摘要:输牌唔输阵,费事做陪衬!

最近重睇咗部贺岁旧片,叫《呖咕呖咕新年财》,主演有刘德华、古天乐、梁咏琪等,大家又知唔知,咩系“呖咕呖咕”

点样将自己伪装成一个广东麻雀高手?

大概会有好多人误会,“呖咕呖咕”系广东麻雀用语。

“呖咕呖咕”其实唔系粤语,而系台湾麻雀嘅一种牌章,不同于广东麻雀一副牌13只,台湾牌系有16只,“呖咕呖咕”就系指7个对子同1个刻子

点样将自己伪装成一个广东麻雀高手?

下边我哋就嚟介绍下,广东人打麻雀经常会用到嘅术语,就算你系新手,都可以即刻伪装成高手。

 

(考虑到唔系每个人都识打麻雀,本文就唔涉及复杂嘅战术牌章)

点样将自己伪装成一个广东麻雀高手?

花色

点样将自己伪装成一个广东麻雀高手?

大家都唔陌生,广东麻雀分别将三大花色称为“万子”、“筒子”、“索子”,其中“索子”又会叫竹仔」,“筒子”又会叫银仔」

东南西北中发白就会被称为“番子”,又名「番薯」,而春夏秋冬、梅兰菊竹八只花牌就会叫“花子”,喺唔同玩法中,花子起唔同作用。

点样将自己伪装成一个广东麻雀高手?

麻雀代号

除咗花色叫法与别不同,广东人都非常中意帮唔同嘅牌起花名,各个圈子叫法不一,下面列举比较常见嘅花名。

点样将自己伪装成一个广东麻雀高手?
点样将自己伪装成一个广东麻雀高手?

粤语之中,白白净净会令人联想起青靓白净嘅靓仔,比如茶餐厅大牌档会叫白饭做靓仔,所以都有人会将白板叫成“靓仔”

点样将自己伪装成一个广东麻雀高手?

打牌用语

打牌首先洗牌、砌牌,然后打骰起庄(用骰仔选择摸牌嘅起位)执骨执返啲骰仔,按照起位各自攞牌,跳牌(做庄嘅最后要摸两只牌,两只牌要隔开)

点样将自己伪装成一个广东麻雀高手?

攞好牌之后,就开始开牌、理牌,庄家开始先打牌,牌一出,就见光死(打出嘅牌唔准收翻),落地生根冇回头。

期间有啲雀精打牌高张(打牌好嘅高手),运筹帷幄,又有新雀仔打牌差,破坏规矩被人罚张罚人停摸一次牌,最衰嘅都系种番薯(又叫养番仔,有心留着啲番子牌),令你冇办法碰番子。

点样将自己伪装成一个广东麻雀高手?

打到后来,可能你差张就可以叫糊(再摸多只有用嘅牌先可以叫糊),呢个时候一定要小心,唔好出铳(打出只牌畀人食餬),同时唔好太兴奋,搞到自己最后食诈糊,一家包三家。

点样将自己伪装成一个广东麻雀高手?

如果自己做庄自己食糊,就可以冧庄(继续做庄),如果其余三家食糊,就只有过庄自己嘅庄位要转到下家

想要轻松食糊,就要记得宁叫卡窿,莫叫对碰(对碰食糊几率低)上碰下自摸(上家一碰,下家有机会多攞牌,易食糊),同埋有时候第一铺食糊未必好,可能被人咒食头糊,输甩裤

点样将自己伪装成一个广东麻雀高手?

就算开始输到咗都唔紧要,因为西风起糊,恶过老虎(西风圈开始发威食糊,表示好戏在后头)

甩牌

除咗常见嘅洗牌、砌牌、开牌、要牌等,广东人打麻雀会经常讲嘅一句话就系:

“等我甩下只牌先!”

一般打麻雀摸牌系咁,自己睇牌自己知!

点样将自己伪装成一个广东麻雀高手?

而「甩牌」系指唔睇牌,直接用手指感受牌面,以此估出自己攞嘅系咩牌。

点样将自己伪装成一个广东麻雀高手?

要「甩牌」甩得啱,需要长年累月同麻雀接触,老雀精甩牌除咗令你提前知道张牌系咩,同时都系展现自己牌技,串死啲新手嘅大好机会。

最憎遇到边啲人?

站长每次谂嘢谂好耐,唔出牌嘅人。

猪大嫂(诛)大嫂,令下家唔可以上牌嘅人。

点样将自己伪装成一个广东麻雀高手?

收藏家收收埋埋人哋要嘅牌嘅人。

打龙通两个或几个人合谋通水。

大魔王成日自摸嘅人

点样将自己伪装成一个广东麻雀高手?

希望大家打麻雀都唔好遇到上边啲人,更加唔好遇到三缺一,惨过乞(三缺一凑唔成一台麻雀嘅痛苦)

点样将自己伪装成一个广东麻雀高手?

**记住,我哋系坚决推广卫生麻雀!!!

各位自己友,

你哋屋企打麻雀有咩特殊用语?

你又知唔知自摸西嘅含义?

(秒懂嘅仲唔留言!)

点样将自己伪装成一个广东麻雀高手?

素材出自广东话资料馆等

羊城网负责整理编辑

点样将自己伪装成一个广东麻雀高手?