讲咗一句：“咁狗嘎，呢个渣男！”
女朋友忽然大闹一句：“屌！我老公唔系渣男啊！” 闹完就即刻冲咗出去……
而我，唔知点解恢复咗单身……
TOP 3
《宫锁沉香》
一开场就已经吓一跳！成个画面阴森恐怖，啲女块面又白到面粉咁，配乐又幽怨，唔讲真系以为系恐怖片！
之后本来想瞓个觉，点知又畀女朋友不断同我讲乜鬼《宫锁珠帘》个十三阿哥点点点，《宫锁心玉》个四阿哥又点点点……
终于我忍唔住了：“其实你都知道咩剧情了，仲睇嚟做乜呢？”
TOP 2
《从你的全世界路过》
我想睇《湄公河》，女朋友想睇《路过》，争论睇边出…
我：“《湄公河行动》刺激啊！《从你的全世界路过》一听就系啲脑残爱情片啦！”
女朋友：“好咯，你去睇《湄公河行动》咯，我从你的全世界路过咯！”
TOP 1
郭X明系列
我之所以做到佢男朋友，都系因为我陪佢睇《小时代4》嗰时，冇瞓着、冇唔耐烦…
不过，上年我同佢分咗手，因为佢同我讲：“我哋去睇《爵迹》咯！”
PS：系我飞佢！
以上素材来源于：
被阿爆出卖嘅五位好兄弟
鸣谢：被阿爆出卖嘅五位好兄弟
陈生、叶生、胡生、李生、潘生
最新评论