互联网+粤文化
羊记杂货铺:为你发掘众多有故事的本土文创……
发新帖
详细内容

每个榕树头底,都开紧“人大”

阿爆 发表于 2017-8-14 |1条回复 |2001次浏览

更多
侄仔(8岁)问我,点解爷爷咁钟意去榕树头嘅?

我窒住咗...系喔,老窦做咩成日都去榕树头嘅?成日群埋班“老坑”做乜啊?大热天时喺屋企凉下冷气瞓个晏觉咪仲好!

image001.jpg


图片来源于网络

反正我对榕树头,只系得唔开心嘅回忆......


珍贵的早餐...钱

返学嗰阵,日日都会经过榕树头底个肠粉档,阿妈一日畀两蚊我食早餐,但我会留起早餐钱去买零食。

肠粉档老板娘好抵死,试过几次搵我阿妈督背脊,话我唔食早餐去食蜡杂嘢。后来,阿妈冇再畀早餐钱我,但系肠粉档老板娘每日都会畀个肉肠我。

旧时榕树头是流动摊档的热门聚集地带,小食档、杂货档,甚至算命师傅都会在榕树头“搵食”。

image002.jpg

图片来源于网络


阿嫲,开饭啦

每日下昼,榕树头都堆满“雀友”,阿嫲就系其中之一,日日都去榕树头同班街坊打麻雀,虽然只系打“几毫子”牌仔,不过睇到佢哋打到连饭都唔舍得食,真系好黑人憎!

阿爷晚晚煮好饭,都要去榕树头“捉”阿嫲返屋企。阿爷句口头禅我仲记得:好心你咪咁烂赌啦,教坏啲孙啊!

以前的人,收工后最爱在榕树头围坐,聊聊家常、讲讲八卦、讨论育儿教仔心得、甚至比较买菜价钱...直到如今,仍然是老街坊的一种习惯。

image003.jpg

图片来源于网络


又开“人大”

好顶唔顺班“大只讲”街坊,日日喺榕树头讨论“国家大事”。咩布殊攻打伊拉克...咩小泉又去拜神社...一个个讲到自己真系国家领导人咁!

我老窦都系其中一份子...所以老窦每次出门口,我都会润佢一句:又去开‘人大’啊!

榕树头,是街坊议事的地方。每逢村子、街道中有决策事务,街坊邻里都会约在榕树下商谈。另外,有矛盾、有纠纷、有不和的话,街坊也会在榕树头解决。

image004.jpg

图片来源于网络


一树一土地

每年谢灶,阿嫲都会带我同阿哥去榕树头拜“契爷”(榕树)。

我问阿嫲:点解要拜棵烂鬼榕树啊?

阿嫲话:“一树一土地,一土就一财神”,你啲后生识咩啊!

阿嫲仲话,拜过“契爷”(榕树)会健康长寿!但我同阿哥都唔信,依然叫呢棵榕树做“烂鬼树”!

清朝《广东新语》记载:“榕易高大,广人多植作风水,墟落间榕树多者,地必兴。”广东旧时有些老人认为榕树是一方神灵,逢初一十五都会祭拜。旧风俗里面,与榕树“上契”就是得到神灵庇佑,顺风顺水。

image005.jpg

图片来源于网络


话斩就斩?

早两年,街道办通知,由于环境卫生同安全问题,会将街道几棵老榕树移除,会改种树苗......

通知一落嚟,街坊都好火:啲老榕树冇一百都有几十年,仲老过我哋!话斩就斩?

image006.jpg


榕树始终都系斩咗,一班街坊嘅愤怒都无处可发,种返落去嘅树苗,10年树龄,遮唔到阳光、招唔到风,社区公园人气都越嚟越低...

肠粉档,冇再开过;阿嫲冇再打过麻雀;阿爸冇再开过人大;街坊见面越嚟越少;榕树头畀人铲咗,街坊之间嘅“情”亦都慢慢枯萎...

有故事的你,我随时恭候!
羊城网 阿爆


QQ图片20170814155654.png
关注羊城网

更多
原创粤文化科普视频,睇完幽默与干货齐飞!
丁怡 发表于 2017-8-17 11:24:39 ( 加好友 |打招呼 |发消息 )
写得好有情怀!
回复

使用道具 举报

发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部