最近,唔少自己友都收到风,黄沙水产市场要同大家暂别。94年出世嘅佢,原来芳龄已廿四啦~

广州老字号,有多少正在消费我们的情怀?

佢曾经系唔少广州人食海鲜嘅首选!但系佢有时都会出现短斤缺两嘅情况……

广州老字号,有多少正在消费我们的情怀?

广州系美食天堂,有好多同黄沙水产市场一样有返咁上下“年纪”嘅食肆,一直系对本地人同游客嘅“味之诱惑”。

 

我哋经常会见到,以老字号为主题嘅美食推介。

广州老字号,有多少正在消费我们的情怀?

但系有啲曾经辉煌嘅老字号,近几年收到越嚟越多嘅负评。

广州老字号,有多少正在消费我们的情怀?

唔通广州嘅老字号真系开始没落?

 

聚集多只“为食猫”嘅建六编辑部,决定全体出动,亲自探店

睇睇有几多老字号发挥稳定?有几多已经开始名不副实?

(以下测评或会受个人主观口味店家间歇性失手等因素影响,如有不同意见,欢迎留言讨论~)

  一、主食类   

西关竹园

(有师傅伙计陪你吹水送面)

地址:荔湾区黄沙大道荔枝湾风景区2期C4铺

人均:20元/人

测评菜品:鲜虾云吞面&牛腩面

位于荔枝湾景区嘅一间老字号面店,主打竹升面,店面睇上去古色古香。

广州老字号,有多少正在消费我们的情怀?
广州老字号,有多少正在消费我们的情怀?

【出品质量】

 

鲜虾云吞只只饱满,可以透过云吞皮见到里面嘅鲜虾,鲜虾甘甜可口、口感弹牙,猪肉味道较浓,稍微抢咗鲜虾嘅风头。

广州老字号,有多少正在消费我们的情怀?

牛腩分量多,且有肉有筋,浓味嘅牛腩汁配上清淡嘅汤底相得益彰。牛腩应该炖煮咗好长时间,入口好容易咬开,而且筋肉部分亦非常软糯。

广州老字号,有多少正在消费我们的情怀?

至于面店嘅重点面条,就冇咗传统竹升面嘅弹牙口感,可能系因为太细碎,面条好似冇精神噉,“软赖赖”趴喺碗度。

最后实名点赞韭黄,佢绝对系云吞面同牛腩面嘅必备品

广州老字号,有多少正在消费我们的情怀?

【餐厅环境】

 

店铺内嘅木凳木椅非常有老西关气息~

广州老字号,有多少正在消费我们的情怀?

而店门口就摆有一盒盒码好嘅手工面,工人平时会喺店铺对出嘅空地上面工作。

广州老字号,有多少正在消费我们的情怀?

【其他】

系一间人情味好浓嘅店铺,好多食客同师傅十分倾得埋,而且师傅同伙计都好热情、有礼貌。

但出品未算特别惊艳,亦未有令人回味无穷嘅味道。

推荐度:★★★

返寻味理由:路途遥远,产品平庸,有缘再见。

荣昌潮汕风味馆

(街坊由细食到大嘅鱼蛋粉)

地址:海珠区同福西路161号

人均:13元/人

测评菜品:大杂烩粉

位于骑楼入面嘅一间潮汕风味馆,系附近好多街坊嘅心头好,仲有唔少人打车嚟食,深夜系的哥嘅宵夜热门之一。

广州老字号,有多少正在消费我们的情怀?
广州老字号,有多少正在消费我们的情怀?

其实主打嘅只系几种汤粉,价格统一,无论咩款都系“大嘅13,细嘅11”。

广州老字号,有多少正在消费我们的情怀?

【出品质量】

番瓜叫嘅系13蚊嘅大杂烩河粉,贪佢咩都有。

配菜有丸、肉卷、白卷、薄脆等,但系牛丸鱼丸系mini版嘅,只匙羹可以装起两粒,且咬落冇弹牙嘅感觉。

广州老字号,有多少正在消费我们的情怀?

薄脆的确够薄够脆,其他配料不过不失。要赞下呢度自配嘅辣椒酱,真系够辣~

广州老字号,有多少正在消费我们的情怀?
广州老字号,有多少正在消费我们的情怀?

但系,食完之后半个钟,你会醒觉汤底真系好咸,一路饮水都仲系口干……

广州老字号,有多少正在消费我们的情怀?

【餐厅环境】

店面尚算阔落,人多嘅时候可能会有啲窄。环境干净有空调,夏天嚟食碗热嘅鱼蛋粉都唔使怕热~

广州老字号,有多少正在消费我们的情怀?
广州老字号,有多少正在消费我们的情怀?

【其他】

店内冇明显嘅电子支付提示,要开口问收钱阿姨先知。

推荐度:★★★

返寻味理由:路过可以一试,专程嚟食唔太值得。

源记肠粉

(食客称可以与银记媲美嘅肠粉店)

地址:荔湾区华贵路93号

人均:16元/人

测评菜品:猪肉肠&猪腰粥

系喺西关扎根多年嘅肠粉店,系得到好多网友美誉嘅“网红店”,更系广州米其林嘅推荐餐厅。

只做肠粉同粥,肠粉分大碟细碟,价格亲民。

广州老字号,有多少正在消费我们的情怀?

【服务态度】

 

最唔想发生嘅一幕始终都系发生咗!

老板真系落错单!

当番瓜同老板讲“我要牛肉肠,你落错猪肉肠啦”,老板只系话:“咁帮你换牛肉肠啰,加1蚊”。我赶时间(穷)我认输

广州老字号,有多少正在消费我们的情怀?

【出品质量】

 

冇再额外加酱料嘅情况下,呢一粥一肠粉真系咸到怀疑人生……

肠粉嘅口感唔错,有食到米香,但系配嘅豉油真系咸……

广州老字号,有多少正在消费我们的情怀?

粥仍然系好咸,咸到唔知讲咩好。不过粥嘅配料尚算新鲜

 

【餐厅环境】

 

店面有两面直接连接外街,冇空调,夏天嚟食嘢可能会热。

广州老字号,有多少正在消费我们的情怀?

拉肠同煮粥嘅地方系开放式嘅,食客可以喺排队嘅时候睇到师傅煮食嘅过程,番瓜觉得呢点够接地气,系店铺嘅一个亮点。

广州老字号,有多少正在消费我们的情怀?
广州老字号,有多少正在消费我们的情怀?

【其他】

 

点解落错单,番瓜会咁快投降?

因为喺源记落单,老板会叫你直接将单据畀煮食嘅人,而你自己就排队等,冇单或号码牌作为依据

师傅嗌到,你就要去攞。所以建议至少两个人嚟食,一个搵位,一个排队,够晒稳阵。

广州老字号,有多少正在消费我们的情怀?

△两个人食到最后嘅战果

推荐度:★★☆

返寻味理由:特别嘅排队取餐机制,系情侣/朋友建立革命情谊嘅好地方。

二、小食/炖汤类

陈添记

(听讲有个“鱼皮西施”)

地址:荔湾区宝华路十五甫三巷2号之二首层

人均:25元/人

测评菜品:鱼皮&豉油王猪肠粉

喺广州好有名气嘅老字号,基本上只要嚟广州旅游就一定会喺度打卡,所以好多人排队。

只卖三种菜品:鱼皮、艇仔粥、猪肠粉

广州老字号,有多少正在消费我们的情怀?

【出品质量】

 

鱼皮盛惠25蚊,店员会直接将放喺收银旁边嘅一次性饭盒畀你,里面就系鱼皮。

口感确实不错,但冇外界讲得咁好食,可能店铺出名了质量就会下降

广州老字号,有多少正在消费我们的情怀?

鱼皮分量唔多,足够一人食,25蚊真系有啲贵。

里面嘅花生非常香脆,酱油亦非常香甜,搭配芹菜香菜可以中和鱼皮嘅腻味,只能讲系中规中矩。

广州老字号,有多少正在消费我们的情怀?

豉油王蒸肠粉只需3蚊,肠粉好滑,皮虽然唔算通透但够薄

睇落简单嘅酱料却有惊人嘅味道,呢个酱料应该同鱼皮嘅酱料一样,甜甜地,唔系太咸。

经过浸泡之后嘅猪肠粉非常入味,搭配少许芝麻,口感超正!

广州老字号,有多少正在消费我们的情怀?

【餐厅环境】

 

位于小巷入面,环境狭窄,周围只有电风扇,但系人实在太多,风扇开再大都冇用。

广州老字号,有多少正在消费我们的情怀?

推荐度:★★★★(4星全部畀猪肠粉啊唔该)

返寻味理由:为咗猪肠粉!我愿意每日都去!!

达扬炖品

(用一只椰子立足炖汤界)

地址:越秀区文明路160号

人均:18元/人

测评菜品:椰子炖竹丝鸡

喺广州讲到炖汤,好多人首先会谂起达扬炖品,佢生意旺起上嚟,成条路都会闻到炖汤嘅香味。

广州老字号,有多少正在消费我们的情怀?

【出品质量】

 

基本上出锅之前门口就开始排队,最好卖嘅系椰子炖竹丝鸡

材料炖得比较软烂,汤水味道几清甜,冇食出差评中讲嘅味精味,但上面嘅油确实比较多。

广州老字号,有多少正在消费我们的情怀?
广州老字号,有多少正在消费我们的情怀?

【餐厅环境】

 

达扬嘅店铺都非常细,一座难求,亦冇空调

后巷仲有另外一个小铺,位置比街边店面多,只有老顾客先知道点搵,建议夏天去饮汤最好都系打包带走。

广州老字号,有多少正在消费我们的情怀?

【服务态度】

就似一贯嘅广州老店,伙计态度都系比较冷淡,不过大多数人买完就走。

广州老字号,有多少正在消费我们的情怀?

推荐度:★★★

返寻味理由:值得回头,但真系劝你打包。

三、甜品类

百花甜品

(只有你谂唔到,冇你搭配唔到嘅甜品)

地址:越秀区文明路210号

人均:12元/人

测评菜品:红豆沙加雪糕&芝麻糊

文明路口三大甜品巨头之一,已经有32年历史。甜品品种多到你数唔晒,菜单同规矩全部贴喺店铺门口。

广州老字号,有多少正在消费我们的情怀?
广州老字号,有多少正在消费我们的情怀?

【出品质量】

红豆沙料足又软糯,加上雪糕非常消暑;芝麻糊就稍微有点寡淡,冇红豆沙出彩。

广州老字号,有多少正在消费我们的情怀?

广州老字号,有多少正在消费我们的情怀?

【餐厅环境】

店面比达杨大,但座位一样系非常稀缺,特别系周末,门外基本上都喺度排队,攞完餐再十分钟等位

如果点咗容易融化嘅甜品,都系建议打包。

广州老字号,有多少正在消费我们的情怀?
广州老字号,有多少正在消费我们的情怀?

【服务态度】

服务系一如既往地原始、死板又多规矩

点餐只收现金,唔可以用电子支付,点完餐后递单畀服务员逐个配餐,速度慢又冇人管理。

人多嘅时候容易被人插队,服务员都系黑口黑面,点单嘅人唔太专心。

广州老字号,有多少正在消费我们的情怀?

光顾多年嘅本地人可能会习惯,但唔代表呢种服务模式值得推崇。

推荐度:★★★

返寻味理由:只要唔介意“食猫面”,都可以回头尝试。

△食猫面:①挨骂,被训斥;②受冷遇,遭刁难。

顺记冰室

(广州最出名嘅“网红”甜品店)

地址:荔湾区宝华路83号

人均:20元/人

测评菜品:鲜奶椰汁西米露&椰子雪糕

如果外地游客嚟广州旅游,上网做美食攻略,顺记冰室绝对系推荐名单上铁打唔郁嘅一间。

广州老字号,有多少正在消费我们的情怀?
广州老字号,有多少正在消费我们的情怀?

【出品质量】

鲜奶椰汁西米露用杯上,奶味香浓,甜度适中。西米嘅分量好多,几乎占咗1/3,咬落够弹牙。

不足之处系奶味重,基本冇椰汁味,不过价格15蚊嘅佢,性价比唔错。

广州老字号,有多少正在消费我们的情怀?

顺记嘅招牌椰汁雪糕有小小过甜,但系椰子味香浓,口感香滑,冇起冰渣嘅口感。

总体算可以,15蚊一球嘅定价的确偏贵

广州老字号,有多少正在消费我们的情怀?

【餐厅环境】

作为上下九著名甜品店嘅佢几时都座无虚席,基本上都要搭台。而且游客十分多,再加上行李箱、BB车,环境嘈杂拥挤

(如果只想食雪糕,可以喺门口直接购买,无需进店消费~)

广州老字号,有多少正在消费我们的情怀?

【服务态度】

大部分出名老字号嘅通病,服务从一而终嘅差。买好嘢,坐定定喺度等食~

广州老字号,有多少正在消费我们的情怀?

推荐度:★★★☆

返寻味理由:如果冇咁多人、冇咁吵闹嘅话,我谂我可以日日帮衬~毕竟菜单东西真系多。

开记甜品

(冷门嘅老字号糖水铺)

地址:荔湾区区多宝路318号

人均:12-18元/人

测评菜品:绿豆沙&芝麻糊&椰汁红豆冰

相比起百花、顺记,呢间开记甜品系老字号入面嘅冷门,但喺上下九依然有佢一席之地。

除咗糖水,开记仲有卖炖汤添。

广州老字号,有多少正在消费我们的情怀?
广州老字号,有多少正在消费我们的情怀?

【出品质量】

绿豆沙初入口仲可以,但食多会觉得好甜芝麻糊虽然浓稠但冇咩味道,食唔出芝麻香味;红豆冰亦系非常甜,冇咩特色。

广州老字号,有多少正在消费我们的情怀?
广州老字号,有多少正在消费我们的情怀?
广州老字号,有多少正在消费我们的情怀?

【服务与环境】

服务态度尚可,上菜速度够快,店铺系广州旧街小店嘅风格,比较旧。

广州老字号,有多少正在消费我们的情怀?
广州老字号,有多少正在消费我们的情怀?

总体嚟讲,出品冇咩惊喜,糖水味道偏甜,总体价格偏贵(可能跟临近上下九有关),性价比较低。

推荐度:

返寻味理由:头也不回,手动拉黑。

时代发展,好多老字号所代表嘅意义有咗好大变化。

对于老广民众佢哋包含住多年嚟嘅情怀,每一次品尝,都系念旧嘅味道。

对于外来游客佢哋就变成“网红店”,打完卡、影过相就算。

广州老字号,有多少正在消费我们的情怀?

老字号名声不复以往,出品质量下降,或者一直会有人为咗情怀而坚持帮衬。但系情怀,可以消耗几耐?

老字号要保留传统味道,唔代表唔要服务态度,而系更加要坚守打下江山嘅高出品,先系佢哋真正应该要坚持嘅嘢。

广州老字号,有多少正在消费我们的情怀?

各位自己友

你觉得边间广州老字号开始名不副实?

你点睇广州老字号衰落现象?

欢迎留言同大家分享你嘅为食经历!

广州老字号,有多少正在消费我们的情怀?