互联网+粤文化
羊记杂货铺:为你发掘众多有故事的本土文创……
发新帖
详细内容

没脾气的广州人,你今天被「打尖」了吗?

阿爆 发表于 2017-11-3 |4条回复 |1116次浏览

更多
有一种人,有一种行为,我哋见一次就会㷫一次!而且毫不夸张咁讲,只要我哋行出屋企门口,每日都会见到呢种人,佢哋就系——

image001.jpg


「打尖」呢种陋习,广泛渗入中国每一寸土地,搭车搭电梯,甚至系去公厕,只要有人排队嘅地方,就会有人打尖兼队。

今日就同大家倾下,喺广州见到有人打尖,如何礼貌咁劝佢排队!


01
老城区好多巴士站都只有一块公交牌,就算人人都好有素质,排起条队,巴士嚟到,就当排队嘅人“冇到”,直接行去车门,成为第一个上车嘅人!

呢个时候,就可以同佢讲:“哇,真系「跛脚鹩哥自有飞来蜢」咯,唔使排队都第一个上车,下次带携下我啦!”

image002.jpg


✎跛脚鹩哥自有飞来蜢:无能的人,也会有送上门的好运气。


02

够厚面皮打尖嘅人,都唔会惊啲闲言闲语,所以就要加强语气。

image003.jpg


如插队者系本地人,可以同佢讲:“喂喂喂,唔该排队喇,你以为「本地姜」最辣你啊?”(意思:不要丢广州本地人的脸)

如插队者系外地人,可以同佢讲:“喂喂喂,唔该排队喇,你以为「本地姜真系冇嚄辣」啊?”(意思:广州人不是好欺负的)

✎本地姜唔辣:什么东西都觉得外地(进口)的好。


03

地铁入边更多人打尖!明明有分“下车区”同“上车区”,但系佢哋就钟意去冇人嘅“下车区”。

呢个时候,可以同佢讲:“阿生,咪「蹅错脚」啊,你嗰边系落车区啊!”

image004.jpg


✎蹅ca5错脚:比喻不小心犯了错。


04

除咗公交地铁之外,就连快餐店食饭都会有人打尖!

肚饿嘅你,一定要同佢讲:“阿生,「花灯好睇亦要油」嘎,想早啲食饭,咪早啲出门口咯。”

image005.jpg


✎花灯好睇亦要油:比喻什么东西都要成本,都要付出代价。


05

每个用过“自助充值机”充羊城通嘅自己友,都会有呢个体会:几时去充卡都好,你充紧嗰时,肯定会有条友企喺你隔离,睇住你充羊城通,连输密码都会望到实一实!

无奈之下,只可以同佢讲:“呢位哥哥,你喺度睇咩呢?「番鬼佬睇榜」啊?队头队尾掉转睇,呢度队头嚟嘎,你快啲返去队尾排队喇。”

image006.jpg


✎番鬼佬睇榜:过去中国人书写是从右到左,洋人相反。所以旧时的排行榜,中国人看的倒数第一,就是洋人看来就是正数第一。


06

对好多人嚟讲,80%嘅打尖都可以忍,唯独带住小朋友都要打尖,最唔可以忍!

每次见到都要讲:“阿姨,凑住个孙就乖乖哋排队啦,细路哥「跟住好人学好人  跟住南无学拜神」,咩都学嘎!”

image007.jpg


✎跟住好人学好人,跟住南无学拜神:指小朋友爱模仿别人,分不清好坏。


07

去到火车站买票,打尖现象更加猖狂。

每次都忍唔住要开口:“小姐,你一下子打咗几十人尖,仲咁滋油淡定,系咪即系我哋「开埋井畀你食水」啊?”

image008.jpg


✎开埋井畀人食水:比喻自己作出努力,却让别人得到好处。
✎滋油淡定:淡定。



08

医院挂号,同样系打尖重灾区!亲身遇到过某地老人家恃住自己年纪大,话佢打尖仲大大声!

有首诗,好啱同佢哋念一念:“阿伯,念首诗你听啦,「唔怕犯天条,至怕犯众憎。面系人家畀,架系自己丢」啊!”

image009.jpg


✎唔怕犯天条,至怕犯众憎:最怕得罪群众,让群众憎恨。
✎面系人家畀,架系自己丢:指咎由自取。



09

有啲键盘侠,口头上都斥责排队打尖嘅行为,但系转下眼,自己都去打埋一份。

对呢啲键盘侠就可以讲:“你都几好嘢喔,揸住碌「盲公竹」周街走!「唔食狗肉捞狗汁」,你就开胃喇!”

image010.jpg


✎盲公竹——督人唔督己:指只约束他人,不约束自己。
✎唔食狗肉捞狗汁:讽刺自称不吃狗肉的人,却用狗肉汁拌饭,比喻自欺欺人的行为。



「打尖特工队」之所以咁有恃无恐,系因为大多数人见到打尖行为无动于衷,选择忍耐。打尖唔会畀人闹,唔使负责任,所以佢哋就更加猖狂!

换句说话讲,我哋嘅忍耐,就系「打尖特工队」嘅帮凶。

因此,为咗广州可以更美好,下次见到有人打尖,大家都应该勇敢同佢讲:“唔该排队喇,你以为「仲有嗰支歌仔唱」啊?”

image011.jpg


✎冇嗰支歌仔唱:比喻过去的美好不会再发生。
关注羊城网

更多
原创粤文化科普视频,睇完幽默与干货齐飞!
三爷 发表于 2017-11-3 11:49:42 ( 加好友 |打招呼 |发消息 )
地铁落车区上车最无品!
回复

使用道具 举报

风声依旧 发表于 2017-11-3 11:52:21 ( 加好友 |打招呼 |发消息 )
廣州啲50到60歲嘅阿叔阿姨最好火氣~
回复

使用道具 举报

漫画吧 发表于 2017-11-3 11:53:18 ( 加好友 |打招呼 |发消息 )
阻誡打尖都有這麼多幽默,含蓄且不失體面的說法,這樣說粵語,太有文化了。
回复

使用道具 举报

五岳倒为轻 发表于 2017-11-3 11:56:01 ( 加好友 |打招呼 |发消息 )
高峰期地铁,公交打尖既人多。特别系地铁,先落后上基本系句废话!
回复

使用道具 举报

发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部