粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

四大天王玩Cosplay?张曼玉畀人S*M?港产超级英雄,你条底线呢?

阿咩 发表于 2016-11-29 |0条回复 |1998次浏览

更多
提起超级英雄同科幻电影,依家大部分人第一时间都会谂到各种美国大片。但系香港本土嘅超级英雄电影,你又知道几多?
先至声明,唔系以下依几部啊!

盘点香港旧版超级英雄电影72.png


阿咩精选三部各具特色嘅超级英雄电影,唔知你有睇过几多部捏?

急冻奇侠(1989)

盘点香港旧版超级英雄电影119.png


剧情主要讲述方守正(元彪 饰)身为锦衣卫,奉命追捕自己作恶多端、无恶不作嘅师兄凤三(元华 饰),过程中两人缠打一起,意外穿越时空,被冰雪所冰封。

因为各种意外两人死而复生,去到现代。方守正于机缘巧合之下遇见名为阿玉(张曼玉 饰)嘅不良少女,发展出一段爱情故事。

同时,凤三继续喺现代为非作歹,方守正与其展开一场正邪大战。

盘点香港旧版超级英雄电影286.png


时空逆转,古人穿越,解冻重生,听起系咪好似前几年嘅世纪大烂片《冰封重生之门》,冇错,《冰封重生之门》就系改编自《急冻奇侠》。

可惜,嗰次改编堪称完美扑街!!!我哋忘记依种烂片,继续睇返原作!

《急冻奇侠》嘅创意系来自于美国科幻电影《挑战者》系列,但系该片剧情、笑点、打斗画面都具有浓厚嘅港产特色,如果唔知,真系会认为依部戏原创嘅香港电影。

一开始,片头遇害嘅郡主嘅装扮,及除袜画面,就已经有致敬《倩女幽魂》嘅感觉。

盘点香港旧版超级英雄电影501.png

▲一个打酱油嘅角色都已经可以如此惊艳

元华、元彪两男主喺雪地嘅激战堪称经典。

两人对峙画面构造以黑白色为主,一正一邪两主角被中间嘅大树隔开,体现两人立场对立,除两人一树之外,画面再无太多其他杂物,体现出东方美学嘅空灵和留白。

盘点香港旧版超级英雄电影619.png


元华同元彪都系习武出身,系香港出名嘅武打明星,所以两个主角嘅打斗场景基本上系演员亲自上阵,拳拳到肉,下下出尽力,为本片奉献出十分精彩嘅武打戏份。

另外,同武打场面一样精彩嘅仲有角色嘅塑造,元彪将夏守正嘅正义耿直,而又木讷守旧,演绎得非常自然,期间又加入唔少诙谐戏份,令到整个角色生动可爱。

元华将残暴咸湿、泯灭人性嘅大反派凤三扮演得入木三分,细个睇电影嘅时候,依个角色系阿咩嘅童年阴影之一。

盘点香港旧版超级英雄电影820.png

盘点香港旧版超级英雄电影821.png

▲作为一个咁直接表露心声嘅淫贼,阿咩绝对要写个“服”字畀你

有一幕,作为武林高手嘅元华竟然就咁徒手发子弹杀人,阿咩感觉牛顿嘅棺材板又喺度颤抖!

盘点香港旧版超级英雄电影897.png


喺依部电影度,张曼玉开始告别以往清纯少女嘅形象,出演一个泼辣、豪放嘅风尘“阿姐”(冇错,就系嗰种阿姐),令人睇到张曼玉演技嘅突破。

盘点香港旧版超级英雄电影967.png


特别令阿咩眼前一亮嘅系,张曼玉有一幕系着古装梳头,靓到令人窒息,同王祖贤嘅小倩不相伯仲。

盘点香港旧版超级英雄电影1016.png


阿咩唔会同你讲,依部戏入边竟然有张曼玉畀人S...M...嘅情节——

盘点香港旧版超级英雄电影1055.png


阿咩都唔会同你讲,啲考古专家见到两个男主嘅尸体揽埋一起,发出嘅感叹系——

盘点香港旧版超级英雄电影1096.png


阿咩更加唔会同你讲,依部戏入边竟然有啲咁嘅讽刺性对白——

盘点香港旧版超级英雄电影1129.png

▲阿咩突然有啲惊畀人查水表

入边仲有好多你估唔到嘅打酱油角色!唔信?你自己去睇下咪知咯!


东方三侠(1993)

盘点香港旧版超级英雄电影1191.png


《东方三侠》讲述三个出身背景不同嘅女侠,经历一系列盗走婴儿嘅神秘事件后,最终结成生死同盟,共同对抗邪恶势力嘅故事。

《东方三侠》同其他香港科幻电影最大嘅区别就系,佢系一部女权主义色彩浓烈嘅影片。

剧中屈指可数嘅男性角色,基本都系冇咩存在感(刘松仁饰演嘅警察,秦沛饰演嘅警察局局长),或者角色本身存在缺陷(大反派不阴不阳嘅“公公”、其手下智障嘅陈九)。

相比起身,三个女主角就出彩好多。

梅艳芳饰演嘅东东,平时系温柔娴淑嘅家庭主妇,他人遇到危险时就戴上面具,变身霸气侧漏嘅“女飞侠”,锄强扶弱,维护正义。

盘点香港旧版超级英雄电影1451.png


杨紫琼饰演嘅陈三/心靖,系公公手下嘅冷面杀手,风情万种,美丽坚毅,但无奈身不由己,内心世界复杂而矛盾,喺正邪爱恨之间苦苦挣扎。

盘点香港旧版超级英雄电影1519.png


张曼玉饰演嘅“捕头”陈七,则系个贪财率性、放荡不羁、敢爱敢恨嘅赏金猎人,可以算系全剧嘅搞笑担当。

盘点香港旧版超级英雄电影1572.png


三个性格迥异嘅侠女,造型干练,性格鲜明,对于一向男性当道嘅港产电影,咁嘅组合可以话系一次大胆而另类嘅尝试。

盘点香港旧版超级英雄电影1630.png


虽然本片系科幻嘅外壳,但系其中糅合咗唔少嘅东方元素同香港特色,所以整部戏唔单止会有美式英雄嘅影子,仲有东方武侠风情。

比如,梅艳芳嘅飞蟾走壁,好明显就系东方武术嘅轻功。

盘点香港旧版超级英雄电影1720.png


郁啲就双脚离地,企喺电线上,经常挑战牛顿三大定律。

盘点香港旧版超级英雄电影1750.png

▲画面中嘅威亚就非常明显,可见当时拍摄技术都唔系好好

仲有杨紫琼酣畅淋漓嘅武打戏份,佢经常使用扫堂腿,阿咩目测杨紫琼条腿有一米八……

盘点香港旧版超级英雄电影1821.png


除咗张曼玉嘅角色会使用枪支,梅艳芳同杨紫琼都系使用九节鞭、软剑、飞镖依嘅传统武侠使用嘅武器。

成个影片特别模糊咗时代嘅界限,出现咗好多跨时代嘅元素,比如有现代嘅警匪对峙戏份,又有皇帝太监、血滴子等古代元素,仲有以隐身衣为代表嘅未来科技产物。

盘点香港旧版超级英雄电影1947.png

▲想知依个系咩啊?自己去睇电影啦!

三个女性角色随著剧情推进而慢慢变化,交杂咗每个人嘅爱恨情仇,个人成长,最后三人合力打败反派,三侠披上披风,伴随激昂嘅BGM昂首阔步,此等豪气侠骨,完全不输任何一部男性武侠小说。

盘点香港旧版超级英雄电影2058.png

▲阿咩重睇咗依个画面三十几次

可以话,导演杜琪峰(冇睇错,真系杜琪峰拍噶!)用三个温柔艳丽、特立独行嘅女侠,成功为各位观众编制出一个具有科幻同魔幻色彩嘅侠客之梦。


超级学校霸王(1993)

盘点香港旧版超级英雄电影2159.png


本片讲述咗喺未来嘅2043年,犯罪大王将军(卢惠光饰)为咗避免坐监,而派手下(郑伊健饰)回到过去搵法官余铁雄(张卫健饰),对其进行洗脑。

政府知情后特派飞龙特警铁面(刘德华饰)、扫帚头(张学友饰)及发达星(任达华饰)返回1993年去保护铁雄。

本片好多设定同元素来自于当时流行嘅电玩游戏,包括街头霸王同超级玛丽。

盘点香港旧版超级英雄电影2322.png


比起前两部嘅,依部应该会有好多人睇过,毕竟南方卫视经常重播,阿咩每次见到都会重新睇。

点解咁钟意依部电影?

1.因为依家再搵唔到一部电影,可以集齐咁多曾经嘅经典偶像明星,仲叫佢哋扮鬼扮马,cosplay我哋熟悉嘅电玩角色!

盘点香港旧版超级英雄电影2440.png


2.因为依家再搵唔到一出电影,会去改编童年嘅电玩游戏,仲要改编嘅咁成功,咁搞笑。

盘点香港旧版超级英雄电影2485.png

▲打斗场面虽然好拙劣,由一个动作反复拼接而成,但系真系非常喜感


3.因为依家再都搵唔到一部王晶拍得咁有诚意嘅搞笑电影,而且我睇完会笑得出!

《超级英雄霸王》有好多王晶特色嘅低黄暴笑点(低速黄色暴力),间学校就叫圣育强中学——

盘点香港旧版超级英雄电影2604.png


同埋下面依个“春代”梗……唔使阿咩解释了吧……

盘点香港旧版超级英雄电影2632.png


仲有其他嘅情节,翻睇依然觉得好好笑。

可惜,依几年嘅王晶,拍出啲《澳门风云》《王牌逗王牌》,电影水平已经大不如前,早就失去咗原来嘅味道,令到阿咩只可以搵佢嘅旧片重温回味!

盘点香港旧版超级英雄电影2723.png


上边三部片已经系十几年前嘅作品,入边嘅演员,有人已逝,有人沉寂、有人转型、有人成为天王传奇、有人结婚隐退。

作为观众嘅我哋,同样都唔再系十几年前嘅不知事嘅细路,重新睇依啲电影,所思所想已经同当初完全唔同。

不过,经典电影带畀我哋嘅欢乐、感动、思考依然系难以替代,系香港电影普遍低迷嘅依家,依啲电影反而显得更加珍贵、经典。

时光虽逝,但经典永存。

盘点香港旧版超级英雄电影2904.png


各位自己友,
你哋睇过上边嘅电影未?
你哋又知道咩其他港产英雄电影?
喺留言区讲畀阿咩知啦!

本文由羊城网原创
特此声明
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部