终！于！见！面！了！
最近，我哋发现
无论微信、微博、知乎定唔知边度
都鍾意同你推荐啲咩
“2019年最不能错过的公众号”
“取关50个公众号，只为让它们留在我的列表”
“安利！我最舍不得取关的n个优质公众号”
真系睇到人七情上面！入心入肺！
有样学样嘅我哋
决定今日同大家分享
最值得你取关嘅十类公众号！
（以下内容绝不包含任何不轨企图
纯粹系想帮你优化关注列表嘅空间）
道德暴龙派
企喺互联网世界最高嘅山峰
犹如一只暴龙猛兽
喺道德制高点
批判你！要挟你！绑架你！
▼
原来一篇推文就可以决定我嘅国籍血统
仲犀利过如来佛祖！
“唔转唔系××人”嘅正确示范应该系——
假装告别派
表面上系旅游攻略嘅干货
实际上系冇咩实际作用嘅水货
仲要讲到佢有份去而你冇得去就好愧疚
唯恐天下不乱，增强你惊死执输嘅心态！
▼
唔讲仲以为我喺微信搭地铁
有公众号同我报站！
换一个地方就系一个新嘅文章
只要了解中国地图
我就有80%嘅信心
估到下一篇文章系咩主题！
入咗ICU派
经常性对比两样嘢
将某啲事嘅危机无限夸大
入去之后发现
只系变相hard sell课程或者产品
▼
夸大嘅程度可以类比
喺百度搜索点解会胃痛
佢就话我可能有
急性心肌梗死
糖尿病酮症酸中毒
cancer
咁咯~
日日煲汤派
表面干货，内里鸡汤
先用睇上去好似极具实用性嘅标题吸引力
点入去睇咗两段发觉其实都系鸡汤！
▼
成日煲鸡汤嗰个
你有冇听过苏妙婵唱歌啊？
首席临摹派
声称要做首个/第一/最多原创嘅公众号
结果十篇文章有八篇搬运、两篇整合
通常文章底部都有一行细过8号字嘅声明：
▼
素材来源：
广州阿甲、阿乙游走广东、丙丙带你吃遍广州、丁先生粤印象……等67个公众号
就好似合同里面嘅霸王条款
就系博你睇唔到
左抄抄，右抄抄，抄下抄下再返兜~
假科普真谣言派
高频率发布一啲
屋企长辈最最最鍾意
分享到家族群嘅一类文章
包含生活各方面嘅全方位（伪）知识科普
发布之后畀××医生、××辟谣小助手等
澄清嘅概率高达99%
▼
严重威胁家庭幸福和谐关系
转发就侮辱我智商
唔转发屋企人就要我红牌出场！
极速发达派
揞住良心同你讲“发达真系好简单”
其实只系将某个区域嘅
建筑、交通或者设施同你数一次
年年都有嘅嘢
今年先带我哋发达？
▼
咁易发达我仲使返工加班嘅？！
讲到可以速效致富
麻烦晒一晒你嘅银行存款再讲嘢！
吊你胃口派
通常系一啲连载类嘅公众号
小说、漫画畀你睇一半（有少冇多）就算
想追落去？
麻烦你移步应用市场下载App啊~
你以为我屋企开金矿啊？？
买得起128G内存嘅水果手机？？
仲要专登下载你个App睇广告？？
食懵我啊？！
死唔断气派
打住“搜索优化”嘅旗号
几乎将文章嘅所有重点都放喺标题入面
标题平均字数30个以上
发短信都要分两次啦喂！
▼
戴大眼仔都睇唔齐成个标题想讲咩！！
不过可以当睇报纸咁
唔使点入去都知你想讲咩
睇完标题就算咯~
长期失踪派
推一个挂名编辑出嚟做网红
但系佢九万年都唔会更一次文章
反而走咗去买下午茶、帮同事攞快递
▼
畀面阿咩嘅熊猫牌黑眼圈
（同埋佢为建六编辑部辛勤劳动而贡献嘅脚毛）
我决定收声~
各位自己友
你哋有咩公众号系打死都唔会取关嘅？
（提示：比如羊城老友记嗰啲咧~）
仲有边啲公众号你哋觉得应该取关？
欢迎喺留言区畀我哋开下眼界！
（做前车之鉴啊~）
最新评论