互联网+粤文化
羊记杂货铺:为你发掘众多有故事的本土文创……
发新帖
详细内容

最成功嘅“整容”,就系呢啲改编嘅粤语歌!

阿咩 发表于 2017-7-24 |2条回复 |7683次浏览

更多
“改编”,呢个词喺音乐界实在系见怪不怪。

之前就有人统计过,70-90年代经典嘅粤语歌好多都系改编自他人作品,当中包括国语歌、英文歌、日语歌等。(当然,其他乐坛一样都会改编粤语歌)

QQ图片20170724162737.png

▲《千千阙歌》原版系日本歌星近藤真彦嘅《夕焼けの歌》(《夕阳之歌》)

各地乐坛“借嚟借去”嘅过程中,产生咗好多脍炙人口嘅经典金曲。讲到底,借鉴、改编都唔系重点,最紧要系改得有新意,够好听。

盘点下我心目中得意又有创意嘅粤语改编歌,入边又有冇你嘅心水?


最跨界鬼马嘅改编
《落街无钱买面包》
×
《帝女花》

1968年,有东方猫王之称嘅郑君绵将粤剧名曲《帝女花》改编成《落街冇钱买面包》,瞬间将一个缠绵悲情嘅爱情故事,变成贫苦大众嘅唏嘘日常。

QQ图片20170724162817.png


此曲将贫苦大众生活刻画得搞笑又讽刺,用谐趣嘅语调劝年轻人脚踏实地做人,并且歌词都系棳核又抵死嘅粤语,好容易就朗朗上口。

QQ图片20170724162829.png


粤剧变成棳核粤语歌,呢次跨界改编成为一时经典金曲,受人传唱,令到好多人听到《帝女花》嘅前奏,开口第一句都系“落街冇钱买面包……”


各有千秋嘅改编
《打雀英雄传》
×
《谁是大英雄》

如果原曲本身已经非常经典,咁改编出嚟嘅歌词,除咗延续原有嘅主题,同时会增加鲜活嘅创意,最经典嘅莫过于改编自《谁是大英雄》嘅《打雀英雄传》。

QQ图片20170724162837.png

▲《打雀英雄传》视频截图

原曲《谁是大英雄》系1976年香港佳视电视剧《射雕英雄传》嘅主题曲,由鬼才黄霑作词、作曲、编曲。

QQ图片20170724162845.png

▲此版男女主角分别为米雪、白彪


黎彼得与许冠杰重新填词,歌名就从原书名得到灵感,改为《打雀英雄传》。

两首歌旋律节奏一样,歌词却截然不同,前者遵从原著,刻画各种武林英豪,后者独立创新,以麻雀枱喻武林,描绘麻雀友嘅众生相。

QQ图片20170724162852.png


两者各有千秋,不相伯仲,后来都有好多影视作品继续引用两首歌。

QQ图片20170724162900.png

▲《东成西就》将《谁是大英雄》作为主题曲,并由张学友演唱粤语、普通话两个版本

QQ图片20170724162907.png

▲2006年喜剧电影《打雀英雄传》


麻雀变凤凰嘅改编
《一生何求》
×
《惦记这一些》

《一生何求》大家都知道,港剧《义不容情》嘅主题曲,同时系陈百强嘅经典作品之一。

但佢嘅原版《惦记这一些》就冇几多人记得,原版由王杰所演唱,收录于1987年专辑《一场游戏一场梦》。

QQ图片20170724162915.png


后来,陈百强喺搭的士嘅时候,无意中听见呢首歌被深深吸引,萌生咗演唱该曲粤语版嘅想法。

最后由香港著名填词人潘伟源重新填词,推翻咗原曲嘅爱情主题,变成人生匆匆嘅无奈慨叹,重新加入好多富含哲理嘅歌词。

QQ图片20170724162922.png


加上当时《义不容情》嘅热播,使《一生何求》一炮而红,从一首默默无闻嘅副歌,一跃到大热金曲,真系好似麻雀飞上枝头变凤凰。


面目全非嘅“改编”
《鱼蛋歌》
×
《相逢何必曾相识》


细个嘅时候,街边食鱼蛋,偶尔会听到有人哼唱twins嘅《鱼蛋歌》,直到今日我先知道,原来《鱼蛋歌》系《相逢何必曾相识》嘅翻新版。

QQ图片20170724162932.png


严格嚟讲,《鱼蛋歌》唔可以算系改编,佢系一次崭新嘅“戏仿”。

初听,你会觉得两首歌截然不同,简直大揽都扯唔埋。

当你对比两首歌,你会发现《鱼蛋歌》嘅40秒前奏,就系《相逢何必曾相识》,中间高潮亦有啲相似嘅部分。

QQ图片20170724162940.png


两者主题都非常相似,都系描述一对男女之间可心念不可明说嘅情愫。

《相逢何必曾相识》嘅男女歌词,分别描写咗男女方嘅心声,二人爱怨交织,想相爱却踌躇。

QQ图片20170724163230.png

QQ图片20170724162949.png


而《鱼蛋歌》同样如此,好几处嘅歌词系写男女内心想法,阿sa代表嘅女方就系深情,而苦荣代表嘅男方就时而正经认真,时而搞笑讥讽。

QQ图片20170724163320.png

QQ图片20170724162958.png


或者系由于时代问题,《鱼蛋歌》比起《相逢何必曾相识》多几分幽默讽刺,有啲歌词落差大到令人哭笑不得。

比起前边嘅改编粤语歌,《鱼蛋歌》更加似系21世纪嘅《相逢何必曾相识》续集版。


事实证明,只要改编者有实力,就算系旧樽,都可以装到新酒靓酒,创造咗令人耳目一新嘅好作品。

QQ图片20170724163007.gif


好听嘅改编粤语歌仲有好多,
以上仅列举部分代表作。
你知道咩好听嘅改编粤语歌?
有咩粤语歌被人改编成经典作品?

想一齐讨论粤语歌?
快啲↓扫一扫↓

QQ图片20170724163015.png


素材出自够POP等
羊城网负责整理编辑
更多
羊记杂货铺
漫画吧 发表于 2017-7-24 16:28:55 ( 加好友 |打招呼 |发消息 )
改编只要改得好,会赋予作品全新嘅感觉
回复

使用道具 举报

可乐鸡翅 发表于 2017-7-24 16:32:22 ( 加好友 |打招呼 |发消息 )
香港80年代黄金时期改编大量日本歌
回复

使用道具 举报

发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部