「口立湿」究竟系咩?

依家有人将「口立湿」误认为系零食嘅意思,实际上「口立湿」系特指凉果,即味道偏浓嘅腌制生果零食

那些年士多架上嘅「口立湿」

广东人之所以叫凉果作「口立湿」,来源有二。

一系食完腌制嘅生果小食,增加口水分泌,令人下次见到都流口水。

二系“立湿”从“垃圾”或“垃杂”而来,由于凉果唔属于正餐,经常喺无聊时候先食用,而“口垃圾”讲起身唔够顺口,就演变成「口立湿」。

大量国外零食进驻中国之前,「口立湿」系普罗大众嘅超级零食,去电影院睇戏、通宵做嘢、无聊打牙铰嘅时候,个个都钟意买包「口立湿」嚟食。

常见嘅「口立湿」包括话梅、八仙果、飞机榄、甘草柠檬等。

那些年士多架上嘅「口立湿」

原本平凡嘅食材,经过盐醋糖嘅腌渍,味道层次变得丰富,有鲜酸、清甜、果香、回甘,如人生一样五味纷陈,既咸又甜嘅凉果含喺嘴中,慢慢嗒,唔单止可以解馋开胃,仲可以令身心开怀

那些年士多架上嘅「口立湿」

▲最初嘅甘草柠檬系原只连核,以前嘅人觉得成个啜食先原汁原味,但后来时代进步,啜食柠檬被认为有失仪态,甘草柠檬先转为去核切片售卖。

时移世易,零食嘅世界早就“改朝换代”,凉果早就唔系大众零食嘅主力军,连「口立湿」一词都好少人讲。

除咗「口立湿」,仲有咩零食系上一代人心头好?

那些年士多架上嘅「口立湿」

「肥仔米」

那些年士多架上嘅「口立湿」

「肥仔米」其实就系爆谷、米通,将大米或粟米放喺大炮筒,加糖精不停翻转烧焗,“嘭”一声后,大米变“肥”,变成香甜松脆嘅爆谷!

以前嘅肥仔米有两种,有钱人用粟米爆,穷人就用大米,当细路仔听到街上突然传来“嘭”一声,就知系爆“肥仔米”嘅人嚟咗,就会喺屋企米缸偷偷攞啲米,拿去做「肥仔米」。

那些年士多架上嘅「口立湿」

虽然依家爆谷四围都可以卖,但系冇咗惊天动地嘅“嘭”一声,始终少紧啲嘢。

「BiBi糖」

那些年士多架上嘅「口立湿」

「BiBi糖」本命为可利斯口哨糖,日本超高人气嘅糖果,每粒糖果片可作哨子,吹一下会“哔哔”叫,如果细心钻研,仲可以吹出音乐,而且每排糖仲附有趣可爱的玩具盒。

那些年士多架上嘅「口立湿」

「康康蔬菜饼」

那些年士多架上嘅「口立湿」

黄色包装、蔬菜口味嘅膨化食品,80后最中意嘅零食,嗰时康康已经有附送小玩具,之后嘅奇多都系学佢哋。

那些年士多架上嘅「口立湿」

▲康康附赠嘅其中一种玩具

「多拿虾饼」同「康康蔬菜饼」都系风靡一时嘅零食,不过实在搵唔到相关图片,冇办法详细介绍。

「啄啄糖」

那些年士多架上嘅「口立湿」

 「啄啄糖」(一般被误写为“叮叮糖”或“丁丁糖”),广东一种传统糖果,啄啄糖本身为一大块带有芝麻和姜味嘅麦芽糖,质地坚硬。

街边小贩售卖啄啄糖,需要从锌盆中凿碎糖块,会发出“叮叮当当”嘅声,啄啄糖因而得名。

如今街头嘅「啄啄糖」小贩买少见少,但系超市同西饼店偶尔仲会有「啄啄糖」卖,不过已经再都听唔到嗰阵清脆嘅“叮叮”声

那些年士多架上嘅「口立湿」

「眼镜朱古力」

那些年士多架上嘅「口立湿」

包装如同眼镜镜框嘅朱古力,食朱古力之前,经常会猜包剪揼,胜出嘅一方可以先挑选自己中意嘅颜色嘅朱古力。

以前细路仔仲好中意喺朱古力上边穿两条橡筋,当眼镜戴。

那些年士多架上嘅「口立湿」

「手工麦芽糖」

那些年士多架上嘅「口立湿」

「麦芽糖」系一种富有金黄光泽、黏口软滑嘅怀旧糖果,相信大家都唔会陌生,因为电视剧定日常生活中都会经常见到。

据说,以前零用钱唔多嘅细路仔,想食麦芽糖,就会攞自己玩具同卖糖者交换,呢种都算系麦芽糖独有嘅交易方式

「咸酸」

那些年士多架上嘅「口立湿」

广东嘅街头小食之一,以咸酸口味为主,将时鲜果蔬用糖精、米醋腌浸,封存两日左右即可,清爽酸甜,开胃宜人。咸酸中以“椰子夹酸姜”、“攻鼻芥菜”等最为出名,

“攻鼻芥菜”系咸酸担嘅招牌,卖咸酸嘅小贩喺街上边行边叫卖,成日中意大声嗌:“攻鼻芥菜,辣辣都有!”

那些年士多架上嘅「口立湿」

此外,同名嘅食物仲有咸酸卤味(咸酸小贩除卖咸酸外附带卖卤水食品)咸酸火锅(以前广州街头嘅打边炉走鬼档)

怀旧零食仲有好多,如戒指糖、唇膏糖、足球朱古力等,就唔一一介绍啦,唔知你童年嘅最难忘嘅零食又系咩呢?

那些年士多架上嘅「口立湿」

细个食零食系为咗满足味蕾,大个食零食,更多系为咗回味过往,有时候真系希望时间可以行慢啲,令我哋嘅童年可以留耐啲。

素材出自维基百科、广州文化网等

羊城网负责整理编辑