互联网+粤文化
羊记杂货铺:为你发掘众多有故事的本土文创……
发新帖
详细内容

严重警告,呢啲食物已经辣㷫90%嘅广东人

小沅子 发表于 2017-6-26 |3条回复 |9608次浏览

更多
成日出去食饭或者叫外卖嘅人(比如我呢种死宅),唔知你有冇试过中伏?食到平生最难食嘅食物?

image001.gif


(中伏:误踩陷阱/遭人作弄)

讲真,食物同图片完全图文不符我都算啦,收得贵啲我都可以理解,毕竟物价腾飞。

最辣㷫我嘅系佢哋对食物嘅唔尊重,竟然煮出以下呢啲嘢嚟“侮辱”我最中意嘅菜式。

image002.jpg



全熟嘅窝蛋
辣㷫指数:★★★★★★


image003.jpg


what?!你同我讲上边阿只系窝蛋?

我想食窝蛋,系因为我中意蛋液同食物捞埋一齐食嘅口感,鲜甜爽滑,难以抗拒。

有啲商家为咗悭功夫,会提前煮好啲蛋(可能仲要系全熟),直接放上菜面,唔知系侮辱紧我,定侮辱紧只蛋?

「窝蛋」的正确打开方式:在汤汁较多的食物制作过程中将整个鸡蛋直接放入锅中,即不打散鸡蛋液,蛋清和蛋黄完整清晰,煮到蛋液稍微凝固。



唔带血嘅白切鸡
辣㷫指数:★★★★

image005.jpg


粤菜中有好多鸡料理,但最负盛名,最具岭南特色嘅无疑系白切鸡。

白切鸡基本唔需要太多调味,完全利用鸡嘅原汁原味,但咁简单嘅菜需要厨师嘅耐心同功夫。

依家去酒楼,好多白切鸡并唔正宗(或者系因为惊禽流感),浸泡时间过长,鸡肉过熟而起渣,咩鲜甜味都冇,一碟唔带血嘅白切鸡点可以算系白切鸡。

「白切鸡」的正确打开方式:处理完整鸡之后,用“虾眼水”浸没鸡身,每五分钟拿出鸡身,倒出里面的水,如此反复多次。

image006.jpg


白切鸡最理想的状态是,鸡肉刚刚熟,而鸡骨的骨髓还带有血色。

image007.jpg




放劲多辣椒嘅炒牛河
辣㷫指数:★★★★★★★★★★

image008.jpg


干炒牛河,被认为系考验广东厨师炒菜技艺嘅经典菜式,但当我食过加辣椒嘅干炒牛河,我觉得干炒牛河都好考验食客嘅接受能力……

image009.jpg

image010.jpg


依家越嚟越多北方菜系进驻广州,有唔少食客口味转变,中意食咩都加一堆辣椒。

冇错,广东有啲地方炒牛河会加少许辣椒酱,的确会唔错,但如果为咗食辣而加劲多辣椒或辣椒酱,咁就真系暴殄天物。

image011.jpg


一食落去,只有辣味,冇牛肉味,冇酱料味,咁我何必要点炒牛河,直接去食水煮牛肉啦!
被辣椒攻陷嘅粤菜,又点止干炒牛河→“唔使加辣了,唔该!”

「干炒牛河」的正确打开方式:将芽菜、河粉、韭黄、葱段、事先走油至熟嘅牛肉等轮流放入烧红嘅铁镬爆炒,再加入适量的盐、生抽、老抽调味,炒匀即可。

image012.jpg





冇味嘅猪脚姜
辣㷫指数:★★★★

image013.jpg


“猪脚姜”,又叫“添丁甜醋”,由于营养丰富而成为广东产妇坐月必食嘅传统滋补食物,亦有唔少人将其当为小食甜品。

而有样嘢好神奇,有啲猪脚姜嘅猪脚同蛋,明明颜色ok,外形十足十,但就系一啲味都冇!

食起身令我怀疑人生,唔通系我打开嘅方式唔啱……

image014.jpg


「猪脚姜」的正确打开方式:先煮好姜醋汁,再和处理好的鸡蛋、猪脚、姜片等一起放入瓦煲熬煮,自然晾凉后,将瓦煲放在某一角落里,浸泡一段时间(可以系一个星期到一个月),要吃时再加热。

根据资料,各地猪脚姜做法都有所不同,具体要请教下你阿妈啦~

image015.jpg




伪装成云吞嘅抄手
辣㷫指数:★★★

image016.jpg


有好多人会分唔清馄饨、抄手、云吞呢三样嘢。

最早“出世”嘅系馄饨,好多类似嘅食物从馄饨演变而来,各自加入地方特色。其中,抄手系四川叫法,云吞系广东叫法。(更详细解释→点解广东叫云吞做云吞?)

广东云吞皮薄馅多,馅料通常离唔开虾仁、大地鱼等鲜味食材,云吞汤以会用大地鱼熬制,食起身异常鲜甜美味。

四川抄手嘅馅料就只有肉馅,但汤底酱料则花样更多,可以清汤可以红油,抄手唔够云吞弹牙,但更加香软顺滑。

image017.jpg

▲最出名嘅红油抄手

各位自己友,以后就唔好畀啲无良老细呃,将抄手当成云吞啦~!

「云吞」的正确打开方式:广东云吞的皮以鸡蛋及面粉制成,切成约8cm乘8cm的正方形。馅料则包括肥瘦猪肉、鲜虾仁、大地鱼碎等,调味混成。

image018.jpg


广东人包云吞一般讲求快速,不一定要逐步折合云吞皮,大小则以能一口吞下一颗为标准。

image019.gif


各位自己友,
边种食物做法最辣㷫你?
你认为点食先最正宗最好味?

图片素材来源于网络
本文看点由羊城网原创
image004.jpg
更多
原创粤文化科普视频,睇完幽默与干货齐飞!
四季虫 发表于 2017-6-26 17:39:16 ( 加好友 |打招呼 |发消息 )
窝蛋嗰个无法忍受,知唔知半熟蛋同全熟蛋系两个世界嘅嘢?
回复

使用道具 举报

冬茹头 发表于 2017-6-26 17:42:55 ( 加好友 |打招呼 |发消息 )
放劲多辣椒嘅炒牛河,顶唔顺!

炒牛河,食嘅时候加少少桂林辣椒酱足矣。

回复

使用道具 举报

狂乱的人 发表于 2017-6-26 17:43:58 ( 加好友 |打招呼 |发消息 )
现在出去点牛肉,真系好怕有辣椒,另外,好多传统粤菜,竟然也放辣椒,叫个支竹炒肉片的饭盒,打开见到有辣椒,立即无食欲了。
回复

使用道具 举报

发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部