粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

广东人用嚟串人嘅口水歌,代代相传好过瘾!

小编 发表于 2016-8-17 |0条回复 |496次浏览

更多
2016-08-16羊城网我要关注

埋堆埋堆!

呢啲口水歌你哋有冇哼过?

有冇勾返起啲往事?

以前你哋系咪咁嚟串人噶?





细蚊仔,瀡滑梯,因住跌落嚟;咪学陈德贵,成日流鼻涕,跌亲箩柚唔好睇。


河边有隻羊,羊边有隻象,象边有隻马骝仔,好似你敢样。

咬蔗须,要睇毛,短毛输,长毛赢,冇毛唔算数。

灭开柑,数柑核,边个核多就边个赢,唔淮手赖就缩骨。

拍大骳,唱山歌,人人话我冇老婆,扚起心肝娶翻个,有钱娶个娇娇女,冇钱娶个豆皮婆,豆皮婆,食饭食得多,疴屎疴两箩,疴尿冲大海,疴屁打铜锣。

呈沉剪,呈沉包,呈沉糯米叉烧包。老鼠唔食香口胶,要食豆沙包。

点指兵兵,点指贼贼,点著谁人做大兵,点著谁人做大贼。

估手指,要估中,边个唔中,就唔中用,裤浪底见个窿。

骑牛牛,牛牛走,牛牛响前咪回头,若然回头就打箩柚。

辘铜仙,打铜钱,全凭眼界手出变,叮响铜钱畀个仙。打泥炮,泥炮响,唔使揸枪上战场。折纸机,麻鹰飞,飞嚟飞去唔落地。

趌跛跛,跛左蹄,冇米煮,煮泥沙,冇屋住,住楼梯,楼梯有只鬼,吓到你嗊落床下底。

伸长手,顶手掌,死人都要顶硬上,依牙蹦哨就猫敢样。

劈友,劈友,快啲走,走得快,好世界,走得蘑,冇鼻哥。

斗远掟石头,因住咪甩手,石头最冇眼,掟亲唔好眼泪流。掟砖头,斗大嚿,一掟掟到西门口,溅起浪花抛浪头。

花手巾,真引人,基边捞鱼好过瘾,一兜一条好手运,千祈唔好踎到你头晕。

黐塘咪,塘咪飞,飞到菜田基,田基有条蛇,吓亲你两仔爷。

一人骑膊马,两人骑猪乸,三步要埋头,撞到面就打。

红辣椒,绿辣椒,平时你嘴喵喵,今日你冇胆同我撩。

鬼叫你咁贪心,闻左我个屁,嗍左入个鼻,我要你赔翻二两四。

眛水底,摸泥沙,摸到泥沙当金龟,摸唔到喺契弟。

陈德贵,住得矮,床下底有只鬼,吓到嗊抬底。

一二三,三二一,肥婆跳舞顶第一!

黑面李逵,红面关公,三国水浒乱哂龙,打败清兵系英雄。

乞儿仔,画乌龟,一人一笔咪乱嚟,最后嗰个正衰仔!

大笨象,揸支枪,去打仗,打完仗,翻嚟食碗辣椒酱。

有隻雀仔跌落水,跌落水,跌落水,有隻雀仔跌落水,被水冲去。

肥仔个头,大过五层楼,肥仔隻手,细过荷兰豆。


大家识得唱几多?要代代相传呀!

251.jpg
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部