粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

粤语中嘅数白榄系一种点样嘅姿势?

小编 发表于 2016-7-26 |0条回复 |567次浏览

更多
2016-07-25羊城网我要关注

数白榄又叫数板,系以前民间流传嘅街头娱乐,类似于现在的Rap。任何人都可以系数白榄嘅表演者,喺以前,玩亲数白榄嘅多数都系一啲贫苦老百姓,总之边个有啲主题想讲又有几分作词嘅天份,就可以向大家演唱下,有一个人唱又或者可以几个人和住嚟唱;数白榄嗰阵,演唱嘅人会拎住用绳连住嘅两块细木板做拍板,一路拍出节奏一路唱出想讲嘅内容。




数白榄嘅内容大多数都系以讽刺时弊为主又或者系舒发一吓对某啲嘢嘅感受,有时会讲吓当朝嘅政事,有时又会讲吓城中大小嘅热门话题,因为咁喺每逢有人系街头度数白榄,啲路人甲乙丙都会停低落嚟睇热闹,重会加入埋嚟一齐吹吓水,冷嘲热讽一下。


依家喺一啲粤剧或者京剧里面仲可以欣赏得到数白榄嘅表演;而学术一啲嚟讲,数白榄其实已经归咗入戏曲之中嘅一门,叫做“说白”。


如果有睇过香港电影明星周星驰嘅喜剧作品《唐伯虎点秋香》,剧中有一段戏都有玩形式类似嘅数白榄,不过佢嘅版本系一个夸张版。



而另外一个应该有好多人听过嘅,以中国医学为基础嘅中药补健食品广告,亦都有用数白榄嚟做宣传,其中一句“…锄得多,伤气力,消耗一定要补充,唔想失威悲到极…”更加系耳熟能详。



220.jpg
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部