互联网+粤文化
羊记杂货铺:为你发掘众多有故事的本土文创……
发新帖
详细内容

你未饮过玻璃樽汽水?咁我哋好难继续吹水!

小沅子 发表于 2017-7-3 |3条回复 |13593次浏览

更多
本帖最后由 云边雁 于 2017-7-3 15:12 编辑

炎炎夏日,去街边士多买支玻璃樽汽水,“卜”一声打开个樽盖,趁啲汽水泡仲喺度,直接用吸管索一啖,清凉嘅汽水直涌喉咙。

一阵之后,“隔”一声,肠胃之中嘅胀气喷晒出嚟,呢种感觉——

image001.jpg


有冇人同我一样畀一个问题困惑咗好多年,点解玻璃樽嘅汽水比罐装、胶樽要好饮咁咁咁咁咁咁多?

image002.jpg


迄今为止,仲未有官方解释,不过民间就有好多种讲法。

点解玻璃樽汽水更好饮?

1.由于某种化学反应,二氧化碳更容易从塑料、金属等材质穿透漏出,而玻璃性质最为稳定,既唔会漏气,又唔会破坏汽水味道。

QQ图片20170703150407.png


2.金属制嘅玻璃樽盖存气效能更佳。

3.汽水工厂流水操作时,玻璃樽被密封得最快,所以玻璃樽保存嘅汽水味道最好。

4.玻璃樽装保持冰冻嘅效果比金属罐和胶樽好,更贴近汽水最佳饮用温度,故味道更佳。

QQ图片20170703151221.png


5.玻璃樽装储存不便,流通速度比其他包装更快,可以保持汽水嘅“新鲜”。

6.玻璃樽装嘅汽水够一个人饮用,而金属罐、胶樽嘅汽水太多,一个人好难一次性饮晒,越饮到后边越唔好饮。


除咗以上嘅原因,我觉得仲有一种“非科学解释”,就系我哋对玻璃樽有一种情意结,令我们“食古不化”咁觉得玻璃樽汽水先系最正。

小时候,你对玻璃樽嘅回忆系咩?


汽水柜

细个嘅时候,一个大汽水柜系每间士多嘅标配。

image004.jpg


高矮肥瘦、五颜六色嘅玻璃樽全部浸喺冰水之中,客人一落单,老细就即刻抽支玻璃樽出嚟,即开即饮。

有啲老式汽水柜侧面会连埋开瓶器,伸入去,一撬就可以开到玻璃樽。

image005.jpg


有时候,如果嚟买汽水嘅客人好多,士多老板就会索性唔关汽水柜嘅柜门,细个嘅我有时候贪玩贪凉爽,就会将只手浸入冰水。

image006.jpg

▲虽然我知道好污糟,但真系好清凉,好舒服,我就唔信你哋冇试过咁做!


汽水盖

image007.jpg


有人当汽水盖系“草”,而好多细路仔都会当佢系“宝”!

当年如果汽水公司搞活动,就会有一班细路仔约埋去士多买玻璃樽,然后一齐开盖,一齐揭晓。

image008.jpg


当然啦,结果肯定系有人欢喜有人愁,中奖嘅永远都系少数人(次次都唔系我……)。

QQ图片20170703151447.png


而有人储汽水盖,纯粹为咗兴趣,唔储齐一个系列都唔罢休。其实我当年都储过十几个,不过最后都系畀阿妈当垃圾掉咗……

image009.jpg

image010.jpg



退樽

喺街头饮过汽水嘅人都会记得,士多老世竟然讲嘅一句话:

“饮完个玻璃樽唔可以攞走!”

image011.jpg


玻璃樽通常要交返畀工厂循环利用,所以客人饮完汽水留低玻璃樽,士多老细自然就会过嚟回收。

但好多人第一次饮都唔知,可能会攞住玻璃樽就走,有手尾啲就会掉个玻璃樽去垃圾桶。

QQ图片20170703151618.png


由于有咗“退樽”呢个环节,好多客人就要当场饮完支玻璃樽,一无聊,就会开始同老世吹水,谈天说地,闲话家常,好多人就系咁同楼下士多老世越嚟越熟。

人同人之间嘅距离,就系咁通过一支玻璃樽慢慢拉近。

image013.jpg


淘汰?

后来,罐装、胶装饮料出现,玻璃樽自身存在卫生、成本等问题,一度风靡老少嘅玻璃樽慢慢消失于街头,老式嘅汽水柜同样买少见少。

image014.jpg


有人话,玻璃樽已经被时代所淘汰,我又觉得未必,因为依然有好多人中意饮玻璃樽饮料。

直到依家,每次出去见到有玻璃樽饮料卖,都会不自觉饮返支先走。如果我出去食饭见到间店提供玻璃樽饮料,我会对呢间餐厅产生莫名嘅好感。

image015.jpg


最后一齐嚟做个选择题:

问:点解有人咁中意玻璃樽?

A.玻璃樽饮起身够爽够清凉
B.玻璃樽一蚊几毫一支,够晒平
C.中意见到支吸管浮嚟浮去
D.怀念以前同士多老细吹水嘅时光
E.讲出你嘅答案

image016.jpg


(为咗证明我写呢篇嘢真系冇收广告费,本文已将部分图片嘅突出商标作涂鸦处理~)

素材出自明报、香港文化博物馆等
羊城网负责整理编辑
更多
原创粤文化科普视频,睇完幽默与干货齐飞!
广州山大王 发表于 2017-7-3 15:14:46 ( 加好友 |打招呼 |发消息 )
细个冇同士多老细吹水,因为都系用胶袋装走嘅,我比较豪啲,每次装两支
回复

使用道具 举报

五岳倒为轻 发表于 2017-7-3 15:15:32 ( 加好友 |打招呼 |发消息 )
平时唔系咁钟意饮汽水,但系每次坐喺比较传统嘅老店都会叫返支樽装,因为有feel
回复

使用道具 举报

可乐鸡翅 发表于 2017-7-3 15:15:57 ( 加好友 |打招呼 |发消息 )
汽水同维他奶,始终都系玻璃樽好饮!
回复

使用道具 举报

发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部