讲到综艺节目，点少得TVB嘅《残酷一叮》、《超级无敌掌门人》、《荃加福禄寿》……
而时隔九年，万众期待嘅《美女厨房》终于要喺6月2日正式开播啦！虽然新一季嘅主持由郑中基、方力申同梁汉文换成咗阿bob、萧正楠同张振朗，但其实只要够搞笑都可以接受嘅（我估）。
▲图片来自网络
记唔记得以前每逢周六晚黑一定要追，坐定定喺电视面前。
▲图片来自网络
虽然个节目嘅slogan系“美女厨房，食咗先讲”，但其实睇过嘅都知道，“呕”先系呢个节目嘅过人之处。
但系作为观众嘅吖鸭，至钟意睇嘅都系，三位男主持食嘢食到呕嘅环节，其中呕得最传神嘅就系郑中基。
当年请晒一众TVB当红花旦，再加上当年凭借住三位出色嘅主持人，集集都笑到停唔到，所以当年收视确实好唔错。
《美女厨房》当年嘅平均收视有成三十九个点，最高甚至到咗四十二个点，将近270万人次收睇，更击败黄金时段三线剧集。依家TVB收视一年不如一年，唔怪之得要重拍《美女厨房》救收视啦！
一齐去睇下劲搞笑嘅合集啦！↓
作为《美女厨房》第一卖点嘅“美女”梗系唔少得。当年清纯到出汁嘅baby，依家睇返都系觉得好鬼死靓。
当年仲同紧方力申一齐嘅邓丽欣↓
仲未做妈妈嘅熊黛林↓
今日嘅蛋糕大师蔡依林，原来昔日煮餸咁难食↓
不过睇美女厨房最期待嘅当然系“地狱厨神”嘅出现啦，“地狱厨房，入厂先讲！”早就深入民心。
连靓靓都难逃“地狱厨神”称号，张家辉更系紧张到嗌靓靓收手啦，回头是岸。
靓靓将跌咗出嚟嘅嘢掟返入个镬度重新炒，黄秋生睇到之后讲：“你知唔知啲嘢系畀人食噶？”靓靓即刻话：“我知啊，你食啊嘛，又唔系我食！”
除咗“知悭识俭”嘅靓靓之外，更有火烧厨房嘅吴雨霏，即刻去片睇下场面有几墟冚：
而试菜环节更加充满笑点，啲嘉宾主持个个都“视死如归”，睇下佢哋嘅表情同评价就可以感受得到绝望系咩感觉。
连校长都忍不住嗌妈妈↓
有次郑中基甚至乎牺牲自己一尝“屎”的味道（其实系虾屎嚟嘅）↓
啲评委嘅要求已经从好吃变成只要系熟嘅就好，可想而知啲味道有几难顶啦！
除咗邀请一众演艺女明星嚟坐镇参加节目之外，《美女厨房》仲捧红过唔少“网红”。冇错啦，就系周中周师傅。
呢位浓眉带高帽嘅厨师阿叔，凭借佢过人嘅吐槽功力，以及百变嘅造型，成功包揽咗一批粉丝。
点评官恩娜嘅时候，主持问：生猪肉可以食噶？周中师傅就话：梗系得啦，畀人砌啊嘛。
新嘅一季美女厨房已经喺上年年尾由TVB旗下嘅big big channel度试播咗两集啦。（想睇嘅朋友要耐心等待啊！）
口号也都从“美女厨房，食咗先讲”改成“美女廚房，食得好爽”。
不过老老实实讲返句，主持就换咗一班，其实我觉得重播好过重拍。
咁多年过去，每次睇返都依然觉得好搞笑，明明赛制都好简单，但系嘉宾同主持嘅反应都好引人发笑，设计嘅环节也都唔系好复杂，但系全台上下都一心为观众搞笑。反观依家嘅TVB，无论剧集抑或系综艺都好，都冇晒以前搞笑嘅味道。今次“返叮”美女厨房唔知可唔可以救返收视呢？
播出时间
6月2日星期六
晚上21:30-22:30 隆重首播
吖鸭友情提示：想睇嘅自己友可以到B站
自行搜索“美女厨房”重温经典~
6月2日好快就到啦！
你准备好迎接新一轮“地狱厨神”未？
各位自己友你哋又点睇呢？
最新评论