粤文化,阅观点,悦生活……
广古封:一封利是,一个故事;粤语文化,代代相传!
发新帖
详细内容

一个美食家喺微博行上段子手嘅不归路,冇错我讲紧蔡澜!

阿咩 发表于 2017-1-6 |0条回复 |4893次浏览

更多
点都估唔到,我竟然有一日会因为一个70几岁嘅老人家嘅微博,而笑到碌地。

其实,阿咩讲紧嘅系蔡澜。

蔡澜好早就开通咗微博,不过一直都关闭评论,直到前几日跨年,蔡澜发咗一条微博,回答粉丝问题,然后就发现蔡澜系一个画风奇特嘅40后老人家!

qna_mr_choi_korea_tour_01.jpg


人哋问佢食嘅问题,佢一律系食嘢之上,咩男人、爱情、身材都要行埋一边——


微信截图_20170106122108.png



然后,有时候嘅回答又耿直毒舌,令人无法反驳——

2.png



偶然仲要买下萌,呢个40后完全令人大跌眼镜——


3.png


应该大多数自己友同阿咩一样,认识蔡澜系因为佢系“香港四大才子”之一,加上TVB拍嘅《蔡澜叹世界》、《蔡澜叹名菜》、《蔡澜逛菜栏》等节目。

u=2591778115,3529150262&fm=21&gp=0.jpg


其实纵观蔡澜嘅一生,可以话系好多人嘅理想人生模板。


年少得志


蔡澜祖籍广东潮州,出生喺新加坡,受父母嘅熏陶,自幼喜爱电影,十四岁就喺《星洲日报》发表影评。不过其实后生嘅蔡澜非常反叛,青春期就开始会拍拖、食烟、饮酒,父母都未必管到佢,连佢自己都话,对于父母嘅时候,会听,但唔一定照做。

2016-10-11鲁豫有约 蔡澜——美食叹人生_20170105160131.JPG



蔡澜写稿获得嘅稿费,经常被佢攞去同朋友挥霍玩乐,咁都或者冥冥中注定咗,电影同美食成为佢嘅人生两大主题。

由于父亲喺邵氏做嘢,蔡澜一家与邵逸夫好熟,蔡澜嘅才华令邵逸夫对其十分器重,16岁就担任邵氏电影公司嘅驻日经理,派去各地做电影监制。

2016-10-11鲁豫有约 蔡澜——美食叹人生_20170105152016.JPG


自此,蔡澜开始咗佢四十年嘅电影生涯,除咗监制过《快餐车》、《城市猎人》、《一个好人》等成龙功夫巨片,仲出品过多部小众电影(其实就系限级片)。

蔡澜拍电影嘅时候,啱好系香港电影最鼎盛嘅七八十年代,就算电影质量唔算上乘,都会有人睇,所以蔡澜嘅电影均取得唔错嘅成绩。

e61190ef76c6a7ef771c4eb0fdfaaf51f3de666a.jpg


对于自己拍过小众电影,蔡澜并唔觉得呢啲系佢人生嘅污点,反而觉得呢啲系人生经历嘅一部分,唔需要觉得羞耻。

1989年,黄霑、蔡澜、倪匡三大才子共同主持咗一档经典嘅粤语访谈节目《今夜不设防》,邀请各位当红明星访谈倾计,剖析名人嘅内心世界。

搜狗截图17年01月04日1747_131.jpg


节目风格开放自由,上下纵横无所不谈,而且主持人同嘉宾不时喺节目上食烟、饮酒、讲粗口,仲不时涉及性与爱嘅话题。

2016-10-11鲁豫有约 蔡澜——美食叹人生_20170105150834.JPG

▲哥哥就系喺呢个节目自爆几岁经历初夜


由于奔放又有趣嘅风格,令《今夜不设防》创造咗香港同时段电视节目嘅收视纪录,成为当时强势嘅霸屏节目,就连BBC都报道过,称世界上冇一档节目可以咁自由奔放。


转向美食


到90年代,蔡澜发现比起制作电影,更中意欣赏电影,所以佢毅然退出电影行业,开始专心写食评同文章,转型成为多家报纸嘅专栏作家,正式将自己嘅工作同生活重心都转向美食。



后来TVB制作咗一系列以蔡澜命名嘅美食节目,蔡澜开始以美食评论家、美食节目支持人嘅身份走回大众视野,获得“食神”嘅称号。

蔡澜曾经还原过金庸喺《射雕英雄传》中嘅一味菜——“二十四桥明月夜”,黄蓉曾经用此菜令洪七公应承收郭靖为徒弟。

《射雕英雄传》原文:“那豆腐却是非同小可,先把一只火腿剖开,挖了二十四个圆孔,将豆腐削成二十四个小球分别放入孔内,扎住火腿再蒸,等到蒸熟,火腿的鲜味已全到了豆腐之中,火腿却弃去不食。这味蒸豆腐也有个唐诗的名目,叫作‘二十四桥明月夜’。”

2016-10-11鲁豫有约 蔡澜——美食叹人生_20170105152858.JPG


追求美食嘅蔡澜就联同香港“镛记”酒店嘅老板,大费周章反复试验,最终还原出真实嘅“二十四桥明月夜”,后来呢道菜成为“镛记”酒店嘅私房菜。


蔡澜嘅真性情


到依家,年过七旬嘅蔡澜出国留过学、做过电影、电视节目,经常四围旅游搵嘢食、写过影评、食评,擅长书法篆刻,又做过《舌尖上的中国》总顾问,近年仲开始经营淘宝店。蔡澜一直具有多重身份,而唯一不变嘅,系佢对美食嘅执着以及佢嘅真性情。

rdn_505fbf2d1565d.jpg


蔡澜说话耿直而毒辣,对网友嘅回答就睇得出,而同其他美食家唔同,佢喺点评美食嘅时候,往往简单直接,好就话好食,唔好就话一般或者有啲怪,好少多作评价。

蔡澜早年拍电影嘅时候,试过有一次因为觉得工作人员做嘢慢,而炒晒所有人鱿鱼,第二日再重新组织新团队进行拍摄。

我哋都知道,蔡澜主持嘅美食节目,出行必定系风风光光,靓女随行,而蔡澜自己都坦言,佢享受被女性包围嘅生活。对于两性关系,蔡澜总系比一般人更开放,上节目谈及两性话题,佢毫不忌讳,直言自己最大嘅梦想系好似古时候咁开个青楼,有班有知识嘅女子围绕身边。(不过其实佢已经结咗婚好多年……)




酒色名士


有人会质疑蔡澜嘅才华,认为佢根本比唔上另外三人,唔配被称为“香港四大才子”。但蔡澜并唔介意呢啲质疑,佢认为金庸先系真正嘅大师,自己不过系个“小流氓”。

t0199944129ab304be1.jpg


蔡澜嘅才情究竟够唔够班,阿咩唔咁下定论,但系蔡澜身上有不可否认嘅亮点。

佢除咗精通粤语同普通话,仲通晓英语、日语同法语,每日保持惊人嘅阅读量,经常周游列国,阅历丰富,喺圈内人缘好好,连倪匡都评价话——“蔡澜是少有背后没有人说他坏话的人”。

有网友问蔡澜:“你觉得你和金庸小说中哪个角色最相似?”蔡澜机智回答:“神雕。”

其实,阿咩觉得蔡澜更加似一个真实版嘅洪七公,既有食尽天下嘅豪迈,看破变故生死嘅豁达,又不失食色性也嘅世俗气息,佢既系嘅风流名士,亦系嘅尘世俗人。

m_532953.jpg


蔡澜一生都系随性而行,悦己至上,将自己嘅爱好变为自己嘅事业,算唔上扬名立万,但可以有所成就。咁嘅人生,唔系正系我哋大部分人所追求而难获嘅理想人生咩?

5882b2b7d0a20cf48add7a7773094b36adaf99cd_副本.jpg (292.03 KB, 下载次数: 34)

5882b2b7d0a20cf48add7a7773094b36adaf99cd_副本.jpg


更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部