粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

广东技术师范学院变态佬出没,专揾女仔掟“臭臭”

小编 发表于 2016-6-14 |0条回复 |18211次浏览

更多
2016-06-13羊城网我要关注

学校对于大家嚟讲,一直都系除屋企之外第二安全嘅地方,但系近排广州某间高校校园里面,却发生咗得人惊嘅事。并唔系“咸猪手”、都唔系露体狂,而系更加恐怖嘅事!而且受害者目前为止全部都系女仔。

 


广东技术师范学院嘅学生小林(受害者+报料人+校内学生)讲述咗可怕经历。

话说67号上午11点左右,小林趁课间时间去厕所,入厕所无几耐,就听到有人行入厕所,小林心惗,可能系其他同学仔姐……


 

突然间,有人将“不明物体”抌落小林嘅背脊,小林当堂吓到六神无主,仲未嚟得撤惊,一阵恶臭扩散到成个厕所。


小林回过神嚟,望一望背脊,原来係!💩!💩!!用纸包住咗,但系抌落嚟已经散开!小林惊到即刻打电话畀朋友嚟“救驾”!




小林鼓起勇气将自己嘅遭遇发上朋友圈,但系之后几日,掟💩💩事件一而再,再而三咁发生!




有目击者见到变态佬,係一个中年猥琐大叔,留平头,当时着格仔衬衫,掟完💩💩就埋,无人知佢去咗边。




掟粪便事件好快就喺朋友圈扩散开,唔少学校里面嘅学生行喺路上嘅时候都提心吊胆,尤其係女仔,佢哋话落课都唔敢去厕所了,真係阴公咯。




校内学生话哩个变态佬好猖狂,二教嘅女厕、图书馆女厕、学校前门报纸亭附近几个地方都作过案,已经有七、八个女仔畀佢掟过,但系未有男仔畀佢掟过。睇嚟个变态佬都怕畀人“就地正法”。


对此,校方表示高度重视。

广东技术师范学院宣传部部长卓光琳表示,目前嘅主要工作一係加强学校安全保卫工作、做好校园排查;第二个及时向公安机关报案,现在正在配合当地派出所进行进一步嘅调查;第三个就係加强对学生嘅安抚工作。


 


目前警方已经介入调查。详细情况请点击观看视频↓↓↓



110.jpg
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部