摘要:如果此篇10万+,阿咩直播支吹活络油!

大家都知,广东天气真系好难顶!

一年四季变幻莫测都算啦,最近几日仲大雨同暴晒随机发放,搞到暴雨预警同高温预警同时发布,于是有咗个新段子——

细数广东神奇药水,随便一支都可以加无限蓝buff?

话唔埋边日广东落嘅唔系雨,而系滚水!直接就白灼咗广东人,咁福建人可以一报以往之仇!

细数广东神奇药水,随便一支都可以加无限蓝buff?

广东天气咁恶劣嘅情况下,广东人系点生存到依家?

除咗靠一身岭南正气,仲多得一系列神奇药水,佢哋就系广东人嘅特级“蓝爸爸”。

细数广东神奇药水,随便一支都可以加无限蓝buff?

**本文所讲述嘅药油药水额外用处收集自网友意见,大家请根据自身情况出发,不要轻易尝试。

双飞人

细数广东神奇药水,随便一支都可以加无限蓝buff?

【官方宣称效用】用于痾呕肚痛、蚊虫叮咬、汤火灼伤、驱风救急、舟车晕浪、除菌除味等用途,外涂内服均可。

神奇之处

 

香港双飞人官网亦曾宣称双飞人可以用作调味品,喺朱古力蛋糕滴两滴,即可变成薄荷朱古力蛋糕。

 

细数广东神奇药水,随便一支都可以加无限蓝buff?

据说,真系有唔少香港网民试过,仲有人试过滴落奶茶、柠茶、蒸鱼、朱古力奶、汤等等。

细数广东神奇药水,随便一支都可以加无限蓝buff?

藿香正气水

细数广东神奇药水,随便一支都可以加无限蓝buff?

【官方宣称效用】用于外感风寒、内伤湿滞或夏伤暑湿所致的感冒,症见头痛昏重、胸膈痞闷、脘腹胀痛、呕吐泄泻,肠胃型感冒。

神奇之处

根据阿爆所讲,可以医痔疮,当我问到具体点用,佢就唔肯讲啦……

风油精

细数广东神奇药水,随便一支都可以加无限蓝buff?

【官方宣称效用】清凉,止痛,驱风,止痒。用于蚊虫叮咬及伤风感冒引起的头痛,头晕,晕车不适。

神奇之处

后来有个网红尝试用风油精做不可描述嘅事……

细数广东神奇药水,随便一支都可以加无限蓝buff?

后边发生嘅事,你哋都知道啦。

细数广东神奇药水,随便一支都可以加无限蓝buff?

黑鬼油

细数广东神奇药水,随便一支都可以加无限蓝buff?

【官方宣称效用】用于湿痛骨痛、跌打肿痛、颈紧膊痛、肌肉酸痛、坐骨神经、新旧积痛。

神奇之处

岭南药厂创始人喺祖传红花油嘅基础上创制嘅强效黑色药油,受到皮肤黝黑嘅劳工所喜爱,故被人戏称为“黑鬼油”,不过依家就比较少见啦。

 

与红花油相比,黑鬼油适应症更广,就算伤口出血亦可使用。如有风湿关节炎,下肢静脉曲张,都可用黑鬼油加水嚟浸脚,效果显著。

驱风油

细数广东神奇药水,随便一支都可以加无限蓝buff?

【官方宣称效用】祛风止痛、芳香通窍、本品用于伤风喷嚏、鼻塞头痛、舟车晕浪、跌打扭伤、肌肉酸痛、蚊虫叮咬。

神奇之处

有人话,驱风油可以用嚟戒烟,食烟之前滴两滴喺最入边,食烟嘅时候有助于提神醒脑,降低食烟欲望,再食第二支烟嘅时候,会觉得口苦,有助于戒烟。

红药水

细数广东神奇药水,随便一支都可以加无限蓝buff?

【官方宣称效用】消毒防腐药。用于表浅皮肤黏膜创面消毒及手术前局部消毒。

神奇之处

有啲广东家长,当自己嘅仔女出水痘,就会搽红药水,会好得比较快。但其实红药水含有汞,不适宜用于消毒大面积伤口,容易造成汞中毒。

X花油

细数广东神奇药水,随便一支都可以加无限蓝buff?

【官方宣称效用】四大花油,各有用处!蚊虫叮咬、四时感冒、跌打损伤、腰肌劳损,乜都得!

神奇之处

呢四种花油,喺老一辈人眼中几乎都系万能,无论咩大病小痛都可以用,我仲有个问题,点解广东人乜花都可以用嚟做药油!

豉油

细数广东神奇药水,随便一支都可以加无限蓝buff?

【官方宣称效用】佢就系一种调味料啊……

神奇之处

从细到大,老人家一直都话烫伤烧伤就搽豉油啦,豉油就被传为民间烫伤膏

但事实上豉油含有油份,会降低散热令伤口恶化,更有可能将细菌带入伤口,引起眼中发炎。所以呢种方法真系唔可以用!

由于以前物质匮乏、平民冇钱睇医生,加上商家吹捧,好多药油药水被赋予咗大量神奇功效,有啲功效甚至已经脱离现实,误用会危害身体健康。

所以大家都系理智啲,唔好盲目相信民间偏方同讲法,有病最好都系去医院检查下啦!

细数广东神奇药水,随便一支都可以加无限蓝buff?

当你头晕身㷫嘅时候,

你阿妈会畀咩神奇药水你用啊?

素材出自各位自己友提供~

羊城网负责整理编辑

细数广东神奇药水,随便一支都可以加无限蓝buff?