北上广深之中

广州一直系话题嘅中心

每一次有相关嘅消息报道

广州都会跟住出现

“广州跌出一线城市”

“广州算一线城市吗？”

……

诸如此类嘅话题

一拥而上

（呢类话题，都听到耳仔出油喇，

都仲系有人讲）

但事实上

佛系广州人又点样睇呢件事呢？

今日，我哋一齐嚟睇下

生活喺一线城市嘅广州人

同其他一线城市嘅日常生活

到底有咩唔同？

 – 01 – 

同样都系饮嘢

不过我哋就饮凉茶多过咖啡

你知喇

广州人好容易热气㗎嘛

 – 02 – 

北上深啲有钱人

一般都系身光颈靓

个个精英噉款

我哋广州人就唔同喇

广州人追求务实

所以一般都会牢记

“财不可以露眼”呢个祖宗规矩

所以一般都系好随便嘅着装

但系可能系几栋楼收租嘅房东

出街都系宝马代步

 – 03 – 

广州人对于奢侈品一向都系唔多上心

毕竟拖鞋系标配

但有一样嘢

比奢侈品更加吸引人

广州人，致力于将“食”，作为头等大事！

 – 04 – 

为咗落户于北上深，

真系要博晒老命买楼先得

每一个身光颈靓嘅背后

都系一段辛酸史

广州，每一个扫地阿姨

都有可能身价百万！

 – 05 – 

虽然国家大事都要关系

不过佛系广州人最关心嘅都系

今日啲菜价

 – 06 – 

一线城市固然系好威水喇

不过我哋最担心嘅都系有冇靓汤饮

 – 07 – 

对于唔少游客嚟讲

去旅游就梗系要去地标性建筑睇一下喇

不过作为为食猫嘅广州人就……

冇任何嘢，比“食”更加重要！

（除咗穷）

 – 08 – 

榕树头之下

个个阿叔阿伯婶婶阿姨

都系民间股神！

 – 09 – 

地段决定咗你份工够唔够高大上

不过

广州又真系与众不同咗啲

嗯，冇错，我都想开鸭仔饭店

毕竟有可能每一个开鸭仔饭店嘅老世

都系一个为咗体验民间疾苦

其实几栋楼等住收租嘅大房东！

 – 10 – 

淥碗，一个充满东方气息嘅神秘用餐礼仪

 – 11 – 

一个字：最紧要靓！

都系一个字：最紧要好食！

 – 12 – 

天时地利人和仲要配埋靓衫

就可以充分宣传一间好餐厅！

唔好食，讲乜都系假！

广州

或者系最唔似一线城市嘅一线城市

但佢永远系我最爱嘅城市！

各位自己友

作为广州人嘅你哋

仲有边啲同其他一线城市唔同嘅表现？

欢迎留言同我哋一齐分享你嘅与众不同！

*以上内容纯属娱乐，请勿过度解读