我記得細個嘅時候呢，老一輩嘅老人家好避忌新年買書，覺得“輸輸”聲唔好聽。

但慢慢長大咗之後，先覺得呢種迷信只會令人越嚟越蠢、越嚟越窮。即使喺古代人嘅人生觀裡面，都覺得讀書系一件非常高尚同積極嘅事情，佢哋嘅人生觀用一句話嚟總結就系“一命二運三風水，四積陰德五讀書”（大家千祈唔好以為呢句話系風水佬呃你十年八年嘅說話，呢句話最早出自清代文康先生嘅小說《兒女英雄傳》。）。用馬克思主義哲學嘅話嚟講，一命二運三風水其實就系客觀因素，四隻陰德五讀書就系主觀因素。

在西湖路花市中與廣東廣播電視台名嘴任永全先生分享《粵韻唐詩》

客觀因素，我哋決定唔到——例如，命就系你出生喺有錢人嘅家庭定系窮人家庭；運就系從宏觀嚟講就系你所處嘅時代系盛世定系亂世，從微觀嚟講就系遭遇中彩票或踩狗屎呢啲隨機因素；風水就系你所處嘅地理位置系繁華城市定系窮苦山溝，呢啲都系我哋無辦法通過主觀努力改變嘅，我哋不妨將佢放喺一邊。 

代表《粵韻唐詩》創作團隊向山區兒童捐贈該書，得到廣東廣播電視台珠江頻道領導倪卓宏頒發感謝狀

主觀因素，我哋可以通過努力去實現——積陰德其實就系利他主義帶來嘅回報式機遇，讀書就系長期閱讀、生活、工作、思考形成嘅視野和知識積累，呢啲就系我哋能夠通過主觀努力可以改變自己人生或者人哋人生嘅事嘞。

與廣東廣播電視台珠江頻道一眾名嘴合照留影

所以，廣東廣播電視臺珠江頻道一發起“情滿珠江 書香暖山區”花市募集圖書公益活動，我就馬上舉雙手雙腳響應支持，梗系啦！今次又積陰德又讀書，無論參與嘅人定系受助嘅兒童，都可以通過呢個活動積極改變自己嘅人生！自己友，一定要撐！