互联网+粤文化
羊记杂货铺:为你发掘众多有故事的本土文创……
发新帖
详细内容

广东人第一执着必须系烧腊,福建人最多排第二

阿咩 发表于 2017-8-25 |1条回复 |1294次浏览

更多
人人都话广东人以食为天,但有一样嘢喺粤菜界占半壁江山,地位不可撼动,喺广东生活嘅你,基本隔几日就会食一次,呢样就系粤菜肉食霸主——

烧腊

image001.jpg



广式烧腊源于北方嘅烧烤煮食,后来又融合西方嘅灌肠食品、腌制方法,多年嘅传承发扬之后,脱离原主,独树一帜,成为独有粤式之味嘅烧腊。

广州大大小小嘅菜市场,肯定有一两间烧腊铺,而喺学校、公司等饭堂,基本上有一半嘅菜式都会同烧腊有关,而各种宴会嘅头盘一定、必然、绝对系各种烧腊拼盘。

QQ图片20170825115840.png


双拼饭、腊味饭、煲仔饭、腊肠炒荷兰豆、贡菜焖烧肉、腊肠萝卜糕……喺广东,关于烧腊嘅菜式同烹调手法数不胜数,有时候觉得广东人有一半脑细胞都用嚟思考如何烹调烧腊。

image003.jpg

image004.jpg


就连《食神》之中,史蒂芬·周最后击败唐牛嘅佛跳墙,令薛家燕感动到喊嘅菜式,都系一碗平凡嘅叉烧饭加蛋。

image005.gif


电影会有夸张成分,但不可否认,广东人对本土烧腊的确情有独钟、难以自拔。


“今晚斩料!”

喺上世纪肉类价格昂贵,并非所有人都食得起烧腊,一般草根家庭只有逢年过节、宴会请客、家有喜事等特殊情况先可以斩料。

逢年过节,好多烧腊铺门口一大早就排晒长龙,个个等住斩料返屋企过节。

image006.jpg


我表叔就曾经讲过,以前只有考试一百分,佢老窦先会大方攞张十蚊出嚟,叫佢去烧味铺斩十蚊叉烧加餸,每次斩料佢必然食两三碗饭。

image007.jpg


由于以前烧腊实在太矜贵,所以衍生出一句广东阿妈都会讲过嘅说话——“生嚿叉烧好过生你”,原意为生嚿叉烧都可以食落肚,生个不孝子就只会顶心顶肺。

用叉烧突显自己仔女嘅无用,可见当时以叉烧为代表嘅烧腊地位有几高。

image008.jpg


更搞笑嘅系,2007年有个流行嘅网络词叫“叉烧族”,指依赖父母但唔孝顺父母,成日无所事事,对社会没有贡献嘅青少年。

image009.jpg



烧腊=烧+腊?

依家,大家都习惯叫“烧腊”,但其实“烧腊”其实系“烧味”、“腊味”嘅合称,只不过大家叫惯咗就冇特别区分。

一间烧腊铺,除咗卖烧味腊味,可能仲会卖卤味、白切及盐焗肉类,选择之多令人眼花缭乱,每次都斩料都想多食几样。

image010.jpg


而烧、腊、卤三味有咩区别?

image011.jpg


▲烧味系烧烤食品,先用酱汁腌制再放入炉烤,以前会用炭火,依家基本上转用电炉。烧味外表通常香脆油亮,肉质鲜嫩可口,烧味最重视火候掌握。

image012.jpg


▲腊味系将肉类以盐或酱腌渍后再风干,粤式腊味口味偏淡,不宜单独食用,配饭绝对一流,每年秋冬都系食腊味饭嘅好时节。

QQ图片20170825120238.png


▲卤味则是由初步加工或焯水处理后嘅原料放入卤汁中煮制而成,既可冷食,也可热食。上图为红卤水,亦叫酱油卤水,主要系潮汕卤水,汤色金黄,稍咸。

image013.jpg


▲广东另一种常见卤水——白卤水,流行于香港地区,唔加豉油,主要靠盐渍、酒卤制,汤色金白。


执着烧腊嘅广东人

好多人都觉得粤菜清淡,大部分广东人都唔中意食口味重嘅嘢,但点解广东人反而对光滑油亮、肥中带点腻嘅烧腊情有独钟?

image014.jpg


其中原因有好多,或者系因为烧腊方便快捷、即买即食,或者系烧腊种类繁多,食极都唔厌,又或者有我哋童年独有嘅斩料情结。

你最中意食咩烧腊?
边间店整得最好食?
睇完呢篇文章,系咪有啲饿,
仲唔叫个烧腊饭打包!

image015.gif


别问我是谁,
我只系广东千万叉烧族之一。

↓扫一扫↓加我,或者你会有惊喜!

QQ图片20170825120338.png


素材出自维基百科等
羊城网负责整理编辑
image002.gif
更多
原创粤文化科普视频,睇完幽默与干货齐飞!
四季虫 发表于 2017-8-25 11:45:56 ( 加好友 |打招呼 |发消息 )
至爱烧腊~

回复

使用道具 举报

发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部