出咗名嘅“扮嘢王”卢海鹏，近日喺香港一个广场同街头乐队唱出经典搞笑改编歌《几许疯语》，路过嘅市民都纷纷围观，想一睹“扮嘢王”嘅风采！

睇下当时嘅气氛几热烈！

有兴趣嘅自己友不妨睇埋

30年前嘅原版《几许疯语》

一样笑爆肚！

卢海鹏，1941年12月21日出生于广州西关，今年七十几岁依然老当益壮，经常出演电视剧、电影，而且产量丝毫都唔会比后生一辈低！

卢海鹏自细就经常畀婆婆带去睇粤剧，所以佢同细佬卢海潮都深受影响，卢海鹏梦想成为一个演员，而弟弟就希望成为一个出色嘅粤剧演员！相信唔使同大家介绍卢海潮了啩！（卢家三兄弟：大哥卢海涛、二哥卢海鹏、细佬卢海潮）

后生时嘅卢海鹏，因为某啲原因，三次游水偷渡香港，两次畀人捉。1970年终于喺香港安顿落嚟。佢做过纱厂工人、工厂会计、画花技工、码头工人，几乎咩工都打过晒，但系佢嘅梦想依然系成为一名演员。

1973年，卢海鹏入咗第三期无线演员训练班（一、二期训练班规定25岁以下先可以报名，第三期放宽到35岁），同期训练班成员仲有周润发、吴孟达、杜琪峰。

当时，每一个训练班毕业嘅演员，都一定要做《欢乐今宵》，而卢海鹏从1974年到1989年一直都系《欢乐今宵》嘅台柱，可见卢海鹏对《欢乐今宵》嘅重要性！亦都正正系呢段时间，卢海鹏奠定咗当时“香港扮嘢王”嘅地位！

卢海鹏用佢自己嘅“方法演技”，扮过罗文、张国荣、张学友、泰迪罗宾…佢扮过嘅人真系数都数唔晒！

但系为求观众一笑，卢海鹏每次扮嘢都做足功课，唔单止要研究被模仿者嘅言行举止，更加要深入了解佢哋嘅性格特点，不愧系“扮嘢王”！

大家睇下卢海鹏扮得似唔似

除咗扮嘢叻之外，卢海鹏嘅演技都广受好评！

《毒战》(2012)扮演“港派七人帮”中的老头

《一代宗师》(2013)扮演灯叔

《扫毒》(2013)扮演大反派八面佛

《李碧华鬼魅系列：迷离夜》(2013)扮演大款

《僵尸》(2013)扮演安保大爷

《盲探》(2013)扮演被疯婆子骚扰的老爷爷

《金鸡SSS》(2014)客串

《12金鸭》(2015)客串

《三人行》(2016)扮演病友

2012年，卢海鹏凭《夺命金》获得第31届香港电影金像奖最佳男配角，得奖感言嘅时候都好感慨：“其实都冇乜好讲！挨咗咁多年，从来未谂过攞奖咁威，以前啲人都系叫卢海鹏试麦，可能系可怜我挨咗多年啩。”

皇天肯定不负有心人，努力肯定会有回报！希望卢海鹏继续拍多啲好作品畀我哋睇！

图片素材来源于搜狐公众平台、百度百科

视频来源于youtube