互联网+粤文化
羊记杂货铺:为你发掘众多有故事的本土文创……
发新帖
详细内容

港产片够晒威,学粤语的确好使!

阿咩 发表于 2017-5-2 |1条回复 |1780次浏览

更多
寻日,一个外地嘅羊城网粉丝(粤语初学者)问我:“阿咩,我依家嘅广州话基本上可以同广州人交谈,但系有时广州人讲嘅俗语我就完全听唔明!点算好?”

相信都有唔少学紧粤语嘅人都会遇到呢个情况,因为有时广州人,都可能听唔明“火烧旗杆”系点解......

呢种情况,我就建议各位自己友,睇多几出80、90年代嘅港产片。港产片嘅黄金时代,亦都系粤语文化喺电影界被运用得最贴地嘅年代!

就好似以下呢啲:

《唐伯虎点秋香》

image001.jpg


原句为“风吹灰卵壳,财散人安乐”———出自《增广贤文》

相传,有一个又穷又孤寒嘅人,有一次出门搭船赶水路,三四日路程。为咗悭钱,只带咗一个咸蛋(灰卵)充饥。三日了,一只咸蛋都仲未食完,咁啱佢呢日坐喺船头食咸蛋嘅时候,点知一阵风,将咸蛋壳吹咗落水,佢觉得非常可惜,所以对住水中嘅蛋壳轻叹:“风吹灰卵壳,财去人安乐!”。

image002.jpg


而“风吹鸡蛋壳”嘅意思系:担心鸡蛋打碎,蛋白同蛋黄就全部都冇晒,只剩低鸡蛋壳。不过,只剩下鸡蛋壳嘅话,就算几大风,都唔会再失去啲乜!

所以“风吹鸡蛋壳,财去人安乐”更多系指呢个意思:财富同鸡蛋一样咁容易失去,如果唔将财富睇得太重,就唔会患得患失,人自然都会豁达开朗。

《秋天的童话》

image003.jpg


“加面”、“扣面”、“加底”、“扣底”都系茶餐厅用语。碟头饭,一只碟装满饭,饭面上再装餸,所以唔难理解:底-饭、面-餸。

image004.jpg



如果今日胃口唔太好,唔想食咁多饭,可以同伙计讲“扣底”;相反,如果今日冇食早餐特别饿,就可以同伙计讲“加面加底”!

image005.jpg



广东人凡事都钟意讲“意头”,尤其系烂赌之徒,最忌“书(输)”!所以含有“书”嘅词,赌徒都会用“胜”、“赢”代替。

image006.jpg


例如:

1、读书=读赢(一语双关,‘独赢’)

2、书架=赢架

3、书枱=赢枱

4、通书=通胜(即系黄历)

image007.jpg


好多人对“观音头扫把脚”都有误解,以为系形容一个人嘅容貌或者身材唔好。而系形容一个人穿着搭配奇怪,例如西装配拖鞋......都可以用嚟比喻:一件事开头精彩,但结局令人失望。

image008.jpg


都提醒大家,唔好话人生得“观音头,扫把脚”。

《算死草》
image009.jpg


1、标松柴:

粤语里面“标”字可解作“被掠夺”;松柴系就是饮食店、酒家极其重要嘅嘢,因为火力猛,生火快捷,亦常用来熏制红茶,“标松柴”就系指喺食店、茶楼、酒家做嘢嘅人,偷走公司嘅松柴等资源,据为己有,简单啲讲,即系“穿柜筒底”。

2、标虫柴:

柴里面有蛀木嘅虫,正如“标松柴”解释过嘅, “柴”系旧时饮食业嘅重要财产,而呢度嘅“虫”就系指穿柜筒底嘅人;亦有比喻职员懒惰、消极怠工。

image010.jpg


image011.jpg


麻雀术语,如果怀疑有人出老千,可以要求过牌,一般系“过三栋”,咁样一嚟,牌就会乱晒,老千想赢都难。

image012.jpg


只不过,如果只系“过一戙”嘅话,反而可能将好处畀咗其他人。所以“俾人过一戙”嘅意思系:想搵人笨,反被别人搵笨。(最常用嘅意思系:搵人笨。)

《古惑仔之人在江湖》

image013.jpg


形容一个人经济状态唔稳定,一时有钱,一时又穷。

三更:午夜十一点到一点。
五更:凌晨三点到五点。

image014.jpg


相隔几个钟,但系“三更穷,五更富”,所以最适合用嚟形容投机买卖者、赌徒、黑社会之类从事“高风险、高回报”嘅人。

image015.jpg


如果你想自己嘅广州话更上一层楼,

不防睇多几出香港电影。
更多
广东新生代搞笑生活记录,梗有一篇引爆你共鸣!
守根者 发表于 2017-5-2 18:54:49 ( 加好友 |打招呼 |发消息 )
本帖最后由 守根者 于 2017-5-2 18:57 编辑

以推广通用语达到人人能用之交流,从而消除语言隔阂为借口,以限制、扼杀汉语(方言)手段,以灭真汉语(各方言)为目的(从幼儿到高中阶段的母语竟然也被强行教学取消了,从而全程教学都无从学汉语了)的推通运动是不会 停止的,除非汉语灭绝至无法重生,连山旮旯里于山坡上放牛牧马的耄耋公公婆婆都只会用通语呼牛喝马了!我很希望有关文化部门能将香港所有影音制品和广东的《七十二家房客》、《外来媳妇本地郎》等粤语(白话)影音制品保存收藏,防止若干十年后汉语(方言)只能从历史资料中寻觅踪迹;让子代后代们知道在他们生活的华夏大地上,原来曾经有过许许多多更优美、动听、古雅、先进的真汉语诸方言。
回复

使用道具 举报

发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部