互联网+粤文化
羊记杂货铺:为你发掘众多有故事的本土文创……
发新帖
详细内容

每个人屋企楼下都有一间「解忧杂货铺」

阿爆 发表于 2017-8-28 |0条回复 |7067次浏览

更多
早前,羊城网发表过仪器《一个80后的士多回忆录》,投稿嘅自己友(不肯透露姓名的29岁单身男青年)道出屋企楼下士多店20年来嘅兴衰,亦道出“街坊情”喺时代变迁之中有几脆弱。

image001.jpg

同士多店一样,遭受到便利店同超市巨大冲击嘅,仲有杂货铺。

好多人以为,杂货铺同士多一样,都系卖日常生活用品。但实质士多系杂货铺嘅其中一个分支。简单嚟讲,士多有嘅,杂货铺有;士多冇嘅,去杂货铺就搵得到!而且最早嘅杂货铺可以追溯到乾隆时期...

image002.jpg

讲起杂货铺,好多广州人都有深刻印象。尤其系超市未普及嘅十几年前,我哋嘅生活可以冇士多,但系唔可以冇咗杂货铺......

1.

每次去到杂货铺,问亲老板:有冇XXX啊?

老板都肯定会话:我呢度乜都有!

后来我真系做过实验。夏桑菊,有!老鼠药,有!火机火水,有!打烂咗个瓦煲盖,有!就连肥料都有!呢件事令我疑惑咗好耐,究竟有乜嘢系杂货铺冇嘅呢...

直到几年前大仔满月,杂货铺老板封咗封利是。

我话(开玩笑):封咩利是啊,去你铺头整罐奶粉好过喇!

老板话:我唔卖奶粉嘎!烂鬼铺头里面啲嘢点可以畀佢哋用啊,细路哥一定要用最好嘅,奶粉呢啲梗系要去大商场买啦!

呢间杂货铺唯一冇嘅,就系婴儿用品,但系我眼中,佢卖多咗一样嘢,良心。
......
——劳先生

2

每日落班都要赶住去凑个仔放学,赶住返屋企煮饭,买餸都要赶时间!

好在街口间杂货铺有菜卖,唔使行十几分钟去市场。老板两公婆都好好人,我成日冇带钱都可以畀我賖数。有时加班迟收工,阿姨仲去学校帮我凑个仔放学!

冇佢哋我都唔知点算。
......
——单亲妈妈琴姐
(图片来源于网络)

image003.jpg

3

依家啲人,个个都讲紧咩“粤菜没落”、咩“广式小食绝种”......呢啲人全部都喺读讲废话!

就问一句话,你有几多年冇食过“钵仔糕”、“肥仔米”?呢啲都系传统嘅广式小食,知唔知边度可以食?茶楼?超市?好难讲咯。

(图片来源于网络)

image004.jpg

去搵间杂货铺,凡系铺头门口摆住几个玻璃罐,就肯定有呢啲小食!

成日都话粤菜没落,不如帮衬下啲传统杂货铺啦!
......
——叶先生

4

超市同杂货铺比,我觉得杂货铺方便好多。

我几廿岁人,去超市行到眼花都未曾搵到啲嘢摆边度。喺楼下杂货铺,同老板讲声,都唔使我搵,佢就攞出嚟畀我了,郁都唔使郁。

仲有啊,超市嘅针线真系冇咁好用!眼针个窿鬼咁细,边够眼穿线啊!楼下杂货铺啲针线好好用啊,穿线好易嘎!
......
——梁姨
(图片来源于网络)

image005.jpg


以上四位主人公,其实都系街坊,佢哋口中嘅杂货铺,亦都系同一间。对于四位嘅感慨,杂货铺老板都有回应:
To 劳先生:唔卖婴儿用品,唔系我哋有良心,有钱边个唔想搵。但系我哋间铺仔,做嘅都系街坊生意。可靠嘅婴儿用品,肯定唔平,差嗰啲又唔敢攞去卖,咁咪索性唔卖咯!


To 琴姐:大家街坊街里,我哋又未抱孙,同你个仔玩下仲开心!你帮我时我帮你,第日可能要搵返你帮手啊!


To 叶先生:呢啲“口立湿”我老窦嗰时就开始摆,摆咗几廿年,冇理由断嘅。不过啲咸干咸脆(花生)、猫耳仔、鱼皮(花生)真系越嚟越少人买了,我哋虽然仲卖紧,但系都冇几何入货。


To 梁姨:依家仲便有人会自己补衫啊,系得返你嚟买针线啦!伯爷教落,客人话边只牌子好,要搵本簿记低。你放心啦,我哋实有针线畀你!

杂货铺同士多一样,执一间少一间。就好似文中嘅杂货铺,虽然做一个几毫生意仔,搵唔到大钱,但系呢间杂货铺同广州好多传统杂货铺一样,都承载咗一代人嘅心血同历史

鸣谢:劳先生、叶先生、琴姐、梁姨、陈伯

今日,我系 东野圭爆

QQ图片20170828161534.png

关注羊城网

更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部