互联网+粤文化
羊记杂货铺:为你发掘众多有故事的本土文创……
发新帖
详细内容

日日饮茶、钱使唔晒,广州真系有咁嘅人

阿爆 发表于 2017-10-31 |3条回复 |2171次浏览

更多
外地人成日以为广州人,每朝都饮茶、每日都好得闲、衣着随便但好有钱...对于呢个问题,最后澄清一次,广州真系有咁嘅人!

佢哋嘅名叫做退休老人!

除咗日日饮茶之外,退休老人仲有好多唔同嘅生活方式,而且佢哋仲会做好多后生仔理解唔到嘅事!

image001.jpg


01

image002.jpg


每次路过公园,都见到成村退休阿叔阿婶开枱打牌,仲要真金白银攞出嚟赌,拖住个小朋友我都唔敢行入公园。

02

image003.jpg


有啲老人家买份报纸去饮茶,成个朝早就霸住一张枱,净系叫个包、点笼烧卖,壶茶冲咗成朝,乜味都冇晒,谂住礼拜去饮餐晏茶都难。

03

image004.jpg


最怕同啲老人家倾计,两句未倾埋,阿叔又讲返几十年前打仗啲威水史,阿婶又话以前下乡几咁辛苦……来来去去都系嗰三幅被,讲咁多次,唔厌嘎?

✎来来去去三幅被:来来去去都是说这些。

04

image005.jpg


最唔理解嗰啲钟意养“鹩哥”嘅阿伯,成屋都系“鹩哥”,唔可以养第二种咩,吵冤巴闭。有啲阿伯又钟意收藏紫砂壶,成间屋都系紫砂壶,唔贵嘅都唔买,成千银一个茶壶仔,仲唔知真定假。

✎鹩哥:八哥
✎吵冤巴闭:形容十分吵闹。

05

image006.jpg


屋企楼下嗰班阿叔阿婶,真系买佢哋怕。朝早《小苹果》,晚黑《帝女花》。做完健身操,跟住就交际舞!二胡横笛配乐,孙仔孙女助兴。想出年同个孙一齐上春晚咩。

✎买(某人)怕:指怕了某人。

06

image007.jpg


太迷信!有咩事宁愿求神拜佛烧衣纸。又信埋啲开光保平安,条颈有个观音,只手又有串佛珠,银包里面都摆埋三四个平安符。

07

image008.jpg


次次去亲旅游,一个景点影十几廿张相。群发全部亲戚群,下下都几十条信息,全部都系图片,流量唔使钱咩。

08

image009.jpg


仔女未有打算结婚,咪由得佢咯。成日都大锣大鼓搵人相睇。呢个都算喇,次次都系隔离村阿炳、村头阿强、隔离屋阿凤...

f70585667a1243a3b792a7d812626649.jpeg


以上,都系广州退休老人嘅生活日常。或者你会觉得佢哋得闲冇事做,会觉得佢哋太多管闲事

正当我哋批判呢啲老人家嘅时候,有冇发觉,佢哋可能就系我哋嘅阿爸阿妈。

老人家之所以会用我哋理解唔到嘅方式消遣,其实系因为我哋都用敷衍去伤害老人家。

喺我哋返工嘅时候,佢哋落公园打牌,但我哋放工返屋企,就喺度打王者。

喺我哋返工嘅时候,佢哋去饮茶,但我哋周末放假,宁愿排队买喜茶。

老人家收埋一屋“无谓嘢”,但我哋都买咗好多模型公仔。

我哋怪老人家拜神迷信,但我哋都将Idol当神咁拜!

So,你仲好意思批判呢啲老人家吗?
你仲有借口唔陪阿爸阿妈饮茶吗?

P.S.可能你唔知,今个星期六就系重阳节。人人都话重阳节要敬老,不过,敬老唔应该拣时间!阿妈都唔会等儿童节先锡个仔啩。
image010.gif
关注羊城网

更多
羊记杂货铺
四季虫 发表于 2017-10-31 12:16:18 ( 加好友 |打招呼 |发消息 )
仲有未列出:
1、保药党,日日花钱买保药做理疗周围听讲座学食疗想长寿的。
2、弘扬节省精神党。四处拱买平嘢揾着数,边道有买一个鸡蛋送支豉油都可以山长水远去排队,或者一斤猪肉平一毛钱都可以行五个街市,事实只买三两猪肉。
3、远程聚众党。约埋成班人吊住个老人免费卡坐公交地铁去无雷公咁远食平价菜农家菜唱K。
回复

使用道具 举报

五岳倒为轻 发表于 2017-10-31 12:17:39 ( 加好友 |打招呼 |发消息 )
地铁上面听到个阿婆同另一个阿婆讲:今个月退休金又少咗,先得5000几蚊。另一个阿婆话:我都差唔多,饮茶钱又少咗。我心霖:我做一个月都唔系多你哋几多,使唔使咁嗮命。
回复

使用道具 举报

丁怡 发表于 2017-10-31 12:18:11 ( 加好友 |打招呼 |发消息 )
可以理解,老人家辛苦咗一世,佢哋以前无玩过手机游戏机,围埋一齐饮茶打牌系最好嘅消遣。不过话时话,如今老人都追得上潮流咯,人手一部智能手机,玩微信微博唔输比啲后生仔了!
回复

使用道具 举报

发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部