麻雀，系中国国粹之一，蕴含住博弈与胜负嘅艺术，而广东麻雀，就系麻将其中一条重要分支，一直流行喺广州大街小巷，孕育出一代又一代嘅雀圣！

作为职业“雀徒”嘅阿咩，

五岁睇阿爸阿妈打麻雀，

八岁上台打牌，

十二岁打遍小区无敌手，

一生吃胡仲多过吃饭！

今日阿咩就同大家盘点，

打广东麻雀，

遇到过最痛苦嘅事！

（备注：本文提及嘅广东麻将，特指系推倒胡，不吃牌，只碰牌，不平胡，不包庄只自摸）

人哋打咗牌唔知

出现频率：★★★

心痛指数：★★★

后果严重指数：视情况而定

一开局冇几耐经常出现嘅情况，砌牌慢嘅人和容易走神嘅人经常犯此类错误，如果你只系等紧碰，尚算可以补救，但如果你等紧杠，咁就比较惨啦……

一只马都唔中

出现频率：★★★★★

心痛指数：★★

后果严重指数：★★★

呢个纯粹睇人品，难得食一铺胡，竟然一只马都唔中，就真系几心塞！

大小相公

出现频率：★★

心痛指数：★★★★★

后果严重指数：★★★★★

出现频率一般不会好高，当系出现一次直接攞你命，嗰铺直接废咗！全程睇住人打牌，自己冇得食胡！简直系最大嘅煎熬！

食诈胡

出现频率：★★★

心痛指数：★★★★★★

后果严重指数：★★★★★★★★★★

通常出现喺长时间打麻雀，整个人注意力下降，成个人晕下晕下嘅时候，一铺诈胡包三家，一铺玩起你！

掉咗只鬼出去

出现频率：★★★★

心痛指数：★★★★★★★★★★

后果严重指数：★★★★★★★★★

鬼牌系广东麻雀最大嘅boss，一只鬼牌可以救你，亦都可以害你。

阿咩一开始下意识就觉得只牌冇用，就直接打出去，然后就发现系只鬼牌！本来仲可以食胡~自作孽，不可活啊！

畀人截胡

出现频率：★

心痛指数：★★★★★★★★

后果严重指数：★★★★

讲真，手上攞住三只鬼，都可以畀人截胡，纯粹系人品嘅问题！连个天都唔钟意你，与人无尤啊！

最后，

讲到打广东麻雀，

有乜系阿咩最讨厌，

毫无疑问，肯定系——

阿咩要特别声明，

我哋提倡卫生麻雀、文明麻雀！

一切要符合社会主义核心价值观！