互联网+粤文化
羊记杂货铺:为你发掘众多有故事的本土文创……
发新帖
详细内容

比iPhone8更重要的是,学会这几个粤语词

小沅子 发表于 2017-9-20 |0条回复 |8007次浏览

更多
这是羊城网传播粤文化的第791期

呢个视频热度虽然已经过去,但每睇到呢一幕,总会觉得心头一紧。莫非粤语真系逐渐失传紧?

QQ图片20170920114102.png


视频截图来源雷猴嘢

但事实上,我哋太乐观。唔少耳熟能详嘅粤语,已经失传咗嘞。

生保

@孙生:读小学嗰阵,每日返学阿妈都会提醒我「唔好“声”啲痛生保人啊,咪先拐咗你啊!」我一直都觉得好啰嗦。到我个女读小学,阿妈都系咁啰嗦提醒个孙,唔同嘅系,我个女反问「奶奶,什么是“伤宝”人啊?」

✎生保:陌生。生保人,陌生人。
✎声:搭理、理会。


的骰

@孙生:老窦生日,我个女想整个蛋糕畀阿爷,仲照阿爷个样整咗个公仔,老窦睇到之后笑到见牙唔见眼,「你个百厌星,整到爷爷个头咁的骰嘅!」个女望住我,面懵懵,「爷爷说,你把他的头弄得太小了。」

✎的骰:形容物品娇小。
✎百厌:顽皮。


沙煲罂罉

@孙太:个女寻晚将衣柜全部衫都攞晒出嚟,抄到乱晒,家公见到头都晕埋,「你个百厌星,沙煲罂罉都抄晒出嚟做咩!」个女话,「都是衣服,没有“沙包”啊。」

✎沙煲罂罉:锅碗瓢盆,瓶瓶罐罐。对炊具的统称。文中语境意为:全部东西。


少块膶

@孙生:个女喺屋企睇《小黄人》,笑到停唔到口。老窦见到个孙女笑得咁开心,都开心埋一份,「睇公仔都咁好笑口,你少块膶啊?」个女应该听唔明,埋头继续睇《小黄人》。

✎少块膶:指一个人的行为怪异、疯癫。



担屎唔偷食

@孙太:我哋都会教个孙讲广州话嘅,不过个女就冇耐性咯,有一次家公教佢“担屎唔偷屎”,两爷孙仲吵起身,家公话,「担屎唔偷食就系老实!」个女驳佢,「屎又不能吃。」

✎担屎唔偷食:老实。



偷鸡

@孙生:有次个女做完作业睇电视,我老窦话佢「又偷鸡」!真系笑死,个女听得明个“偷”字,又听唔明“鸡”字,两爷孙又吵起身,「我没有偷东西」!

✎偷鸡:偷懒。



收科

@孙伯:我都几廿岁了,仲点学普通话啊。同个孙女倾偈即系鸡同鸭讲,个仔同新抱唔喺度,都唔知倾到几多句。教佢讲广州话又冇心机学,你话点「收科」。

✎收科:结束。收唔到科,指安排出错,不能完好结束。


原本以为呢啲只系极端情况,但当我哋盲目乐观嘅时候,呢啲「极端情况」已经变成「常态」。当我哋以为小朋友大个会「感兴趣」嘅时候,佢哋已经开始「抗拒」。

幸运嘅系,依家仲未到「无能为力」嘅时候。
幸运嘅系,我哋仲可以为粤语做返啲嘢!

例如,你有乜听过而我哋又未收录到嘅,留言讲过我哋听吖
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部