互联网+粤文化
羊记杂货铺:为你发掘众多有故事的本土文创……
发新帖
详细内容

仲想逃离北上广,行得出体育西先讲啦!

小沅子 发表于 2017-8-25 |1条回复 |7115次浏览

更多
路痴嘅人生系一个悲剧,当路痴遇上广州呢座城市,咁就系悲剧之中嘅悲剧。

喺广州生活咁多年,我时常会有来自灵魂嘅三大拷问——

QQ图片20170825123432.png

冇办法,广州实在存在太多迷宫,个个都系路痴克星,分分钟教你做人!

image001.jpg

啲迷宫面积大,结构复杂都算啦,出口仲鬼死咁多,一唔小心我就迷失自我,叫天天不应叫地地不灵!

image002.jpg

今日就嚟盘点下广州著名迷宫,睇下有边个系你中过招?

初级迷宫

首先,迎面向我哋走嚟嘅系以大学城、动漫星城、广州东站、宜家商场为代表嘅初级迷宫。

image003.jpg

初级迷宫虽然结构有些许复杂,但起码路标清晰,指向明确,自己兜兜转转仲可以搵到目的地。

好似大学城咁,虽然面积非常大,坐拥十几间高校,但只要你住一个学期基本上已经可以掌握大学城嘅结构,各个高校大概位置,而且最重要系人哋有公交系统!!!


路痴心声

image004.jpg

条条大路通罗马,公园前个个出口都通动漫星城!每次用唔同出口去动漫星城,感觉好似去咗一个全新嘅地方,一次全新嘅体验!

image005.jpg

如果想漫无目的行街,宜家的确系首选,但如果你就系有目的嘅购物,咁你就扑街啦!

一个路痴望住宜家个地图基本上系绝望,你同你嘅目标购物区起码差咗十八个山头,几千个人,宜家营销真系万恶!

中级迷宫

image006.jpg

比起初级迷宫,中级迷宫最大特点系内部结构复杂度升级,你需要专注力先可以辨别前进方向,一唔小心就行错路!

不过中级迷宫一般覆盖范围不大,且有标志性物体或指引可以指明方向,唔会迷失好耐,比如广州南站。

路痴心声

image007.jpg

每次去动物园都要专心致志,唔好行错,因为你永远唔知自己会行去滘口定文冲方向!

而且动物园地铁出口标识太唔明显,要兜几个圈先可以确定自己搵嘅出口!

高级迷宫

image008.jpg

高级迷宫,就系一个道路交错复杂,迂回曲折嘅定向越野场所,入边有种神奇嘅魔力,令你永远去唔到目的地。

你必须要同时依靠地图软件同问路,先可以勉强搵到目的地,高级迷宫代表者包括:华南农业大学、珠江新城、高德置地、花城汇南北区等。

一个路痴行高级迷宫,佢会咁问自己——

image009.jpg
十分钟之后,佢又会咁问自己——

image010.jpg

路痴心声

image011.jpg

珠江新城有成十几条路叫华×路,每次打的话去珠江新城某条路,司机总会下意识讲句:“屌!又边条路啊!”

image012.jpg

花城汇,又名珠江新城最成功嘅迷宫!每穿越一次花城汇,我感觉自己好似完成咗一次地球航行!

我有个朋友喺珠江新城返工三年,每次行花城汇都会荡失!


究极迷宫

终于讲到广州嘅究极迷宫,每一个都系路痴嘅终极梦魇!

因为究极迷宫唔系考验你嘅认路导航能力,而且直接睇你嘅密室逃脱能力同直觉,反正所有地图软件都救唔到你,自求多福啦!

代表地点:各大城中村、所有地下停车场、正佳广场、体育西路地铁站、华南植物园、时尚天河、老西关各种大路小巷。

image013.jpg

每次去体育西路转3号线,我都会同个天赌自己搵唔搵到正确嘅电梯,结果,我每次都输……

image014.jpg

时尚天河,又名广州最大嘅地下迷宫城,处处暗流涌动,危机四伏,直到依家我都冇办法顺利从时尚天河行去正佳!

image015.jpg

十个行正佳嘅人,有十一嘅都试过荡失路!如果正佳开发对顾客收费嘅密室逃脱项目,绝对可以带动广州GDP增长!

最后送啲荡失专用金句畀各位路痴,
想要无水印版或搵人吹水,
就快啲扫一扫!

QQ图片20170825120338.png

image016.jpg
image017.jpg
image018.jpg
image019.jpg
image020.jpg

各位自己友,
广州最成功嘅迷宫系边个?
你试过喺边度荡失路?


本文看点由羊城网原创
特此声明

更多
羊记杂货铺
沙发
牛得草 发表于 2017-8-25 19:04:24 ( 加好友 |打招呼 |发消息 )
路盲之困扰
回复

使用道具 举报

发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部