粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

喺广州人把口度,水果唔单止攞嚟食,仲可以用嚟讲!

小编 发表于 2016-7-26 |0条回复 |566次浏览

更多
2016-07-25羊城网我要关注

广东人咩都食?点止咁简单?广东人食得嘅都讲得,粤语里面,有关水果蔬菜嘅俗语有好多,畀你睇下咩叫食嘅最高境界。


卖剩蔗&箩底橙


卖剩蔗同箩底橙,喺粤语里面都系指代大龄未婚女性。卖水果嘅商贩,通常都会将卖相最好最新鲜嘅放喺上面,吸引人买,而嗰啲畀人拣净嘅都留晒喺最底面,所以就用卖剩蔗同箩底橙嚟形容年纪大嫁唔出嘅女性,引申为掉价。



得个桔


得个桔嘅意思是“一场空”、“什么都没有”。因为粤语里面“空”同“凶”同音,为咗攞个好意头就用“桔”(吉)嚟代替“空”,咁样就算乜都冇都攞翻个好彩头!



食柠檬


“食柠檬”来自60年代嘅香港,当年嘅舞会上,男人邀请女人跳舞被拒绝,系一件面檬(没面子)嘅事,面檬就系“面子吃了柠檬”,所以请人“食柠檬”,意思就系话拒绝佢,等佢尴尬咁嘅意思。多数用于表白或者约会异性被拒绝。




吔蕉


广东方言用嚟骂人嘅话,意思系叫人“食屎”,因为“屎”与“蕉”嘅外型相似,所以吔蕉=吔蕉。




西瓜刨


西瓜刨一般指“龅牙”一族。由于棚牙太过突出,食西瓜有住天然嘅优势,刮瓜肉效果好,速度快,因此被称为“西瓜刨”,代表人物系香港艺人兰茜。



菠萝鸡


指专占人便宜嘅无赖。旧时广州菠萝庙卖「菠萝纸鸡」,畀人买翻屋企图个吉利。除竹枝同纸,鸡毛仲会黐住鸡身,引申歇后语「一味靠黐」,讽刺中意占人便宜嘅人。



混吉


指一啲专门捣乱嘅人。以前饭店,会喺点餐前会上一碗冇汤料嘅味精水——「吉水」,好多冇业游民饮完吉水又唔点菜,唔畀钱就走人。店主就会话呢啲人系嚟「混吉」嘅。




炖冬菇


畀老板降职嘅意思,以前香港警员军帽好似冬菇咁,又叫做「冬菇帽」,便装警员犯错降职,做翻军装就要戴翻冬菇帽,所以就叫做炖冬菇。



抛生藕


女人发姣放生电,要激起性能力,男食韭菜,女食藕,女人生完BB之后食生藕片好进补。抛生藕,指女人食咗好多生藕,但系好耐冇掂过男人。



大番薯


冇脑迟钝,1933年孔仲南《广东俗语考》记载,铢刀(读音薯刀)一字,即系唔锋利嘅钝刀,比喻人脑筋唔灵活,人蠢称铢,铢薯同音,后来演变成「大番薯」呢个俗语。

221.jpg
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部