粤文化,阅观点,悦生活……
街巷探秘:讲古佬带你品味隐藏于羊城老街巷的传奇故事
发新帖
详细内容

金句王黎明亲自解话:点解唔可以空肚食早餐?

狂乱的人 发表于 2016-3-15 |0条回复 |1312次浏览

更多
本帖最后由 小编 于 2016-3-15 21:08 编辑

1457990737_0cb1.jpg


有「金句王」之称嘅天王黎明 (Leon),最近活跃Facebook,唔少关注佢嘅网民都为之雀跃,期待Leon爆金句,Leon亦不负众望,早前一条横店揸车Rap住讲「钟意就钟 意,唔钟意就唔钟意,唔好讲咩L.I.K.E」嘅片hit爆网络,而过往从未公开为佢嘅「金句」解话嘅Leon,终于出现喺《苹果》「人人问黎明」环节 喇!想知「核心嘅外围系核心嘅内围」点解?究竟Leon系点样可以做到「唔会空肚食早餐」?唔使估喇,即刻睇吓Leon点拆解啦!

问:其实空肚食早餐系点解架呢?
答:哎吔,其实有人误会我,有人问过我,喂Leon,你唔会空肚食早餐咁嘅说话都讲得出嚟呀!我答佢梗是不是啦!因为我每朝起身都会饮一杯热水先开始食早餐,咁就唔算空肚啦,估唔到两三个人嘅对话会演变到唔会空肚食早餐。

问:黎明,你可唔可以讲下你每日三餐食啲乜架?
答:呵呵!太好喇!我早餐食煮蛋,午饭先食菜,然后食面,嗰日唔使太大量工作就可能只食鱼就够,晚饭有时牛扒同菜,有时唔使做嘢会食东坡肉加饭,但会好肥。

问:Leon,你其实俾人话系金句王,你会唔会唔开心架?
答:如果唔开心有得选择,咁算喇,唔开心根本冇得选择,我开心畀你睇喇,其实我唔明白点解会有金句两个字,点解唔叫银句呢?

问:Leon,我想问核心外围系核心内围系点解0架?
答:核心嘅内围同核心嘅外围,核心,我可以睇到佢嘅外围,但外围里面一定有内围,咁如果内围里面仲有小核心,你喺外边钻个窿入去睇嗰时,你依然会见到外围,取决于嗰个核内有几多个「核核」,而洐生几多个外围同内围,清楚晒啦!

问:Leon,你钟意猫多啲定狗多啲呀?
答:我钟意猫又钟意狗,猫我钟意公,因为公娇嗲啲,狗我钟意乸,但我依家尝试改变自己狗都钟意公,但猫就唔钟意乸,因为猫乸容易发脾气。

问:黎明我想问你有冇八达通架,平时用嚟「嘟」乜嘢多架?
答:八达通有好多种,我大又有细又有,连特别版都有,平时用嚟去戏院买热狗、买爆谷同停车场,系呢三样。

问:Leon你钟唔钟意食牛杂0架?
答:我好钟意食牛杂,牛杂里面最钟意食蒡、肠,肚我唔钟意食,肺都麻麻。

问:吃火锅你最钟意乜嘢汤底?有乜嘢必食?
答:我麻辣汤底又得,海底椰同清汤都得。牛肉、羊肉、花枝丸、火腿丸、贡丸同好食嘅墨鱼丸,因为难食嘅墨鱼丸太黐牙,太有弹性。

问:Leon,你facebook啲好有创意,会唔会玩埋instagram?
答:facebook温柔一啲,instagram好似比较激,炫耀多啲,或者都试一试。

问:Leon我觉得你几有喜剧细胞,会唔会拍多啲笑片?
答:喜剧细胞系冇得刻意,因为我唔系刻意咗但识得隐藏嘅人,所以喜剧嚟讲,我觉得唔好再挑战自己唔得嘅地方,除非真系缘份到,如果有一日我真系拍喜剧,老板唔怕蚀,我会同你博一博,why not?任何嘢都要试吓,老板就可能唔愿意。

问:我已经退咗休,你觉得我仲有冇魅力?
答:大家都一样吖,大家都戴帽,当然有魅力啦!同埋魅力系来自自己信心,你有信心又不伤害人,你就有魅力。

问:Leon,如果你想讲好钟意,但又唔以讲L.I.K.E,咁仲可以讲乜呀?
答:好似呢个女仔讲L.I.K.E我就觉得好真诚,佢打破咗我对L.I.K.E嘅睇法,好似「喂,你like不like」呢嗰字有恐吓性同有威迫感觉。头先嗰 个女仔话L.I.K.E,再讲like唔like,呢件事上就温柔好多喇。L.I.K.E可以咁样表达,但唔好讲我like只歌,我觉得怪怪地,系嘛?钟 意就钟意,Do you like it?

问:Leon你觉得你边句金句最金?
答:我冇金句将人跣到摊摊腰,所以冇「甘」唔「甘」。

1457990376_a409.jpg

黎天王一向讲嘢极有哲理,今次首度解说「金句」谜团

1457990474_1735.jpg

Leon早餐会食煮蛋,午饭先食菜,然后食面,东坡肉似乎佢好like

1457990480_9475.jpg

Leon话男人魅力系来自信心
更多
发新帖
您需要登录后才可以回帖 登录 | 注册

Copyrigh 2016 羊城网 All Rights Reserved.   

回顶部