粤文化,阅观点,悦生活……
广古封:一封利是,一个故事;粤语文化,代代相传!
发新帖
详细内容

今日着咩衫好?广东人永远嘅世纪难题

阿咩 发表于 2016-12-28 |0条回复 |7030次浏览

更多
今日,我哋又畀广东天气教做人,因为,佢又一夜入冬!
搜狗截图16年12月27日1741_7.jpg

▲琴日同今日嘅温度对比图


全国再冇一个地方嘅天气,可以好似广东咁黐线又无耻,大家可以生存到依家睇到呢篇推文,就已经非常之唔容易!阿咩以前就曾经痛诉过广东天气系点样压迫我哋今次,阿咩决定将行动升级,推出广东穿衣指南!


Q:我哋去买秋装咯!

A:错!喺广东根本唔需要春装同秋装!


广东,一个全年3/4夏天、1/4冬天嘅省份,所谓嘅秋装同春装,根本就冇存在嘅必要。买咗春装秋装返去,等几个月都着唔到,然后着一两个星期,就一夜入冬或者一日入夏

搜狗截图16年12月27日1743_11.jpg


知唔知点解双十一广东人消费最多?因为我哋过冬除咗要买冬装,仲要买夏装啊!所以喺广东,只需要做好两手准备,小心中暑,同小心冻亲!


Q:今日天气咁好,唔使带遮啦!

A:错!出门永远多带把遮


你永远估唔到你女朋友谂乜,同样,你都永远估唔到广东下一秒嘅天气,上午阳光灿烂,风光明媚,下午就狂风暴雨,问你死未!出门都系多带把遮,绝对唔好轻易尝试去同个天赌,最后都系输得一败涂地。

IMGf48e3894467142986010981.gif



Q:天气咁冻,着返件樽领

A:错!樽领系广东嘅禁区


喺广东就算入冬,有两样嘢唔好轻易尝试,樽领、雪地靴,广东冬天昼夜温差可以去到十度,晚上同中午完全系两个世界!早上着樽领、雪地靴,仲觉得无所谓中午即刻可以热到出热痱!

26d4aa76d7b977d08beadb5bbf20c02c.jpg



Q:咁夏天有咩着衫秘籍

A:冇啊!根本唔存在呢样嘢……


因为喺广东,夏天无论着咩都会出汗,就算就咁坐喺度,就依然会出汗!广东人夏天脱离空调,基本上等于自杀!
136716178.png



Q:喺广东,广告同天气预报边个可信啲?

A:我选广告


广东天气预报,又名广东天气经常唔准嘅冇len用预报,广东一年四季,系随机播放!根本唔存在可预知性!天气预报话听日有冷空气,但系第二日仲可以热到阿妈都唔认得;天气预报话下午会落雨,结果全日风都冇阵,何况雨;天气预报话台风即将来袭,做好防护措施,跟住台风直接就转移咗路线,眼未都冇睄下我哋。

5e57cf91gw1fb539nr7xhj205g05i0so_副本.jpg


千祈唔好轻易相信天气预报,以为转冻就着晒啲冷衫同大褛收埋啲短袖短裤,我哋尊重每一次嘅冷空气,但系都要做好二手准备。


Q:一条街,点解四季嘅衫都有人着?

A:少见多怪!


喺广东,总会有几日,喺同一条街,你可以见到有人着羽绒,有人仲着紧短裤而且,双方都会觉得彼此系憨鸠!每个人耐冻能力唔同,大家都系选择适合自己嘅衫啦!
搜狗截图16年12月27日1747_12.jpg



Q:广东穿衣,咩最实用?

A:披肩同Tee


讲咗咁多,喺广东买咩衫最实际?
第一样系披肩,室外可以当围巾,室内可以做披肩,一年有一半时间都可以用。第二样系Tee四季皆宜,出门必备,可以内搭,可以外着。

讲到Tee,点可以唔提

【自己友Tee】

广告 自己友1.0.gif



睇到呢度,你系咪发现,以上指南,纯属鸠噏!(冇错,就系咁!)

喺广东,依然系冻死嘅冻死,热死嘅热死,日日都面临住会畀广东天气教做人!唔知各位自己友听日着乜衫?
4d98f34a938b47c0829d7603dc935ebd_th.jpeg




本文看点由羊城网原创


更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部