粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤语改编《最後一課》

小编 发表于 2016-11-17 |0条回复 |334次浏览

更多
曾為中、小學生導賞省城舊跡,鮮聞粵語。
賀知章告老還鄉,尚能聽得鄉音,余或耄耋之年,怕亦難同此遇矣。
有感於斯,根據法國作家都德《最後一課》改編。

QQ图片20161117212307.png

淪陷時期,中日兒童宣傳作品展覽會

QQ图片20161117212317.png

卅一年(1942年),日據廣州。
“國慶紀念日,中山紀念堂前,中日兒童交流運動大會之活躍”


卅一年,果日朝早,我返晏咗,擔心方唐鏡先生譊(音:鬧)我。況且渠講過要問我哋國文,但我連課文都仲未背。

依幾年,路上嘅行人,漸多見有陌生面孔,也漸少聽得粵語,有種身在外省嘅感覺。渠地塞係街上,難以進退,我大聲叫:“唔該借過,唔該借過……”,渠地好似聽唔明,無動於衷,唯有兜路走,雞咁腳趕返學校。

方唐鏡先生已經企係講壇上,渠見到我後,並沒譊我,而是好和藹咁話:“點都德,快埋位,上課了。”

然後嚴肅咁同我地講:“你哋依班化骨龍,依堂係我最後一次同你哋上課。京城教育部落咗命令,廣州嘅學校不能再用粵語上課了。新老師聽日就到。今日最你地最後一堂粵語嘅國文課,我希望你哋俾心機學習。“

我唔敢相信先生嘅話,最後一課?以後大戲都用“國語”不成?先生以前講過,用粵語讀唐詩宋詞就好似唱歌咁充滿韻律,用“國語”亦會咁樣?

果堂課,我沒曬心機,只記得先生派發了字帖,叫我哋臨摹,貼上都是美麗嘅正楷毛筆字:廣州,大戲、大笪地、水氹、水腳。然後解釋每一個詞背後嘅文化,我恨不得先生能多講,多講,再多講。

習字課結束,先生又教我哋粵語聲調,講九聲六調,”陰平、陽平、陰上、陽上、陰去、陽去、陰入、中入、陽入”,我聽到矇查查,先生話,喜歡唱歌,有音樂感嘅人,會好容易明白。

依個時候,學校操場嘅鐘敲咗十二下。方唐鏡先生面色慘白,即使是咁,我覺得他從來未咁型仔過。

“我嘅學生們,”他講,“我——我——”

他有啲激動,講唔落去。然後,擰轉身面向黑板,拿起支粉筆,用盡全身力氣,寫咗四個大字:

中國萬歲

然後他呆咗係果度,額頭靠著黑板,粒聲沒講,背著我哋做咗個手勢:“放學,你地都返屋企吧。”

QQ图片20161117212332.png

民國課本中的廣州(作者翻拍)


附記:
據傳,都德《最後一課》顛倒黑白,並沒禁法語。

日據時期,廣州百年迎春花市沒有中斷,卻中斷在國朝……粵語呢?

QQ图片20161117212342.png

這個話題,持續多年,每下愈況(視頻截圖)

QQ图片20161117212351.png

做文明人的前提……(視頻截圖)

作者:十二少
来源:廣州記
微信号:CantonKee
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部