粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

爱在记忆中找你:状元坊仲剩低啲乜?

风声依旧 发表于 2016-4-20 |10条回复 |11892次浏览

更多
细细个就听阿妈成日话状元坊啲嘢便靓正,品种又多,仲好多嘢食添。所以每次有得出街,我都好想阿妈带我去状元坊吃喝玩乐。次次去到状元坊都唔记得返屋企。

反而大个咗几乎无再去过状元坊。近排见到人哋影嘅状元坊,人烟稀少,已经唔再系我记忆中嘅人头济济嘅样,觉得好唏嘘。所以今日带大家搵返当年嘅回忆。
QQ图片20160420182941.jpg

(状元坊依家已经人烟稀少,摄影/陈忧子)

来源

讲开又讲喇,大家知唔知状元坊名字嘅来源?

状元坊以前就叫泰通坊,大家都以为同状元伦文叙有关。因为喺明朝年间,街内有一间"朱义盛"嘅金银首饰店,开张挂牌时招牌挂唔上去,而伦文叙一到哩道,就挂上去喇。后来哋人就作咗个古仔叫"状元坊与朱义盛"。其实,“状元坊”哩个名,喺元代已经叫开喇,其真正起因,系为咗纪念宗末状元张镇孙。大家如果对哩段历史感兴趣嘅话,可以去上网搜索下。

QQ图片20160420182953.jpg

(状元张镇孙雕像,同街道入边啲店铺有啲唔搭)

过去

早喺明朝,状元坊就有好多专门从事刺绣嘅手工艺作坊;到清乾隆时,状元坊嘅绣庄织号已经有五十几家,绣工3000几人,係岭南著名嘅刺绣戏服市场,并以技术精巧而享誉国内外。

旧时嘅省港大班、四乡戏班、粤剧名伶都以到状元坊购置戏服行头为荣。咩龙袍蟒衣、凤冠霞帔、彩翎靴履、玉带战旗等各式各样华衣服饰摆满咗成条状元坊。

QQ图片20160420183002.png

(50年代嘅状元坊)

啲喺十三行做买卖嘅鬼佬最喜钟意嚟哩度,对于佢哋嚟讲,状元坊先至系真正嘅“西洋镜”。上世纪50年代,状元坊仍以戏服制作闻名羊城。

喺戏服制作鼎盛嘅年代,状元坊内全部都系戏服制作嘅手工作坊。果时嘅手工作坊都系家庭式嘅,而且好多都系传统嘅西关大院嘅样。靠近街边嘅低层,系售卖嘅店铺;往入、往上,就系一个家庭所有成员嘅居所。大家喺度安居乐业,一代传一代。

QQ图片20160420183011.png


不过随住时代嘅发展,戏服行业日渐式微,依家嘅状元坊已经好难见到昔日“戏服一条街”嘅繁荣景象。

喺“状元坊”牌坊隔离,有一家并唔显眼嘅“状元坊戏服厂”,店入边摆满咗各款古老戏服,不过前来问津嘅人寥寥无几。好多人都唔知道,哩间已经系状元坊嘅最后一家戏服制作厂,经营者董惠兰自细喺状元坊一带长大,高中毕业后就开始学绣花、戏服设计,至今从事戏服制作已经有三十几年,系粤剧戏服设计同制作嘅熟练手艺人。

QQ图片20160420183029.png

(制作厂入边嘅工人,摄影/陈忧子)

曾经嘅辉煌

从90年代开始,状元坊开始设立工艺品市场,并逐步发展成为远近闻名、颇有特色嘅学生用品和工艺精品专业街。

QQ图片20160420183039.png

(图为客人在挑选商品,摄影/几米Cora)

到2000年时,状元坊达到咗辉煌时期,街头到街尾人潮汹涌,哩头仲未找钱俾客人,果头客人已经被后边嘅人流撞走咗。所以状元坊又有个“撞人坊”嘅外号。

QQ图片20160420183049.png

(昔日繁荣场景)

QQ图片20160420183059.png

(哩间麦当劳甜品站曾经被称为最赚钱嘅甜品店,依家都已经执咗啦)

没落

近十年,随住城市商圈转移,附近上下九、十三行等中国最早时尚地都基本被天河等新兴商圈替代,尤其系自身消防整改、广州地铁沿线购物中心建成同网购嘅兴起,曾经摩肩接踵嘅状元坊,变成咗一条3分钟就可以行晒嘅巷仔。

QQ图片20160420183109.png

沿路店铺基本关晒,大部分商铺都挂住招租转让嘅牌。

QQ图片20160420183118.jpg


零星几个仲开铺嘅老板,都坐喺铺头入边无野做,唯有玩手机

QQ图片20160420183129.jpg

QQ图片20160420183137.png


对于更多嘅广州人嚟讲,依家嘅状元坊,早无咗昔日人潮涌涌嘅热闹,无咗新品嘅精致,无咗地道嘅广州美食,亦都无咗往昔果份“七分街坊味,三分熟客情”嘅地道广州情怀。“现在的状元坊能逛的只剩回忆。”一名广州网友喺微博度咁写。

QQ图片20160420183148.png

(午后嘅状元坊望落去好空荡)

虽然,依家嘅状元坊已经系成为咗大部分广州人心目中嘅一个历史景点。但系佢过去曾经辉煌过嘅历史系无法磨灭嘅。希望政府可以好好改造状元坊,令佢可以跟上时代嘅脚步,唔好变成一个只可以喺回忆入边回想嘅街道喇~

来源:广州日报、羊城晚报、《寻城记·广州》
更多
使君子 发表于 2016-4-20 19:25:53 ( 加好友 |打招呼 |发消息 )
98-02年时,状元坊有很多"视觉系"和板仔聚集,以中学生为主,着衫鬼五马六,物价很便宜,但质量也差。 网购一兴起,这些小商品铺必然无得做的

浙江的义乌温州,也生产批發这些小商品。浙江佬要做低端货,广州何必与他们争?  我支持清洗状元坊 ,驱逐那些不学无术的小混混

近几年毕业新入行的报社记者,专写埋晒这些矫情的垃圾文,以幼稚的民粹心态言行,阻碍广州政府升级产业进程,拉低广州身价
回复

使用道具 举报

使君子 发表于 2016-4-20 19:29:46 ( 加好友 |打招呼 |发消息 )
广州不缺民粹,惟独最缺李光耀式的强硬狠角色

历史是由极少数精英决定的。"群氓"绝多数时候是愚昧的反向指标,是用来为精英垫尸底的
回复

使用道具 举报

nimfish 发表于 2016-4-21 09:50:55 ( 加好友 |打招呼 |发消息 )
使君子 发表于 2016-4-20 19:25
98-02年时,状元坊有很多"视觉系"和板仔聚集,以中学生为主,着衫鬼五马六,物价很便宜,但质量也差。 网购 ...

我都五想叼人, 但系悌你D言论好弱智咯, 人地记者报道下昔日的状元坊, 只系想缅怀一下以前D时光姐, 你就上纲上线, 话人地咩矫情,民碎。 即系如果李嘉诚想缅怀一下以前的时光, 话自己以前系潮汕好LUN穷呀, 日军侵华的时候几百里着草, 落到香港然后系茶楼浸茶第水, 后黎又同区外父系塑料厂瓷胶花, 好LUN辛苦噶,奋斗左大半世,先有今日咋。 甘样讲下就话人矫情,民粹啦啵? 讲五讲得通噶。

      另外, 话咩拉低广州身价, 我艹, 你悌下以家广州个D产业就五拉低啦波, 咩黑马白马,中大布匹,咩皮具城,附带周边个D城中村一堆的服装成衣加工家庭作坊式的工厂, 排污啦,脏、乱、差,五类车四处马路标, 电线四围飞,火灾隐患。 甘就五拉低广州身价啦哦,就系罗把口讲下旧时的状元坊就可以拉低了,甘Q西利呀?兄弟,讲野五好两把尺度, 客观D好。五好少少野就系到处乱扣帽子。
回复

使用道具 举报

使君子 发表于 2016-4-21 18:44:51 ( 加好友 |打招呼 |发消息 )
nimfish 发表于 2016-4-21 09:50
我都五想叼人, 但系悌你D言论好弱智咯, 人地记者报道下昔日的状元坊, 只系想缅怀一下以前D时光姐, 你 ...

咪话我睇衰班记者,第日布匹城皮具城玉器城执笠,佢地又大肆"缅怀"

你提到的几大低档卖场作坊,康乐村最多潮州人,五凤乡多温州人,芳村上下九多福建人。 但最支持大搞低档卖场作坊的,恰恰不是我们这些市区的广州人(其实我们祖辈三代以上都是从乡下出来省城),反而是世居广州近郊城中村的土著,他们放地收租获利极丰,也必定最抗拒清拆卖场

所以我极反感广州的民粹倾向,极度短视,贪图眼前利益,自私。
回复

使用道具 举报

使君子 发表于 2016-4-21 18:56:48 ( 加好友 |打招呼 |发消息 )
当年孙中山国民军要北伐,"广州商团"的小市民,安于现状,宁愿支持北洋政府,拒绝资助孙中山。最终是外省的浙江人 蒋介石 狠下心,屠杀广州商团,才成功开展北伐

这些商团小市民,眼光何其短浅! 粤系国民军将来北伐成功,商团获得的市场经营特权,是全国几亿人口,而不是华南广州区区小地方
回复

使用道具 举报

nimfish 发表于 2016-4-22 09:19:18 ( 加好友 |打招呼 |发消息 )
使君子 发表于 2016-4-21 18:44
咪话我睇衰班记者,第日布匹城皮具城玉器城执笠,佢地又大肆"缅怀"

你提到的几大低档卖场作坊,康乐村 ...

讲D样也就好复杂了, 作为个D村民, 肯定宁愿长远收益,而抛起短期一笔过D卖地收益啦, 而且广州呢个城市地位系甘尴尬,我个人感觉文化比不北京,甚至重庆南京都文化熏围比广州好, 经济和科技上又比上海深圳差一档的感觉。 所以你话拆了个玉器城或者咩布匹市场, 政府充其量就系起个西城都荟或者乐峰广场呢种MALL。 我觉得只系低挡卖场变成高档卖场咯, 不过系没了装乱差,没眼屎干净。  不过低档卖场就系D小商小贩都有营生的机会,高档MALL就只有商家财团先有赚钱机会咯。
     话讲翻转头, 如果你作为一个村民, 就算你愿意牺牲你的利益,但其他人五会咯,甘做又有咩用,所以都系自己顾自己算了 人都系私利的,
回复

使用道具 举报

广州山大王 发表于 2016-4-22 12:23:50 ( 加好友 |打招呼 |发消息 )
nimfish 发表于 2016-4-22 09:19
讲D样也就好复杂了, 作为个D村民, 肯定宁愿长远收益,而抛起短期一笔过D卖地收益啦, 而且广州呢个城市 ...

按某君子嘅理论,社会低下层应该全部死晒去,净系留翻啲精英阶层就够喇,
啲死穷鬼咗住个地球转,仲营乜鬼生?
回复

使用道具 举报

发表于 2016-4-22 23:35:09 ( 加好友 |打招呼 |发消息 )
本来一个专治密集恐惧症的地方
变成这样多少都有点唏嘘
回复

使用道具 举报

luster 发表于 2016-4-25 15:27:30 ( 加好友 |打招呼 |发消息 )
不去评论是否低端,但是状元坊一直以来就是品种多,加上购买氛围好。
马云害死了实体经济,当然电商崛起也有其优势原因。不过反思一下如果街上所有行业都被电商吞并,你买卷纸巾网购,买支水网购,买斤猪肉网购,你对脚有咩用?街上就不用存在商铺了,这样的城市有什么味道和文化沉淀?
人人家里有盒鞋,鞋盒里面有河蟹,河蟹结伴草泥马,不知不觉和谐你。
回复

使用道具 举报

ilovegz 发表于 2016-5-8 21:07:53 ( 加好友 |打招呼 |发消息 )
我小时在那边住过几年,80年代中后期,那时候是一条很安静的小街,街尾靠近人民路那边,有几件出名的做戏服的店,就是“朱义胜“,还有做月饼模具的店,做象牙雕的作坊。现在是回复以前的面目了。
回复

使用道具 举报

发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部