粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

如果我有小朋友,一定会畀佢睇《樱桃小丸子》!

小编 发表于 2016-6-12 |0条回复 |435次浏览

更多
2016-06-09羊城网我要关注


如果我有小朋友,一定会畀佢睇《樱桃小丸子》!一定唔会系喜羊羊、光头强、倒霉熊之类嘅国产动画,因为我希望小朋友有更多嘅童真,而唔系乜嘢都用打打杀杀解决……



小丸子系9岁嘅小学生,活泼、好动、懒惰、咩事都拖到最后一刻先做、读书唔认真、成绩平平、经常同家姐斗气、钟意幻想、做事冇恒心……



喺小丸子身上我哋或多或少都睇到自己童年嘅影子。如果小丸子算系一个“怪人”嘅话,咁周围可谓“怪人”多多:


有啲神经质嘅班长丸尾同学、权利欲极强嘅女副班长、经常同小丸子一起癫嘅爷爷,黑人憎嘅宾治同学等等……


呢班性格各异、精力充沛嘅大人小朋友,每日都喺度演绎紧生活嘅趣事,伴随住小丸子一日日长大……



我哋钟意小丸子,唔单止系因为佢“怪异”,更加系因为佢嘅人生哲学值得我哋思考!


面对唔钟意小动物嘅同学,小丸子会好直接咁表达自己嘅感受……



虽然钱好重要,但系小丸子明白,比钱更加重要嘅仲有健康!


对待成功,小丸子明白,成功需要付出!



对男人女人都有自己嘅理解


对感情有自己嘅观点



面对恶作剧,都勇敢咁讲出嚟!



虽然年纪细细,但系都会担心自己变老……



知道呢个社会好残酷,依然热爱呢个世界


知道幸福来之不易,所以好好珍惜!


对人生有自己嘅见解,无论如何都保持乐观嘅心态!


我哋同小丸子唔同,佢可以永远都系9岁,留住锯齿状刘海嘅小妹妹,可以野蛮可以唔讲道理,可以小心眼,可以唔开心就喊出嚟……但其实我哋知道,自己同佢一样,遇到自己惊嘅事,一样会成身颤抖后退。



但到最后你会发现,小丸子比我哋都要坚强,悲伤嘅时候会喊,但喊完依然开开心心咁去返学,快乐嘅时候依然心无芥蒂大笑。


有一日,一个星期六嘅下午,你见到电视台又度重播《樱桃小丸子》,你坐喺沙发度静静咁睇,你发现呢个小妹妹好似曾经嘅你,生得普普通通,成绩普普通通,但依然对生活充满热诚......




图片来源网络,由羊城网(ID:gznfnet)编辑整理。

101.jpg
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部