今时今日,部分酒楼依然坚持“一日五市”嘅传统,又称为“三茶两饭”,即系早茶、午饭、下午茶、晚饭同夜茶。

广州人嘅饮食习惯里面,午饭同晚饭非常重要,今日就嚟八一八,喺酒楼食饭嘅一系列“暗语”

做得出呢啲事,肯定系广东人!-羊城网——懂互联网,更懂广州!

1
带位
 

去到酒楼,首先见到嘅肯定系咨客,咨客会主动上前热情招呼“老世,几多位?”然后就会带到座位,但系有时嗰张枱并唔系自己想坐嗰张...

但系都有呢种情况:同样系去酒楼饮茶食饭,有啲人同咨客“打个眼色”,然后直接走去自己想坐嘅枱。其实并唔系咨客“大细超”,只不过呢啲都系帮衬开嘅熟客,同咨客、服务员都好熟。

做得出呢啲事,肯定系广东人!-羊城网——懂互联网,更懂广州!

2
攞个盘嚟/畀多壶滚水我
 

呢个盘,并唔系用嚟装食物;呢壶滚水亦都唔系要嚟饮,而系要嚟“渌碗筷”,而个盘就系用嚟装渌完碗筷嘅水。

关于“渌碗筷”呢个传统,有几种说法:

1、消毒

2、水为财。(用滚水渌完之后,碗筷上面都沾住“水”,亦即系“沾住财气”,好意头!)

3、进食时嘅口感。(用开水渌完之后,碗筷依然温热,据说呢种温度嘅筷子夹起食物,摆入口中,比起冰冷嘅筷子更加美味!)

做得出呢啲事,肯定系广东人!-羊城网——懂互联网,更懂广州!

3
靓女
 

渌完碗筷之后,就可以点菜。广州人好少叫“服务员”或者“经理”,取而代之系叫“靓女”

做得出呢啲事,肯定系广东人!-羊城网——懂互联网,更懂广州!

4
手指叩桌
 

无论同家人、朋友食饭,都有餐桌上面嘅礼仪,例如有人帮你斟茶嘅时候,你必须行“手指叩桌”之礼(都叫做“叩指谢茶”。食、中两指并拢,手指前端轻轻敲枱几下)以示感谢

做得出呢啲事,肯定系广东人!-羊城网——懂互联网,更懂广州!

关于“叩指谢茶”,其实有段古:话说乾隆同佢契仔周日清微服出巡嚟到江南地区,乾隆下令所有人都唔可以行“君臣之礼”,暴露身份。有一日去到“茶居”饮茶,乾隆畀店小二嘅“大铜煲”斟茶技术吸引,于是自己都试咗下,帮契仔周日清斟茶,周日清十分为难,但又唔可以暴露身份,情急之下于是就同手指敲枱,代替叩头谢恩之礼。

 

后来呢个民间传说传开咗,就成为咗羊城嘅一个民间礼数。

做得出呢啲事,肯定系广东人!-羊城网——懂互联网,更懂广州!

5
茶满欺人
 

“茶满欺人”呢个讲法,系指斟茶八分满即可,茶斟得太满,系对客人嘅不敬亦都系广府人“茶半酒满”嘅习俗

做得出呢啲事,肯定系广东人!-羊城网——懂互联网,更懂广州!

6
揭开茶壶盖
 

客人饮茶饮得开心,茶水自然饮得快,如果广府人想搵服务员加水,唔会开口叫,而系揭开茶壶盖。服务员见到茶壶嘅盖系打开嘅,就会意知道系要加水。

做得出呢啲事,肯定系广东人!-羊城网——懂互联网,更懂广州!

呢种加水暗语其实都有段古:话说清朝一个满族二世祖,成日游手好闲,有一次赌输钱,但系公粮又未到,于是就带埋佢养嘅鹌鹑去一间茶楼“敲诈”,将自己只鹌鹑放喺茶杯里面,然后叫店小二加水,小二一打开茶壶盖,只鹌鹑就即刻飞走咗,二世祖成功敲诈。

 

后来茶楼老板学精咗,明文规定要加水嘅客人要先将自己嘅茶壶盖打开,小二见到之后先会加水。于是就成为广府嘅习俗。

做得出呢啲事,肯定系广东人!-羊城网——懂互联网,更懂广州!

7
埋位、起菜
 

去酒楼食饭,点完菜、人到齐之后,就可以“埋位”,然后叫服务员“起菜”

埋位:每个人都坐返自己嘅座位,等上菜开饭。

起菜:即系叫服务员上菜。

做得出呢啲事,肯定系广东人!-羊城网——懂互联网,更懂广州!

8
昭君位
 

“昭君位”系指一围枱里面用嚟上菜嘅空位。因为“昭君出塞”嘅“出塞”粤语同“出菜”同音,所以就将呢个上菜嘅位称为“昭君位”

做得出呢啲事,肯定系广东人!-羊城网——懂互联网,更懂广州!

9
人头饭
 

广府人对“人头饭”相信都唔会陌生,外省朋友第一次听到呢个词,可能会吓一跳。“人头饭”嘅意思系“按人头数量,上相应咁多碗饭”

“人头”只系用作量词

做得出呢啲事,肯定系广东人!-羊城网——懂互联网,更懂广州!

10
田鸡东
 

相聚食饭,若然有东主请客,埋单就由东主一个人“睇数”!但若然大家都唔好意思要一个人畀钱,唔紧要,咪“AA制”咯。“AA制”喺广府文化里面就叫做“田鸡东”,田鸡,又叫“蛤乸”,因为“蛤”字同“佮钱”嘅“佮”发音相近,即系“大家佮份,一齐做东”嘅意思。所以“AA制”嘅饭局都成为“田鸡局”

做得出呢啲事,肯定系广东人!-羊城网——懂互联网,更懂广州!

11
反扣茶壶盖
 

饮饱食醉、埋完单之后,若然宾客朋友仲唔想走,可以留低继续倾偈叙旧。但系先要将茶壶盖反扣,表示呢餐饭已经埋咗单。服务员行过,见到茶壶盖反扣,就会知道已经埋咗单,以免误会

 

做得出呢啲事,肯定系广东人!-羊城网——懂互联网,更懂广州!

 

快啲学晒呢啲“酒楼暗语”,

就算系外地人,都即刻变成地道广府人!

 

综合自:《地道粤语》、《童说岭南-广饮广食》

《广州方言民俗图典》、《岭南词典》

做得出呢啲事,肯定系广东人!-羊城网——懂互联网,更懂广州!

 

童说岭南系列丛书

 

《街巷探秘》、《广饮广食》、《小脚走古迹》

同小朋友一齐分享好多广州人都唔知嘅古仔!

做得出呢啲事,肯定系广东人!-羊城网——懂互联网,更懂广州!