话咁快,元旦三日假期就过咗啦!

各位自己友系咪觉得生无可恋

身心都极度抗拒上班呢!

蛇王秘笈:百分百成功令老细批假嘅请假理由-羊城网——懂互联网,更懂广州!

作为“贴心小天使”嘅阿咩,

特登为你哋准备咗

 

《百分百成功请假理由秘笈

蛇王秘笈:百分百成功令老细批假嘅请假理由-羊城网——懂互联网,更懂广州!

 

拯救你哋于水深火热之中!

第一招  引发老细同情

作个闻者伤心、听者流泪嘅请假理由,最好可以引发老细嘅共鸣,以博取老板同情,成功请假!

案例

蛇王秘笈:百分百成功令老细批假嘅请假理由-羊城网——懂互联网,更懂广州!

相似理由

今日听到有人话我哋公司唔好,我内心非常难过,心情太低落,冇办法上班面对各位同事,特请假梳理心情!

寻日啱畀人飞咗,想留喺屋企喊阵!

《全职猎人》更新到11话又休刊,想请假去劈富坚老贼!希望领导可以体谅入坑党,望批准!

工资未发,冇钱搭车返工!

第二招  为国家为人民而请假

将你嘅请假理由与国家、人民、人类未来联系埋一齐,令老细觉得你嘅请假理由好伟大!一唔小心就会批准!

案例

蛇王秘笈:百分百成功令老细批假嘅请假理由-羊城网——懂互联网,更懂广州!

相似理由

国足又输咗,本人大受刺激,想请假一日思考国足嘅未来,今后应该何去何从!

入股嘅西甲球队今日比赛,应球队主席嘅邀请,需要前往现场观战,同时作为股东参与股东大会,特此请假一天。

早上遇到有贼抢劫茶叶蛋,我路见不平帮主人攞返,被害人同警察非常感动,一定要发面锦旗畀我,听日想请假一日去受赏!

QQ异地登陆,我想请假去调查下公民信息系咪被泄露!

第三招  用最彪悍嘅理由

用最彪悍最直接嘅理由,令你嘅老细冇办法拒绝你嘅请假申请!

案例

蛇王秘笈:百分百成功令老细批假嘅请假理由-羊城网——懂互联网,更懂广州!

相似理由

老细,我今日肚屙,我要请假,你唔信,我唯有现场直播畀你睇!

老婆排卵,我要留喺屋企造人!

听日出席未婚妻嘅婚礼!

老窦老母用我嘅身份证买咗块地皮,必须要我本人返去签字交易。

我老窦包二奶,阿妈要我一齐去捉狐狸精!

其实冇乜大事,就系太耐冇请过假,就想请假体验下!

第四招  作啲奇葩嘅病症

老作啲刁钻奇葩又哭笑不得嘅病症,但系千祈唔好太常见,容易畀人试穿,亦都唔好太严重,唔系老细可能会过嚟探病!

案例

蛇王秘笈:百分百成功令老细批假嘅请假理由-羊城网——懂互联网,更懂广州!

相似理由

老细,我得咗一种叫肋骨软骨炎嘅病,由焦虑紧张引发,无条件发病,症状表现为肋骨抽痛,冇办法弯腰,医生话只可以喺屋企休养,唔激得,唔嬲得,具体康复时间要睇个人心情!

老细,我眼睫毛好痛,想请返日假去睇医生!

老细我得咗急性抑郁症加不定时情绪病!我今日必须坐喺沙发,睇电视先可以缓解病情!

我:老细,我今日例假到,唔舒服想请假!

老细:顶你个肺,你系男人,边会有大姨妈!

我:男人都有大姨丈噶!

第五招  越无厘头越好用

如果你老细特别难捉摸,不妨作啲无厘头嘅请假理由,话唔埋引得佢开心,就会批你假!(不过此招慎用,难保会有反效果!)

案例

蛇王秘笈:百分百成功令老细批假嘅请假理由-羊城网——懂互联网,更懂广州!

相似理由

老细,我依家感冒、头痛又发高烧,不过呢啲都唔重要,最重要嘅系我屋企只狗就嚟生啦!我要留喺屋企为佢打气!请老细批我产假!好人一世平安啊!

老细,我预感到听日要发烧,我想请一日假啊!

今日风太大,一出门口就被吹返上床!

早上心情太好,唔想返工破坏心情!

寻晚梦游买咗张机票,顺便登埋机,依家已经到咗泰国啦!

听日我只QQ宠物生日,我想请假同佢庆祝生日!

第六招  用文化气息感染老细

有时候请假就要另辟蹊径,用另一种方式写你嘅请假单,用浓厚嘅文化气息感染你老细!不过,呢招执行难度有啲大,要睇各位嘅语文水平!

案例

蛇王秘笈:百分百成功令老细批假嘅请假理由-羊城网——懂互联网,更懂广州!

相似理由

言之病假可请,虽近日不慎风寒,头疼发热,流涕咳嗽,只可惜未有病历在手,假期难请。抑或言名下房产动迁,需要本人签字?老家住宅的确动迁中,吾可提供名下房产证照片。

舌尖上的中国》曾经有一段说话:“中国人从来没有把自己束缚在一张乏味的食品清单,人们怀着对食物的理解,在不断的尝试中,凭借千变万化的烹调手艺和经验积累的结晶,创造出各种美食,然而,不管吃下了多少酒食菜肴,肉永远都是中国人餐桌上最后的主角。”

 

翻译:公司饭堂饭菜好斋,想请假去食肉!望领导批准!

最后一招  釜底抽薪

如果上边嘅招数都冇用,咁就唯有用最后一招——釜底抽薪、置诸死地而后生!

案例

蛇王秘笈:百分百成功令老细批假嘅请假理由-羊城网——懂互联网,更懂广州!

不过,有时候可能会得不偿失!

 

蛇王秘笈:百分百成功令老细批假嘅请假理由-羊城网——懂互联网,更懂广州!

 

以上纯属娱乐!

大家都系睇下就算啦!

听日都系好好上班,努力工作啦!

新嘅一年,开个好头!

 

如果你仲系唔想上班,

就睇下自己嘅荷包啦!

蛇王秘笈:百分百成功令老细批假嘅请假理由-羊城网——懂互联网,更懂广州!

 

2017年第一日返工,

唔知大家又咩想讲?

评论区讲下你哋嘅睇法!

本文由羊城网原创