今日女生节,听日妇女节。

呢排成条街都系各种过节活动,

瞬间入咗一个女儿国。

 

讲“环保”,我净系服我老母!-羊城网——懂互联网,更懂广州!

讲到地球上最神奇嘅妇女,

肯定就系广东阿妈

今日,小沅子就要揭露

广东阿妈“孤寒七宗罪”

 

啊...唔系...

 

“七大环保理念”先啱!

 

讲“环保”,我净系服我老母!-羊城网——懂互联网,更懂广州!

理念一

一家人怕咩食口水尾?

 

阿妈从来唔畀我哋有剩饭,

实在食唔晒,我就叫阿DI帮我食埋。

 

讲“环保”,我净系服我老母!-羊城网——懂互联网,更懂广州!

但系有一次,阿DI食唔晒啲饭,

阿妈就叫我帮手食...

我拒绝,阿妈就闹我,

 

一家人怕咩食口水尾啊?

 

(唔记得同大家介绍,阿DI,我屋企只狗!

因为老窦阿妈都好锡佢,所以当佢系仔!)

 

讲“环保”,我净系服我老母!-羊城网——懂互联网,更懂广州!

理念二

隔夜餸隔夜再隔夜!

星期一阿妈蒸碟咸鱼瘦肉

第一晚,食唔晒;

第二晚,冇乜人想食;

第三晚,冇人食;

.......

直到寻晚,碟嘢依然喺度...

(点解唔系今晚?睇落去就知!)

 

讲“环保”,我净系服我老母!-羊城网——懂互联网,更懂广州!

 

理念三

保鲜袋用完再用再用再用!

 

同样系星期一嗰碟咸鱼,

第一晚,新保鲜袋;

第二晚,继续用;

第三晚,继续用;

......

......

今晚,用嚟包第二碟餸...

(包咩餸?睇落去就知!)

讲“环保”,我净系服我老母!-羊城网——懂互联网,更懂广州!

理念四

隔夜餸“一品锅”!

 

依然系星期一嗰碟咸鱼,

因为实在冇人食,

所以今晚,阿妈就...

将碟咸鱼连同

星期三煮嘅“酿茄瓜”

最后煮咗味

 

咸鱼肉碎茄子煲

(肉碎:将酿喺茄瓜里面嘅肉挖出嚟制成...)

讲“环保”,我净系服我老母!-羊城网——懂互联网,更懂广州!

理念五

运动员,妈尔特!

 

用洗衣机洗衫,阿妈每次都会set好闹钟,

一到咗“脱水”环节,阿妈就会以

“快过博尔特小小嘅超越人类极限奔跑速度”

飞过去“暂停”洗衣。

 

讲“环保”,我净系服我老母!-羊城网——懂互联网,更懂广州!

 

点解?

因为阿妈要放啲洗衫水出嚟

 

冲厕所!

而且,到咗最后一次“脱水”环节,

阿妈就会直接关咗洗衣机......

(点解阿妈要咁做?你真系要睇埋落去)

讲“环保”,我净系服我老母!-羊城网——懂互联网,更懂广州!

理念六

哲学家,亚里士多妈!

 

点解阿妈到咗最后一次“脱水”环节,

会关咗洗衣机?咁咪脱唔到水咯?

 

冇错!

阿妈就系唔想脱最后一次水!

(悭返两分钟电!)

 

讲“环保”,我净系服我老母!-羊城网——懂互联网,更懂广州!

不过阿妈极力否认系为咗悭电,

反而讲咗个高深嘅“哲学”理论

 

晾衫实要晾几个钟噶嘛!

几个钟,啲衫干得咁快做咩啊?

少少水,依家又唔系回南天,

一晚实干啦!而且仲可以...

 

(仲可以咩呢?继续睇落去!)

讲“环保”,我净系服我老母!-羊城网——懂互联网,更懂广州!

理念七

史上最有创意嘅淋花!

 

由于啲衫冇脱水,

所以晾起咗之后,

就会不断咁滴水!

 

冇错,你哋都估到我阿妈系点样淋花了!

讲“环保”,我净系服我老母!-羊城网——懂互联网,更懂广州!

 

 

以上纯粹为喜剧效果,绝无恶意。

有雷同,我觉得......

 

你阿妈同我阿妈应该验下DNA,

佢哋可能系同一条肠出!

讲“环保”,我净系服我老母!-羊城网——懂互联网,更懂广州!

祝各位靓女靓妈

节日快乐!年年18岁!

 

如果你阿妈有咩环保壮举,

偷偷哋喺留言区同我哋讲啦!

 

 

 

讲“环保”,我净系服我老母!-羊城网——懂互联网,更懂广州!