仲有半个月!仲有半个月!

仲有半个月,就到可以行街夜蒲通宵打机吹水瞓懒觉嘅五一小长假啦!!!

有得放假梗系开心啦,不过每到节假日前夕,唔少广州嘅朋友仔都会畀一个问题难住:

“阿咩~我过两天要来广州旅游啦,你能不能给我推荐一下哪里好玩呀?”

上下九嘈、北京路杂,广州仲有几个值得去嘅景点?-羊城网——懂互联网,更懂广州!

为咗帮各位广州嘅朋友仔解决呢个难题,我哋编辑部特意采访咗几位广州街坊,睇睇佢哋对广值得去/要避开景点有咩睇法!

 01 

 @碗老师:

 雷点:

上下九……太吵太乱太多人,以前仲有好多“传单党”,夹硬塞张传单畀你跟住拉你入店,好恐怖……

感觉全国嘅步行街都一鬼样,都有十蚊三串铁板鱿鱼哈哈哈哈!可能有骑楼嘅步行街特别啲?

 推荐:

其实如果想睇骑楼可以去河南地!南华路、同福路、洪德路一带嘅骑楼保存得几好,关键喺路上仲有唔少老字号,行行食行行行食行食食……

上下九嘈、北京路杂,广州仲有几个值得去嘅景点?-羊城网——懂互联网,更懂广州!

▲图片来源见水印

 02 

 @敏敏耳:

 雷点:

嗰啲咩咩咩步行街就算啦,全国嘅步行街都系噉嘅款。

去一个城市旅游,就应该去睇睇最具城市自身气质嘅地方,如果唔系嘅话,山长水远嚟旅游把鬼?!

 推荐:

广州嘅城市气质我觉得喺东山区咯~七中培正嗰边嘅街巷马路,行又舒服,影相又好睇。仲有东山百货大楼,虽然已经繁荣不再,都值得去行下睇下。

广州嘅北京路上下九、武汉嘅户部巷、厦门嘅中山街……

上下九嘈、北京路杂,广州仲有几个值得去嘅景点?-羊城网——懂互联网,更懂广州!

▲几乎系每条步行街都会出现嘅VIP

图片来源于摄图网,版权归作者所有

全国各地都有复制黏贴式步行街,呢个秘密终于畀大家发现咗添!

 03 

 @配门:

 推荐:

一直都觉得珠江边是性价比最高的旅游点了~ 白鹅潭沿岸、长提一带、太古仓附近,甚至是广州塔下都可以,晚上看江景都很不错,而且各有风格。

 雷点:

至于广州塔就算了……门票太贵,除了上厕所不知道还能干吗(因为其他项目都要给钱!!),只适合远处观望塔底仰望

上下九嘈、北京路杂,广州仲有几个值得去嘅景点?-羊城网——懂互联网,更懂广州!

▲內部观摩

上下九嘈、北京路杂,广州仲有几个值得去嘅景点?-羊城网——懂互联网,更懂广州!

▲远处观望

各位问问自己嘅良心(睇睇自己嘅荷包)!!究竟点样欣赏广州塔先系最好睇??!!

 04 

 @一粒烧卖:

 雷点:

天河北嗰堆商场,咩xx城、xx汇嗰啲呀,传闻中广州最有铜臭味嘅时尚天堂?平时双休都人人人从从从众众众,五一去你仲唔死?!

 推荐:

广州富裕感最强嘅地方梗系猎德啦,净系坐喺路边你都如沐春风!

你又讲得好有道理喔,毕竟知名预言家鲁某曾经讲过:

“全国富豪睇广东,广东富豪睇猎德!”

上下九嘈、北京路杂,广州仲有几个值得去嘅景点?-羊城网——懂互联网,更懂广州!

钱我又冇,人多嘅地方我又逼唔过,唯有路边嘅清风(废气)最适合我!

 05 

 @仁义的合卺酒:

 推荐:

想推荐荔枝湾涌……会唔会畀人闹?呢度都算系热门景点了,唔算惊艳,但值得去睇下咯。

涌边会有啲屋企摆嘅档口卖特色小食,咩马蹄露、斋烧鹅嗰啲,仲可以顺便行下荔湾湖公园,唔使买门票。

上下九嘈、北京路杂,广州仲有几个值得去嘅景点?-羊城网——懂互联网,更懂广州!

▲图片来自羊城晚报

贫穷系我嘅弱点,“免费”就系呢个景点最大嘅竞争力!

 06 

 @猪猪儿:

 推荐:

雷点不知道,但是有个相对冷门的路线……批发市场!不是淘宝拿货的那种批发市场,是像花鸟鱼虫那种批发市场~

真的太养眼了,就像一个免费的水族馆,在这里拍照发朋友圈才够特别!!!

(不过最近好似有传出拆迁嘅消息,想去嘅朋友要快手啦~)

 07 

 @真实的网友:

 推荐:

你们试过晚上在二沙岛听演唱会级别的街头表演吗?免费不花钱,环绕立体声享受,正!

 雷点:

上下九也有街头表演!那些商店不是经常大喇叭循环播放“十元两件!最后三天!全场清货!”嘛?

上下九嘈、北京路杂,广州仲有几个值得去嘅景点?-羊城网——懂互联网,更懂广州!

▲图片来源于摄图网,版权归作者所有

 08 

 @猛汉的男人:

 雷点:

登高望远唔好斋去白云山啊……虽然系5A不过真系冇咩好玩(新出嘅白云飞索实在太贵!),越秀山都系,一般般咁啦。

 推荐:

帽峰山、火炉山呢啲地方,人冇咁多,我觉得比起行白云山仲过瘾。

识踩单车嘅可以去下海鸥岛,吹住风(晒住大太阳)踩车,爽啊~

上下九嘈、北京路杂,广州仲有几个值得去嘅景点?-羊城网——懂互联网,更懂广州!

▲帽峰山。图片来源见水印

一路睇落嚟,你有冇发觉各位提供嘅旅游攻略都有一个共同点?就系——

 09 

 @光头:

 雷点:

用生命担保!用生命发言!千万不要轻信网上的“必去打卡”广州旅游攻略

 推荐:

最好的广州出游指南,是活生生的广州本地人!比如我!如有需要,请联系电话1**********!

(为避免广告嫌疑,此处已为各位进行消音处理。)

冇错!就系反其道以行之,越多推荐嘅地方越要避开!

呢位自己友嘅发言绝对系全场概括度最高、最完整、最精准嘅广州旅游出行方案!

上下九嘈、北京路杂,广州仲有几个值得去嘅景点?-羊城网——懂互联网,更懂广州!

采访完咁多位之后,我哋发现咗一个问题:点解广州昔日嘅旅游“王牌”,依家会变成“雷点”?

唔知从几时开始,“王牌”开始变得商业化,迅速被一啲网红店、变味嘅老字号“侵占”,淡化咗自己嘅味道。

所以,当外地嘅朋友跟住网上嘅攻略踩点,去到现场却觉得“不过如此”……就连本地人,都会感觉到失望

上下九嘈、北京路杂,广州仲有几个值得去嘅景点?-羊城网——懂互联网,更懂广州!
上下九嘈、北京路杂,广州仲有几个值得去嘅景点?-羊城网——懂互联网,更懂广州!

▲大众点评截图

去一个城市旅游,风景同美食固然重要,但系城市特色都唔应该忽略。

就好似以上提供嘅自己友推荐一样,广州其实有好多极具地方味道嘅景点,只系畀我哋忽略咗而已。

希望今日呢篇文章,能够畀广州街坊带朋友旅游嘅时候有得参考一下,等外地朋友仔喺广州游玩嘅时候,能够更好咁了解广州呢座城市~

上下九嘈、北京路杂,广州仲有几个值得去嘅景点?-羊城网——懂互联网,更懂广州!

▲图片来源于摄图网,版权归作者所有

各位自己友

你觉得广州最值得游玩嘅地方喺边?

你唔建议去嘅景点系边度?

欢迎喺评论区分享!

 

上下九嘈、北京路杂,广州仲有几个值得去嘅景点?-羊城网——懂互联网,更懂广州!